ប្រជាពលរដ្ឋដែលរស់នៅតំបន់បឹងកក់ប្រមាណជាង១០០នាក់នៅរសៀលថ្ងៃទី១៨ វិច្ឆិកា បានធ្វើ
ការប្រមូលផ្តុំគ្នានៅមុខសាលារាជធានីភ្នំពេញ ដោយធ្វើការស្រែតវ៉ាទាមទារអោយមន្ត្រីសាលាក្រុង
ធ្វើការបកស្រាយពីបញ្ហាក្រុមមន្ត្រីក្រសួងបរិស្ថានចុះទៅធ្វើជំរឿនប្រជាពលរដ្ឋនៅតំបន់បឹងកក់
ដោយមិនមានភាពមិនប្រក្រតី និងអោយបញ្ឆាក់ពីការបោះព្រំប្រទល់ដីទំហំ១២.៤៤ហិកតា ដែល
ការទៅប្រមូលផ្តុំគ្នានៅមុខសាលារាជធានីភ្នំពេញរបស់ប្រជាពលរដ្ឋនៅតំបន់បឹងកក់គឺបន្ទាប់ពីពួកគាត់បានទៅប្រមូលផ្តុំគ្នានៅមុខសាលាសង្កាត់ស្រះចកកាលពីព្រឹកមិញពីបញ្ហាក្រុមមន្ត្រីក្រសួង
បរិស្ថាន ចុះទៅសួរនាំប្រជាពលរដ្ឋដោយបង្កប់នូវភាពមិនប្រក្រតី ជាហេតុធ្វើអោយប្រជាពលរដ្ឋ
មានសង្ស័យ។
អ្នកស្រី ទេព វណ្ណី បានអោយដឹងថា នៅពេលដែលពួកគាត់នាំគ្នាទៅសួរចៅសង្កាត់ស្រះចកនៅព្រឹក
មិញពីបញ្ហាអស់ទាំងនេះដើម្បីអោយធ្វើការបញ្ឆាក់អោយច្បាស់លាស់ ប៉ុន្តែការតវ៉ានេះមិនទទួល
បានលទ្ធផលអ្វីនោះទេ។ ដោយរុញដាក់គ្នាទៅវិញទៅមក សង្កាត់រុញទៅខណ្ឌ ខណ្ឌរុញមកសាលា
រាជធានីភ្នំពេញនៅក្នុងសេចក្តីថ្លែងការណ៍របស់ប្រជាពលរដ្ឋបឹងកក់បានទាមទារចំនួន៤ចំនុចក្នុង
នោះមានដូចជា អោយប្រជាពលរដ្ឋដែលត្រូវកាត់ចេញទាំងប៉ុន្មានមានសិទ្ធិធ្វើប្លង់លើទំហំដី១២.៤៤
ហិកតានៅតំបន់បឹងកក់ទាំងអស់គ្នាដែលលោក ហ៊ុន សែន បានធ្វើប្រទានកម្មដីជូនប្រជាពលរដ្ឋ
សម្រាប់ធ្វើការអភិវឌ្ឍន៍នៅនិងកន្លែង។ អោយប្រជាពលរដ្ឋទាំងអស់គ្នាបានទទួលប្លង់កម្មសិទ្ធិដីតាម
ទំហំដី និងផ្ទះ ដែលមានជាក់ស្តែង។ សូមអោយក្រុមហ៊ុន និងអាជ្ញាធរចុះមកធ្វើប្រព័ន្ធលូអោយ
បានឆាប់ជៀសវាងការលិចលង់ភូមិប្រជាពលររដ្ឋ។ កុំអោយមានឈ្មោះលោក ឡាវ ម៉េងឃីន រឺអ្នក
ណាផ្សេងដែលមិនមែនជាប្រជាពលរដ្ឋរងគ្រោះរស់នៅតំបន់បឹងកក់មានសិទ្ធិធ្វើប្លង់នៅលើទំហំដី
១២.៤៤ហិកតា អោយបោះព្រំប្រទល់ដីទំហំ១២.៤៤ហិកតាដែលលោក ហ៊ុន សែន ធ្វើប្រទានកម្ម
ដីសម្រាប់ជូនប្រជាពលរដ្ឋធ្វើការអភិវឌ្ឍន៍នៅនិងកន្លែងនៅតំបន់បឹងកក់អោយបានច្បាស់លាស់
ជាបន្ទាន់ជៀសវាងមានជម្លោះរវាងក្រុមហ៊ុន ស៊ូកាគូអ៊ីន មន្ត្រីអាជ្ញាធរ និងប្រជាពលរដ្ឋឥតឈប់ឈរ
ធ្វើអោយប៉ះពាល់ដល់ជីវភាពប្រជាពលរដ្ឋកាន់តែធ្លាក់ដុនដាប។
ទាក់ទងទៅនិងការទាមទាររបស់ប្រជាពលរដ្ឋនៅតំបន់បឹងកក់ខាងលើនេះនៅមិនទាន់មានការឆ្លើយតបយ៉ាងណានៅឡើយទេពីសាលារាជធានីភ្នំពេញ៕
No comments:
Post a Comment
yes