ស្របពេលដែលរដ្ឋាភិបាលក្រោមការគ្រប់គ្រងរបស់លោក
ហ៊ុន សែន បានចេញសេចក្តីអំពាវនាវឲ្យកងកម្លាំងប្រដាប់អាវុធគ្រប់ប្រភេទ ត្រូវតែដកខ្លួនចេញពីអំពើល្មើសច្បាប់
ហើយយកចិត្តទុកដាក់បង្ការនិងបង្ក្រាបបទល្មើសអោយមានប្រសិទ្ឋភាពនោះ សេចក្តីរាយការណ៏ពីស្រុកស្វាយលើ ខេត្តសៀមរាបមកបានឲ្យដឹងថា
រាល់ថ្ងៃនេះបទល្មើសកាប់បំផ្លាញនិងការដឹកជញ្ជូនឈើខុសច្បាប់ កំពុងតែកើតមានឡើងយ៉ាងអនាធិបតេយ្យ នៅក្នុងស្រុកស្វាយលើ ក៏ដូចជានៅក្នុងខេត្តសៀមរាបទាំងមូល ដែលភាគច្រើនក្រុមឈ្មួញស្ថិតក្នុងចំណោមកងកម្លាំងប្រដាប់អាវុធ ហើយមន្ត្រីជំនាញមួយចំនួនក៏បានឃុបឃិតគ្នាថែមទៀត ឲ្យមានការដឹកជញ្ជូនឈើខុសច្បាប់ជាទ្រង់ទ្រាយធំដើម្បីប្រមូលលុយដាក់ក្នុងហោប៉ៅរបស់ពួកគេ ។
សេចក្តីរាយណ៏បានឲ្យដឹងថា
លោក យ៉ាន់ ស៊ីវ៉ាត ដែលជានាយសង្កាត់រដ្ឋបាលព្រៃឈើប្រចាំស្រុកស្វាយលើ ដែលមានទំនាក់ទំនងយ៉ាងល្អបំផុតជាមួយនិងថ្នាក់លើរបស់ខ្លួន ហើយថែមទាំងចេះបែងចែកផលប្រយោជន៏ ដែលបានមកពីជំនួញឈើខុសច្បាប់យកទៅអោយលោក
ទា គឹមសុទ្ឋ នាយខណ្ឌរដ្ឋបាលព្រៃឈើខេត្តសៀមរាបផងដែរនោះ គឺដើម្បីរក្សាលំនឹងរបស់ខ្លួន អោយបានយូរក្នុងទឹកដីស្រុកស្វាយលើ នៃខេត្កសៀមរាបនេះ
។
ហើយសូម្បីតែលោក យឹម សុភាព ដែលជាមេប៉េអឹមស្រុក និងលោក រស់ សំអឿន ជាអធិការស្រុកស្វាយលើ ក៏សុទ្ឋតែបានរក្សាភាពស្ងៀមស្ងាត់ និងមិនហ៊ានហើបមាត់ពីសកម្មភាពរកស៊ីឈើខុសច្បាប់របស់ក្រុមឈ្មួញទាំងនោះផងដែរ ព្រោះខ្លាចបាត់បង់ប្រាក់ចំណូលប្រចាំថ្ងៃរបស់ពួកគេ ។
ជាមួយគ្នានោះមន្រ្តីតូចតាចដែលមិនបានទទួលផលប្រយោជន៏ ពីអំពើពុករលួយដែលថ្នាក់លើរបស់ពួកគេបានប្រព្រឹត្តនោះរួមមាន
មន្ត្រីប៉េអឹម ប៉ូលិស ក៏ដូចជាមន្ត្រីរដ្ឋបាលព្រៃឈើផងដែរ បានប្រាប់ដោយសុំមិនបញ្ចេញឈ្មោះថា
រឿងដែលគ្មានការបង្ក្រាបជំនួញឈើខុសច្បាប់ចេញពីស្រុកស្វាយលើ ទៅតាមបណ្តាខេត្តនានា និងទៅយួននោះ នរណាៗក៏គេដឹងដែរ ថាពាក់ព័ន្ធនឹងបញ្ហាផលប្រយោជន៏ ហើយភាពអសកម្មរបស់មន្ត្រីខិលខូចទាំងនោះ ក៏បាន និងកុំពុងតែលក់មុខលោក ហ៊ុន សែន
