អាជ្ញាធរអ៊ីតាលីបានផ្អាកកាលពីថ្ងៃទី១៤ មករា នូវប្រតិបត្តិការតាមរុករកពួកអ្នកបាត់ខ្លួនប្រមាណជា៤០នាក់ ក្នុងការលិចនាវាប៉ាកឺបូ មួយគ្រឿងបណ្តាលឱ្យមនុស្សស្លាប់៣នាក់ នៅជិតកោះតូស្កាន របស់អ៊ីតាលី ចំណែកតុលាការបានចាប់ខ្លួនមេបញ្ជាការនាវានេះ ពិសេសពីបទបោះបង់ចោលនាវា។ យោងតាមព័ត៌មានដំបូងនានាថា គ្រោះថ្នាក់នេះកើតមានកាលពីយប់ថ្ងៃទី១៣ មករា ពេលនាវាឈ្មោះ COSTA CONCORDIA ដែលដឹកមនុស្សដល់ទៅ ៤.២២៩នាក់ ក្នុងនោះភាគច្រើនជាអ្នកទេសចរអ៊ីតាលី បារាំង និងអាល្លឺម៉ង់ បានបុកប៉ះផ្ទាំងថ្មនៅជិតកោះ GIGLIO ។
មេបញ្ជាការនាវានេះ លោក FRANCESCO SCHETTINO ព្រមទាំងអ្នកទទួលខុសត្រូវម្នាក់ទៀតរបស់នាវា លោក CIRO AM-BROSIO ទទួលការចោទប្រកាន់ពីបទសម្លាប់មនុស្សយ៉ាងច្រើន ធ្វេសប្រហែសបណ្តាលឱ្យលិចនាវានេះ ហើយបោះបង់ចោលនាវា។ យោងតាមម៉ាស៊ីនឃោសនាអ៊ីតាលីថា នាវា COSTA CONCODIA បានចាកចេញពីកំពង់ផែ SAVONE នាវេលាម៉ោង១៩ម៉ោងក្នុងស្រុក ដើម្បីចាប់ផ្តើមដំណើរកម្សាន្តតាមនាវា រយៈពេល៧ថ្ងៃនៅសមុទ្រមេឌីទែររ៉ាណេ ក៏ប៉ុន្តែគ្រោះអកុសល២ម៉ោង ក្រោយការចេញដំណើរនាវានេះបានលិចដោយបុកប៉ះនឹងផ្ទាំងថ្ម ។
អាជ្ញាធរអ៊ីតាលីបានបញ្ជូនភ្លាមៗនូវពួកអ្នកជួយសង្គ្រោះទៅកាន់កន្លែងនាវានេះលិច។ ខណៈដែលនាវាចាប់ផ្តើមផ្អៀងលិច គេបានស្នើដល់ពួកអ្នកដំណើរឱ្យនាំគ្នាពាក់អាវពោងការពារ ហើយនាំគ្នាឡើងលើកាណូតទាំងឡាយ ៕
No comments:
Post a Comment
yes