គ្រោងនឹងដើរដង្ហែក្បួន ក្នុងរាជធានីភ្នំពេញ នាថ្ងៃទី២ វិច្ឆិកាខាងមុខ ដើម្បីអោយមន្ត្រីក្រសួងស្ថាប័ន ដែលពាក់ព័ន្ធ ធ្វើការបញ្ជាក់ពីទីតាំងដីទំហំ ១២,៤៤ ហិកតា នៅតំបន់បឹងកក់ ដែលសម្តេចនាយករដ្ឋមន្ត្រី បានផ្តល់ប្រទានកម្ម ដល់ប្រជាពលរដ្ឋ សម្រាប់ការអភិវឌ្ឍនៅនឹងកន្លែង។
ក្រុមអ្នកភូមិបឹងកក់ ក៏បានលើកឡើងថា ការជួបជុំដាក់ញត្តិ និងហែក្បួននោះ ក៏ដើម្បីសុំអន្តរាគមន៍ពីសម្តេចនាយករដ្ឋមន្ត្រី ហ៊ុន សែន ជួយអន្តរាគមន៍ទៅមន្ត្រី ដែលពាក់ព័ន្ធ អោយបង្ហាញពីទីតាំងដី១២.៤៤ ហិកតា អោយបានច្បាស់ជៀសវាងកើតមានបញ្ហារវាងប្រជាពលរដ្ឋ និងក្រុមហ៊ុន ស៊ូកា គូអ៊ីន ។
អ្នកស្រី ទេព វន្នី ប្រជាពលរដ្ឋរស់នៅតំបន់បឹងកក់ បានអោយដឹងថា ប្រជាពលរដ្ឋនៅតំបន់បឹងកក់បានដាក់លិខិតជូនដំណឹង ទៅសាលារាជធានីភ្នំពេញ កាលពីថ្ងៃទី២៦ តុលា ឆ្នាំ២០១១ ស្តីពី ការជួបជុំដាក់ញត្តិ និងហែក្បួន ដើម្បីឲ្យអាជ្ញាធររាជធានីភ្នំពេញ បង្ហាញទីតាំងដីទំហំ ១២,៤៤ ហិកតា អោយបានច្បាស់លាស់ និងព្រំប្រទល់ពីត្រឹមណា ទៅដល់ណា ដើម្បីជៀសវាងវិវាទរវាង
ប្រជាពលរដ្ឋ និងក្រុមហ៊ុន។
អ្នកស្រីបានបញ្ជាក់ថា ការដើរដង្ហែក្បួន ក្នុងរាជធានីភ្នំពេញ របស់ប្រជាពលរដ្ឋនៅតំបន់បឹងកក់ គឺដើម្បីសុំអោយខាងមន្ត្រីដែលពាក់ព័ន្ថទាំងអស់ និងជាពិសេសសុំអោយសម្តេចនាយករដ្ឋមន្ត្រី ហ៊ុន សែន ជួយអន្តរាគមន៍ទៅមន្ត្រីដែលពាក់ព័ន្ធទាំងអស់ ក៏ដូចជាក្រុមហ៊ុន ស៊ូកា គូអ៊ីន អនុវត្តទៅតាមអនុក្រឹតរបស់សម្តេចនាយករដ្ឋមន្ត្រី ដែលបានផ្តល់អោយប្រជាពលរដ្ឋនៅតំបន់បឹងកក់ បានដល់ដៃប្រជាពលរដ្ឋពិតប្រាកដ និងដើម្បីជៀសវាងការបណ្តេញជាលើកទី២។ ការហែក្បួន នាថ្ងៃទី២ វិច្ឆិកា ខាងមុខ មានការលើកបដា និងសរសេរជាពាក្យស្លោកនៅលើអាវផងដែរ។
ស្ត្រីអ្នកភូមិបឹងកក់ បានបន្ថែមថា នៅថ្ងៃទី២ វិច្ឆិកាខាងមុខនេះ ប្រជាពលរដ្ឋមកពីតាម
បណ្តាសហគមន៍មួយចំនួន ក្នុងរាជធានីភ្នំពេញ ក៏នឹងយកញត្តិទៅដាក់ជូនសាលារាជធានីភ្នំពេញផងដែរ ដើម្បីបញ្ឈប់ការបណ្តេញប្រជាពលរដ្ឋចេញពីលំនៅដ្ឋាន។
សូមរម្លឹកថា ជម្លោះដីនៅតំបន់បឹងកក់ បានកើតឡើងដ៏រ៉ាំរ៉ៃ ចាប់តាំងពីសាលារាជធានីភ្នំពេញ ចុះហត្ថលេខាជួលដីបឹងកក់ទំហំ ១៣៣ ហិកតា ឲ្យក្រុមហ៊ុនស៊ូកាគូអ៊ិន រយៈពេល ៩៩ ឆ្នាំ ដើម្បីអភិវឌ្ឍជាទីក្រុងរណប។ ប៉ុន្តែគម្រោងអភិវឌ្ឍនោះ បានធ្វើឲ្យប្រជាជនជាង ៤.០០០ គ្រួសារ ត្រូវរុះរើលំនៅដ្ឋាន។
មកដល់ពេលនេះ មានប្រជាពលរដ្ឋជាង ១.០០០ គ្រួសារ បានព្យាយាមតស៊ូមតិ ដើម្បីបានរស់នៅលើដីផ្ទះរបស់ខ្លួន នៅបឹងកក់ តាមរយៈគោលការណ៍អភិវឌ្ឍនៅនឹងកន្លែង។ រហូតដល់ខែសីហា ឆ្នាំ២០១១ សម្តេចនាយករដ្ឋមន្ត្រី ហ៊ុនសែន បានចេញអនុក្រឹត្យ សម្រេចកាត់ដីទំហំ ១២,៤៤ ហិកតា ចេញពីគម្រោងអភិវឌ្ឍបឹងកក់ ដែលមានទំហំសរុប ១៣៣ ហិកតា ដើម្បីប្រគល់ជូនប្រជាពលរដ្ឋ ធ្វើការអភិវឌ្ឍនៅនឹងកន្លែង។
ក៏ប៉ុន្តែការសម្រេចសម្តេចនាយករដ្ឋមន្ត្រី ហ៊ុនសែន នៅតែមិនអាចបញ្ចប់ជម្លោះរវាងប្រជាពលរដ្ឋ និងក្រុមហ៊ុនស៊ូកាគូអ៊ិន។ ពោលគឺក្រុមហ៊ុន និងអាជ្ញាធរ បានបន្តបូមខ្សាច់លុបផ្ទះប្រជាពលរដ្ឋ និងវាយកម្ទេចផ្ទះរបស់ប្រជាពលរដ្ឋជាច្រើនគ្រួសារ ដោយក្រុមហ៊ុន និងអាជ្ញាធរ សម្អាងថា ដី និងផ្ទះទាំងនោះ មិនស្ថិតក្នុងដីទំហំ ១២,៤៤ ហិកតា នោះឡើយ៕
CEN
No comments:
Post a Comment
yes