ខ្លាំងណាស់ផងដែរ ។
បើយោងតាមសេចក្តីរាយការណ៏ដ៏គួរឲ្យទុកចិត្តបានបង្ហើបប្រាប់ឲ្យដឹងថា
នៅក្នុងភូមិសាស្ត្រទឹកដីស្រុកស្វាយលើ គឺពោរពេញទៅដោយការដឹកជញ្ជូនឈើប្រណិតខុសច្បាប់គ្រប់ប្រភេទ យ៉ាងគគ្រឹក
គគ្រេងទាំងថ្ងៃ ទាំងយប់
ដូចជាភ្លៀងរលឹមនេះ គឺស្ថិតនៅក្នុងដែនគ្រប់គ្រងដោយលោក យ៉ាន់ ស៊ីវ៉ាត
ដែលជាមនុស្សស្រឡាញ់លុយធំជាងស្រឡាញ់ជាតិទៅទៀត ហើយក៏ជាមនុស្សដែលមិនចេះខ្វល់ពីការខ្សឹបខ្សៀវពីមន្រ្តីក្រោមឱវាទរបស់ខ្លួនដែលនិយាយពីមាត់មួយ
ទៅមាត់មួយពីការប្រព្រឹត្តអំពើពុករលួយរបស់ខ្លួនផងដែរ។
ប្រភពខាងលើបានអោយដឹងបន្តរទៀតថា ឈ្មួញបានដឹកជញ្ជូនឈើប្រណីតខុសច្បាប់ ទាំងនោះតាមរថយន្តកាមរី នីសាន់ សាមយ៉ុង
ឡានកូរ៉េ ២តោន ទៅ៥តោន គោយន្តកន្ត្រៃ រ៉ឺម៉កម៉ូតូ រទេះគោ និឡានយីឌុបធំៗ
ចេញបន្តកន្ទុយគ្នា ដូចគេដង្ហែរអង្គកឋិន
ហើយការដឹកជញ្ជូននេះគឺចេញពីស្រុកស្វាយលើ ដោយឆ្លងកាត់ស្រុកសូទ្រនិគម ស្រុកប្រាសាទបាគង
យកមកលក់តាមសិប្បកម្មនៅក្នុងខេត្តសៀមរាប និងខ្លះទៀតបន្តទៅលក់នៅយួន ដោយឆ្លងកាត់ខេត្តសៀមរាប ខេត្តកំពង់ធំ និងខេត្តកំពង់ចាម ។
សូមជំរាបថាភាពអនាធិបតេយ្យនៃការដឹកជញ្ជូនឈើខុសច្បាប់ដែលនៅតែបន្តរកើតមានដដែល
ជាដដែលនេះ
គឺមន្រ្តីទាំងនោះបានធ្វើផ្ទុយពីអនុសាសន៏របស់ ហ៊ុន សែន ដែលអាចនិយាយបានថាទឹកមាត់របស់លោក
ហ៊ុន សែន លែងប្រៃទៀតហើយ ឬអាចនិងយាយបានមួយបែបទៀតថា អនុសាសន៏របស់លោក ហ៊ុន សែន
លែងមានប្រសិទ្ធភាពហើយ ។
សូមជំរាបជូនផងដែរថា ប្រជាពលរដ្ឋ មន្ត្រីប៉េអឹម ប៉ូលិស
រួមជាមួយនិងមន្ត្រីរដ្ឋបាលព្រៃឈើដែលស្ថិតនៅក្រោមអំណាចលោកទាំងនោះ
បានធ្វើការសុំណូមពរដល់លោក ឆេង
គឹមស៊្រុន
ទទួលបន្ទុកជាប្រធានរដ្ឋបាលព្រៃឈើ
លោក ស៊ូ ភិរិន្ទ អភិបាលខេត្តសៀមរាប និងស្ថាប័ន
