ប្រជាជនដែលពុលស្រាសស្លាប់បានកើនឡើងដល់ចំនួន៦នាក់ ក្នុងនោះ២នាក់ជាស្រ្តី និង៥៨នាក់ទៀតកំពុងជួយសង្រ្គោះជាបន្ទាន់នៅមន្ទីរពេទ្យដោយសារតែជាតិស្រាស ដែលមានលាយមេនោះបានជ្រាបចូលពេញខ្លួនទៅហើយ។
សេចក្ដីរាយការណ៍ពីខេត្តពោធិ៍សាត់បានឲ្យដឹងថា ប្រជាជនដែលផឹកស្រាសនោះ បានពុលជាបន្តបន្ទាប់កាលពីវេលាម៉ោង៦យប់ថ្ងៃទី៥ ខែតុលា ឆ្នាំ២០១១ នៅឃុំកំពង់ពោធិ៍ ស្រុកក្រគរ ខេត្តពោធិ៍សាត់។ សមត្ថកិច្ចបាននាំជនរងគ្រោះទាំងនោះមកកាន់មន្ទីរពេទ្យដើម្បីដាក់អុកស៊ីហ្សែន និងព្យួរសេរ៉ូមសង្រ្គោះជីវិត ប៉ុន្តែជាអកុសលមនុស្ស៦នាក់បានស្លាប់បាត់បង់ជីវិតជាបន្តបន្ទាប់ និង៥២នាក់ផ្សេងទៀតក្រុមគ្រូពេទ្យកំពុងជួយសង្រ្គោះអាយុជីវិត។
សមត្ថកិច្ចបានឲ្យដឹងថា ដើមហេតុដែលបណ្ដាលឲ្យអ្នកភូមិជាង៦០នាក់ពុល ជាបន្តបន្ទាប់នោះដោយសារតែឈ្មោះមាន សាវី មានទីលំនៅភូមិមាត់ព្រៃ ឃុំកំពង់ពោធិ៍ ស្រុកក្រគរ ខេត្តពោធិ៍សាត់បានពុលស្រាសស្លាប់ ប៉ុន្តែអ្នកភូមិមិនដឹងមូលហេតុនៃការស្លាប់នោះទេ ក៏មានការធ្វើបុណ្យសពនៅផ្ទះ ហើយអ្នកភូមិបានចូលរួមជាច្រើននាក់។ លុះដល់ថ្ងៃទី៤ ខែតុលា អ្នកទៅកំដរសពបាន ទិញស្រាសសម្រាប់ទទួលភ្ញៀវ ហើយនាំគ្នាផឹកស្រវឹងពេញភូមិ។ រហូតដល់ថ្ងៃទី៥ ខែតុលា ជាតិស្រាសបានចូលជ្រាបពេញខ្លួនក៏បណ្ដាលឲ្យមនុស្ស៣នាក់ទៀតស្លាប់នៅនឹងភូមិ ហើយជាង៦០នាក់ទៀតត្រូវដឹកមកសង្រ្គោះនៅមន្ទីរពេទ្យ។
រហូតមកដល់ម៉ោង៩និង៣០នាទីថ្ងៃទី៦ តុលានេះ អ្នកស្លាប់បានកើនឡើងរហូត៦នាក់ និង៥៨នាក់ទៀតកំពុងជួយសង្រ្គោះនៅឡើយ៕
ពីគេហទំព័រ៖ កម្ពុជាថ្មី
No comments:
Post a Comment
yes