ខេត្តស្វាយរៀង ៖ មនុស្សប្រុសស្រីចាស់ក្មេង៩៧នាក់បានពុលសម្ល និងបន្លែរាកក្អួតដួលសន្លប់ជាបន្តបន្ទាប់អស់មួយភូមិប្រជាពលរដ្ឋភ័យខ្លាចថា ជាជំងឺអាសន្នរោគហើយត្រូវក្រុមគ្រួសារបញ្ជូនទៅសង្គ្រោះនៅមន្ទីរពេទ្យបង្អែកស្រុកប្រតិបត្តិជីភូជាបន្តបន្ទាប់ ។ ករណីនេះបានកើតឡើងកាលពីថ្ងៃទី៥ មិថុនា ២០១២ វេលាម៉ោង១១យប់នៅភូមិសំឡីខាងត្បូង ឃុំសំឡី ក្រុងកំពង់រោទិ៍ ។
ទាក់ទិនការពុលអស់មួយភូមិនេះលោកម៉ែន សុខា បានប្រាប់កោះសន្តិភាពថា កាលពីថ្ងៃទី៥ មិថុនា ក្នុងភូមិមានពិធីលើកគ្រោងផ្ទះរបស់ឈ្មោះហ៊ុន ស្រីមុំ អាយុ៣០ឆ្នាំ ហើយស្ត្រី ម្ចាស់ផ្ទះបានរកអ្នកភូមិឱ្យមកជួយលើក ដោយពេលថ្ងៃត្រង់បានរៀបចំបាយសម្លដល់អ្នកមកជួយមានម្ហូប២មុខ គឺសម្លចាប់ឆាយ និងញាំស្ពៃក្តោប ហើយពេលល្ងាចហូបជុំគ្នាម្តងទៀតក៏កើតរឿងពុលបែបនេះទៅ ។
No comments:
Post a Comment
yes