ហេតុការណ៍ពុលស្រាថ្នាំចាយសៀងអ៊ីនេះបានកើតឡើងកាលពីវេលាម៉ោង៨និង៣០នាទីយប់ ថ្ងៃទី២២ ខែវិច្ឆិកា ឆ្នាំ ២០១១នៅផ្ទះជួលភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ រាជធានី ភ្នំពេញ ។
ក្រុមគ្រួសារសពបានឱ្យនគរវត្ដដឹង ថា យុវជនរងគ្រោះពុលស្រាថ្នាំចាយ សៀងអ៊ីបណ្ដាលឱ្យស្លាប់នេះឈ្មោះ ស៊ុន រស្មី អាយុ២៣ឆ្នាំ ដែលជាសិស្សរៀន ភាសាកូរ៉េបំណងទៅបម្រើការងារនៅ ប្រទេសកូរ៉េ មានស្រុកកំណើតនៅស្រុក គិរីវង់ ខេត្ដតាកែវ ។ មុនពេលកើត ហេតុ ជនរងគ្រោះ និងក្រុមគ្រួសារបាន ជួបជុំគ្នាបង្កើតជាកម្មវិធីផឹកស៊ីដែល ចំណាយប្រាក់ទិញស្រាចាយសៀងអ៊ីមក ផឹកអស់ប្រមាណពី៣-៤ដប ។
ក្រុមគ្រួសារជនរងគ្រោះបានបន្ដ ទៀតថា បន្ទាប់ពីការផឹកស៊ីនេះមិនទាន់ ទាំងចប់កម្មវិធីជួបជុំគ្រួសារស្រួលបួលផង ស្រាប់តែឈ្មោះ ស៊ុន រស្មីមាន អាការត្រដរខ្យល់ ប្រកាច់បែកពពុះ មាត់ ។ ឃើញដូច្នេះ ក្រុមគ្រួសារក៏បាន ព្យាយាមដឹកជនរងគ្រោះតាមរ៉ឺម៉ក កង់៣ក្នុងគោលបំណងយកទៅសង្គ្រោះ នៅមន្ទីរព្រះកុសុមៈ។ ប៉ុន្ដែជា អកុសល ជនរងគ្រោះត្រូវបានស្លាប់តាំងពីពាក់ កណ្ដាលផ្លូវទៅហើយ នេះបើតាមការ អះអាងរបស់ក្រុមគ្រូពេទ្យប្រាប់ក្រុម គ្រួសារនៅពេលដែលដឹកដល់មន្ទីរពេទ្យនោះ ។
ក្រុមគ្រួសាររបស់សពបានសម្ដែង នូវការសោកស្ដាយយ៉ាងខ្លាំងពីការបាត់បង់សមាជិក១រូបក្នុងគ្រួសារ មិនតែ ប៉ុណ្ណោះ ជនរងគ្រោះស៊ុន រស្មី ដែលបាន មកសិក្សាភាសាកូរ៉េកំពុងរៀបចំខ្លួន ដើម្បីចេញទៅបម្រើការងារនៅប្រទេស កូរ៉េ។ ប៉ុន្ដែពេលនេះក្រុមគ្រួសារបាន ត្រឹមតែអាឡោះអាល័យតែប៉ុណ្ណោះ ហើយបានដឹកយកសាកសពទៅធ្វើ បុណ្យតាមប្រពៃណីនៅឯស្រុក កំណើត ។
ពាក់ព័ន្ធនឹងយុវជនផឹកស្រាចាយសៀងអ៊ីបណ្ដាលឱ្យពុលស្លាប់នេះមិនទាន់មាន ការចុះធ្វើកោសល្យវិច័យណាមួយដោយសមត្ថកិច្ចនិងមន្ដ្រីជំនាញនៅឡើយទេ។ កន្លងទៅប្រជាពលរដ្ឋធ្លាប់រងគ្រោះពុល ស្រានិងអំពីអាហារមានជាតិពុលបណ្ដាលឱ្យស្លាប់ដូច្នេះ ប្រសិនបើយុវជនឈ្មោះ ស៊ុន រស្មី ស្លាប់ដោយសារការផឹកស្រា ចាយសៀងអ៊ីពុលគួរណាស់តែមាន សមត្ថកិច្ចនិងមន្ដ្រីជំនាញធ្វើកោសល្យ វិច័យពីការពុលនេះ ព្រោះបច្ចុប្បន្ននេះ មានករណីផលិតស្រាក្លែងក្លាយ ឬចាក់ ទឹកដាក់ថ្នាំលក់ពាសវាលពាសកាល សុទ្ធតែជាបញ្ហាគ្រោះថ្នាក់ដល់អាយុជីវិតប្រជាពលរដ្ឋ ដូចជាយុវជនស៊ុន រស្មី ស្លាប់ ក៏ក្រុមគ្រួសារអះអាងថា ស្លាប់ ដោយសារការផឹកស្រាចាយសៀងអ៊ីនេះជាដើម ៕
នគរវត្ត
No comments:
Post a Comment
yes