លោក ខៀវ កាញារីទ្ធ អ្នកនាំពាក្យរបស់រាជរដ្ឋាភិបាល បានថ្លែង កាលពីថ្ងៃចន្ទថា លោកនាយករដ្ឋមន្រ្តី ហ៊ុន សែន បានចាកចេញពីប្រទេសកម្ពុជាដោយស្ងប់ស្ងាត់ ឆ្ពោះទៅកាន់ប្រទេសសិង្ហបុរី ជាកន្លែង ដែលឪពុករបស់លោក គឺលោកព្រឹទ្ធាចារ្យមហាឧបាសក ហ៊ុន នាង ស្នាក់ទទួលការព្យាបាលសុខភាព។
លោកនាយករដ្ឋមន្រ្តី ហ៊ុន សែន គ្រោងនឹងចូលរួមបើកសន្និសីទស្តីពីការប្រែប្រួលអាកាសធាតុកាលពីថ្ងៃចន្ទ នៅឯវិមានសន្តិភាព ប៉ុន្តែបានអវត្តមានវិញព្រោះលោកត្រូវធ្វើដំណើរទៅប្រទេសសិង្ហបូរី ហើយលោក ខៀវ កាញារីទ្ធ បានបញ្ជាក់ថា ដំណើររបស់លោកនាយករដ្ឋមន្រ្តីដើម្បីទៅមើលឪពុកលោក ដែលកំពុងទទួលការព្យាបាលជំងឺ។
ពុំមានព័ត៌មានលម្អិតពីដំណើររបស់លោកនាយករដ្ឋមន្រ្តី និងស្ថានភាពសុខភាពរបស់ឪពុកលោកនោះឡើយទេ។
កន្លងទៅថ្មីៗនេះ លោកព្រឹទ្ធាចារ្យមហាឧបាសក ហ៊ុន នាង អាយុ ៩០ ឆ្នាំ ត្រូវព្រះមហាក្សត្រ ព្រះបរមនាថ នរោត្តម សីហមុនី ប្រោសព្រះរាជទានគោរមងារជាអ្នកឧកញ៉ាមហាភក្ដីសប្បុរិសភោគាធិបតី កាលពីថ្ងៃទី ៧ ខែ កញ្ញា ឆ្នាំ ២០១១ នេះ៕ TK
ពីគេហទំព័រ៖ ភ្នំពេញប៉ុស្តិ៏
No comments:
Post a Comment
yes