តារាសម្ដែងស្រីស្រស់ក្មេងខ្ចី ឈ្មោះ ទឹម រដ្ឋា បានបើករថយន្តលុចស៊ីសបុករថយន្តអ្នកធ្វើដំណើរផ្សេងទៀតបណ្ដាលឲ្យខូចខាតរថយន្តទាំង២ទាំងសងខាងយ៉ាងដំណាំ ហើយអ្នកបើករថយន្តបង្កដែលគេស្គាល់ថាជាតារាសម្ដែងស្រីស្រស់ស្អាត ឈ្មោះ ទឹម រដ្ឋា ត្រូវបានគេរំដោះខ្លួនគេចទៅបាត់ដោយមិននៅដោះស្រាយនោះទេ។
ហេតុការណ៍នេះកើតឡើងកាលពីពេលរំលងអធ្រាត្រ ឈានចូលថ្ងៃទី២៤ ខែតុលា ឆ្នាំ២០១១នេះនៅ ចំណុចផ្លូវបំបែកទល់មុខអគារBS ស្ថិតនៅតាមបណ្ដោយមហាវិថី ព្រះមុនីវង្ស ក្នុងសង្កាត់មនោរម្យ ខណ្ឌ៧មករា។
ប្រភពព័ត៌មានបានឲ្យដឹងថា គ្រោះថ្នាក់នោះបង្កឡើងដោយរថយន្ដឡិចស៊ីស RX-330 ពណ៌ខ្មៅ ពាក់ស្លាកលេខ ភ្នំពេញ 2K-8703 បើកបរដោយតារាសម្ដែងស្រីម្នាក់ ដែលប្រភពគេអះអាងថា ឈ្មោះទឹម រដ្ឋា បានបើករថយន្ដរបស់ខ្លួនទាំងស្រវឹង នៅតាមបណ្ដោយមហាវិថី កម្ពុជាក្រោម(ផ្លូវលេខ១២៨) ក្នុងសង្កាត់ផ្សារថ្មី២ ខណ្ឌដូនពេញ យ៉ាងលឿន។ លុះមកដល់ចំណុចផ្លូវបំបែកទល់មុខអគារ BS ស្ថិតនៅមហាវិថីព្រះមុនីវង្ស(ផ្លូវលេខ៩៣) ក្នុងសង្កាត់មនោរម្យ ខណ្ឌ៧មករា បានបុករថយន្ដ១គ្រឿងទៀតម៉ាកស៊ុយស៊ូគី ពណ៌ស ពាក់ស្លាកលេខ ភ្នំពេញ 2C-7406 បណ្ដាលឱ្យខូចខាតរថយន្ដទាំងសងខាងយ៉ាងដំណំ ហើយរថយន្តបង្កម៉ាកលុចស៊ីស បានខ្ទាតកាងមុខទៅត្រូវទូ ATM របស់ធនាគារ ANZ Royal បណ្ដាលឱ្យបែកកញ្ចក់ផ្នែកខាងមុខខ្ទេច។
ប្រភពព័ត៌មានបន្តថា តារាសម្ដែងស្រីរូបនោះនៅពេលបុករថយន្ដរបស់គេបណ្ដាលឱ្យវិល៣-៤ ត្រឡប់ហើយ មិនព្រមចុះពីរថយន្ដទេ ហើយមួយសន្ទុះក្រោយមកក៏ហៅបក្ខពួកឲ្យរំដោះនាង គេចចេញពីកន្លែងហេតុការណ៍ទៀតផង។
ក្រោយបង្កហេតុរួចរថយន្តទាំង២ត្រូវបានសមត្ថកិច្ចអូសយកទៅរក្សាទុក ដើម្បីរង់ចាំការដោះស្រាយទៅតាមផ្លូវច្បាប់៕
ពីគេហទំព័រ៖ កម្ពុជាថ្មី
No comments:
Post a Comment
yes