ការលើកកំពស់ភាពជាពលរដ្ឋប្រជាធិបតេយ្យ និងការចូលរួមបោះឆ្នោតរបស់ យុវជនកម្ពុជា

 មូលនិធិ ខុនរ៉ាដ អាឌិណៅអ៊ែប្រចាំកម្ពុជា និងអង្គការពុទ្ធសាសនា ដើម្បីអភិវឌ្ឍន៍ បានសហការ 

គ្នាធ្វើសិក្សាសាលានៅថ្ងៃទី៣០ វិច្ឆិកា​ ស្តីពីការលើកកំពស់ភាពជាពលរដ្ឋ និងការចូលរួមរបស់

យុវជនតាមបែបប្រជាធិបតេយ្យនៅក្នុងការបោះឆ្នោតនៅកម្ពុជា នៅសណ្ឋាគារ សាន់វ៉េ ក្នុងរាជ

ធានីភ្នំពេញ។

 ថ្លែងនៅក្នុងសិក្ខាសាលាតំណាងមូលនិធិខុនរ៉ាដ អាឌិណៅអ៊ែ ប្រចាំនៅកម្ពុជាលោក Denis Schrey បានមានប្រសាសាន៍ថា គោលបំណងនៃសិក្ខាសាលានេះ ដោយសារប្រទេសកម្ពុជា និង

រៀបចំនូវការបោះឆ្នោតធំៗចំនួន២នៅក្នុងឆ្នាំ២០១២  និង២០១៣ខាងមុខនេះ មូលនិធិខុនរ៉ាដ

អាឌិណៅអ៊ែ រួមជាមួយអង្គការពុទ្ធសាសនា ដើម្បីអភិវឌ្ឍន៍ មានគោលបំណងផ្តួចផ្តើមនៅកិច្ច

សន្ទនា និងផ្តល់នូវវេទិកាសម្រាប់ការជជែកផ្លាស់ប្តូរយោបល់ទៅវិញ ទៅមករវាងរាជរដ្ឋាភិបាល

អង្គការមិនមែនរដ្ឋាភិបាល បណ្តាញសារព័ត៍មាន តំណាងយុវជនរបស់គណបក្សនយោបាយ និង

អង្គការអន្តរជាតិនានា ព្រមទំាងភាគីពាក់ព័ន្ធដទៃទៀត អំពីការប្រឈមនានាសម្រាប់ការចូលរួម

របស់យុវជននៅក្នុងប្រទេសកម្ពុជា និងដើម្បីធ្វើការពិភាក្សាអំពីដំណោះស្រាយ និងឱកាសជា

សក្តានុពលនានា ដែលបណ្តាញសារព័ត៍មាន និងគណបក្សនយោបាយអាចកំណត់បាន ដើម្បីធ្វើ

អោយការចូលរួមរបស់គណបក្សនយោបាយនិងពលរដ្ឋ ការចុះឈ្មោះអ្នបោះឆ្នោត ការចូលរួម

របស់យុវជនក្នុងការបោះឆ្នោតមានលក្ខណៈកាតាន់តែប្រសើរឡើង។

 លោក Denis Schrey បានបន្តថា តួអង្គសំខាន់ៗសម្រាប់ការចូលរួមរបស់យុវជនគឺគណបក្ស

នយោបាយ និងអង្គការមិនមែនរដ្ឋាភិបាល។ អង្គការក្រៅរដ្ឋាភិបាលគឺជាអ្នកឃ្លាំមើលឯករាជ្យ

មួយនូវគោលនយោបាយនានារបស់រដ្ឋាភិបាល ហើយក៍ជាអ្នកផ្តល់សេវាយ៉ាងសំខាន់មួយផង

ដែរ ក្នុងការផ្តល់នូវឱកាសសម្រាប់យុវជនក្មេងក្នុងការប្រឡូក និងការពារនូវបញ្ហាទាំងឡាយ

ដែលជាក្តីបារម្ភរបស់សង្គម៕