បន្ទាប់ពីផ្ទុះរឿងបែកបាក់ជាមួយលោកសុខ ជំនោរ ដែលជាគូដណ្តឹងមិនទាន់រៀបការដែលពី មុន មានត្រឹមម៉ូតូ, ជួលផ្ទះគេនៅ រហូតមានរថយន្តនិងផ្ទះផ្ទាល់ខ្លួននោះ សុគន្ធ នីសា ត្រូវមហាជនរិះគន់ថានាងភ្លេចកំណើត ឬត្រកួនភ្លេចបឹង បានល្បីភ្លេចអ្នកជួយ ។
សុគន្ធ នីសា បានចេញមុខបកស្រាយតាមទំព័រ Facebook ថា “ខ្ញុំបានបែកគ្នាជាមួយលោក ជំនោរ យូរមកហើយ មិនមែនទើបតែថ្មីៗនេះទេ ។ ពួកយើងបានដោះស្រាយដោយសន្តិវិធីចប់សព្វគ្រប់ ដោយមិនមានឈ្លោះគ្នា ឬឡើងតុលាការទេ ព្រោះតែពួក យើងជាគូដណ្តឹងនឹងគ្នាមិនទាន់ឈាន ដល់រៀបអាពាហ៍ពិពាហ៍” ។
សុគន្ធ នីសា បានបញ្ជាក់ថា ការបែកបាក់នេះគឺនាងជាអ្នកសុំគាត់បែក ព្រោះខ្ញុំមានហេតុផលដែលមិនអាចឈានទៅរៀបការបាន ។ ខ្ញុំដឹងថា ទស្សនិកជនយល់ច្រឡំយ៉ាងធ្ងន់លើនាងខ្ញុំ ខ្លះថាខ្ញុំបោះបង់គេចោល ហក់រកទ្រនំថ្មី ប៉ុន្តែមិនគួរដាក់ឈ្មោះខ្ញុំយ៉ាងនេះទេ ។
ចំពោះរឿងទស្សនិកជនប្រដូចសុគន្ធ នីសា ទៅនឹងត្រកួនភ្លេចបឹង នាងបកស្រាយថា សូមឱ្យពួកគាត់ជួយពិចារណាផង នាងខ្ញុំនិងលោកសុខ ជំនោរ មានសមត្ថភាពផ្សេងៗគ្នាដែលត្រូវពឹងពាក់គ្នាទៅវិញទៅមក ទើបទទួលបានជោគជ័យ ។ មិនមែនគ្រាន់តែបែកគ្នា ចោទថានាងខ្ញុំថាជាត្រកួនភ្លេចបឹងនោះទេ ។
ជុំវិញការសង្ស័យថាមានអ្នកទី៣ចូលជ្រៀតជ្រែកនោះ សុគន្ធ នីសា និយាយថា ព័ត៌មាននោះហាក់ដូចជាថានាងខ្ញុំធ្វើបាបលោកសុខ ជំនោរណាស់ តើគេមានគិតថាខ្ញុំមានការពិបាកដែរឬអត់ ? ខ្ញុំមិនចង់រស់រងគំនាបឬសម្ពាធផ្លូវចិត្តទេ នាងខ្ញុំចង់បានភាពសុខសាន្ដនិងសេចក្ដីសុខក្នុងគ្រួសារតែប៉ុណ្ណោះ ។
គួររំលឹកថា ចំណងស្នេហ៍សុគន្ធ នីសា និងលោកសុខ ជំនោរ បានចាប់ផ្ដើមតាំងពីឆ្នាំ២០០៤ម្ល៉េះ គឺនៅពេលពួកគេធ្វើការក្នុងផលិតកម្មរស្មីស្ទឹងសង្កែជាមួយគ្នា ៕
No comments:
Post a Comment
yes