ដែលពាក់ព័ន្ធមួយចំនួនទៀត សូមឲ្យពួកអស់លោកអញ្ជើញជួយចុះមកពិនិត្យមើលភាពអសកម្មរបស់មន្ត្រីរដ្ឋបាលព្រៃឈើថ្នាក់ក្រោមទាំងនេះផង បើមិនដូច្នោះទេអំពើពុករលួយរបស់មន្ត្រីថ្នាក់ក្រោមរបស់ពួកអស់លោកទាំងនោះ
នឹងរីកដុះដាលធំឡើងៗទៀតជាក់ជាមិនខាននោះឡើយ ។ ហើយត្រូវតែចាត់វិធានការ
ដាក់ទោសដល់មន្រ្តីពុករលួយទាំងនោះឲ្យបានធ្ងន់ធ្ងរបំផុត ដើម្បីជាការព្រមានដល់មន្រ្តីឯទៀតផងដែរ
កុំឲ្យប្រព្រឹត្តអំពើពុករលួយ បំផ្លាញជាតិរបៀបនេះ និងសូមកុំឲ្យពួក
គេគិតពីផលប្រយោជន៏របស់ខ្លួនជាធំ សូមឲ្យគិតផលប្រយោជន៏របស់ពលរដ្ឋនៅក្នុងមូលដ្ឋាន
និង ប្រទេសជាតិជាធំវិញ ។
សូមជំរាបជូនផងដែរថា
កាលពីពេលកន្លងទៅ រដ្ឋាភិបាលរបស់លោក ហ៊ុន សែន ក៏បានចេញនូវបទបញ្ជាលេខ
០១បប ចុះថ្ងៃទី ០៧ ខែ ឧសភា ឆ្នាំ ២០១២ ដើម្បីផ្អាកការផ្តល់ដីសម្បទានសេដ្ឋកិច្ច និងទប់ស្កាត់ឲ្យខាងតែបានចំពោះការកាប់បំផ្លាញព្រៃឈើខុសច្បាប់នៅតាមតំបន់ដីសម្បទាន តែបទបញ្ជានេះហាក់ដូចជាគ្មានប្រសិទ្ធភាពទាល់តែសោះ
ប្រៀបបានទៅនិងក្រមួន ត្រូវថ្ងៃ អំបិលត្រូវទឹកយ៉ាងដូចច្នោះដែរ ។
ទាក់ទងទៅនងករណីខាងលើនេះមន្រ្តីជាន់ខ្ពស់របស់គណកប្ស សម រង្ស៊ី បានប្រាប់ឲ្យដឹងថា
ទាំងអស់នេះគឺបណ្តាលមកពីអសមត្ថភាពរបស់រដ្ឋាភិបាលក្នុងការទប់ស្កាត់បទល្មើសព្រៃឈើ
ឲ្យមានប្រសិទ្ធភាពនោះ បានថាតែមាត់ តែចំពោះការអនុវត្តន៏ជាក់ស្តែងគឺគ្មានទាល់តែសោះ
ហេតុដូចនេះហើយ ទើបបទល្មើសព្រៃឈើនៅតែកើតមានដ៏ដែល ។
មន្រ្តីជាន់ខ្ពស់របស់គណកប្ស សម រង្ស៊ី បានលើកឡើងទៀតថា រដ្ឋាភិបាលដែលដឹកនាំដោយ
គណបក្ស សម រង្ស៊ី និងចាត់វិធានការចំពោះករណីខាងលើនេះឲ្យមានប្រសិទ្ធភាពបំផុត និងលប់បំបាត់ឲ្យអស់នូវអំពើពុករលួយ
មន្រ្តីខិលខូច និងឈ្មួញទិច្ចរឹតទាំងនោះ ។ រៀចបំឡើងវិញរចនា
សម្ព័ន្ធតាំងពីថ្នាក់លើរហូតដល់ថ្នាក់ក្រោម និងដាក់វិធានការ
ក៏ដូចជាបទបញ្ជាឲ្យបានតឹងរឹងបំផុត
ដើម្បីកុំឲ្យមានករណីរបៀបនេះកើតឡើងជាថ្មីម្តងទៀតនៅក្នុងរដ្ឋាភិបាល ដែលគ្រប់គ្រង
ដោយគណបក្ស សម រង្ស៊ី ៕
No comments:
Post a Comment
yes