លោក កឹម សុខា និងលោក សម រង្ស៊ី នៅក្នុងសន្និសីទសារព័ត៌មាន
ពីប្រទេសហ្វីលីពិន ថ្ងៃទី១៧ ខែកក្កដា ឆ្នាំ២០១៣
ពីទីក្រុងម៉ានីលឡា ប្រទេសហ្វីលីពីន លោក សម រង្ស៊ី ប្រធានគណបក្ស សម រង្ស៊ី
បានសម្តែង ការសប្បាយរីករាយ ចំពោះការចរចាររវាងគណបក្សប្រជាធិបតេយ្យទាំងពីរគឺគណបក្ស
សម រង្ស៊ី និងគណបក្ស សិទ្ធិមនុស្ស ទទួលបាននូវជោគជ័យ ចំពោះការច្របាច់បញ្ចូលគ្នារវាងគណបក្ស
ទាំងពីរជាសម្លេងតែមួយ ដើម្បីបញ្ចប់អំណាចផ្តាច់ការរបស់គណបក្សប្រជាជនកាន់អំណាចសព្វ
ថ្ងៃ ដែលធ្វើបាបរាស្រ្ត និងឲ្យរាស្រ្តស្គាល់តែពាក្យ ខ្លាច ខ្លៅ និងឃ្លាន
ហើយរដ្ឋាភិបាលសព្វថ្ងៃគឺ ជារដ្ឋាភិបាល ដែលដឹកនាំប្រទេសតាមរបៀបផ្តាច់ការនោះ ។
លោក សម រង្ស៊ី នៅក្នុងសន្និសីទសារព័ត៌មានកាលពីរសៀលថ្ងៃទី១៧ ខែកក្កដា
ឆ្នាំ២០១២ ពីបរិវេនអាគារមួយរបស់ក្រុមប្រឹក្សានៃអ្នកប្រជាធិបតេយ្យសេរីអាស៊ី
ដែលហៅកាត់ថាកាល់ បាន ថ្លែងថា នៅក្នុងកាលៈទេសៈនេះនយោបាយនៅក្នុងប្រទេសកម្ពុជា និងមានការផ្លាស់ប្តូរដ៏ធំ
ដូច អ្វីដែលគណបក្ស សម រង្ស៊ី និងគណបក្ស
សិទ្ធិមនុស្សបានធ្វើគឺនៅក្នុងជំហរស្រោចស្រង់ប្រទេសជាតិឲ្យបានទាន់ពេលវេលា
ពិសេសគឺការយកឈ្នះលើគណបក្សប្រជាជនកាន់អំណាចសព្វថ្ងៃ នៅក្នុងការបោះឆ្នោតឆ្នាំ២០១៣ខាងមុខនេះ
។
លោក សម រង្ស៊ី បានមានប្រសាសន៏បន្តរទៀតថា គណបក្សសម រង្ស៊ី
និងគណបក្សសិទ្ធិមនុស្ស
បានព្យាយាមរកផ្លូវដើម្បីរួមបញ្ចូលគ្នាជាកម្លាំងប្រជាធិបតេយ្យតែមួយដើម្បីធ្វើការតទល់មួយ
ទល់និងមួយ ជាមួយគណបក្សប្រជាជនរបស់លោក ហ៊ុន សែន ដែលបង្កើតឡើងដោយយួន
ដែលបានកាន់អំណាចនិងគ្រប់គ្រងប្រទេសអស់ជាច្រើនឆ្នាំមកហើយនោះ ។ លោក សម រង្ស៊ី បានថ្លែងទៀតថា
នៅប្រទេសកម្ពុជាពេលនេះមានតែគណបក្សតែពីរប៉ុណ្ណោះគឺគណបក្សដែល
បង្កើតឡើងដោយអ្នកប្រជាធិបតេយ្យ ទល់ជាមួយគណបក្សដែលដឹកនាំប្រទេសតាមរបត់នយោ
បាយផ្តាប់ការដែលបានបង្កើតឡើងដោយសារយួន ហើយគណបក្សប្រជាជនសព្វថ្ងៃគឺបានធ្វើ
ការកាត់ទឹកដីរបស់ខ្មែរឲ្យទៅយួនជាដុំៗ តាមរយៈការយកដីធ្លីរបស់ពលរដ្ឋខ្មែរ
ទៅឲ្យក្រុមហ៊ុនរបស់យួនក្នុងលក្ខណៈសម្បទានដីសេដ្ឋកិច្ច ។
លោក សម រង្ស៊ី បានហៅទង្វើរបស់រដ្ឋាភិបាលលោក ហ៊ុន សែន សព្វថ្ងៃនេះថា ជាទង្វើដែលធ្វើ
បាបរាស្រ្ត សម្លាប់ជាតិឯង បំផ្លាញជាតិឯង ដែលយើងជំទាស់ដាច់ខាត ។
លោកថាឥឡូវនេះពេលវេលាដែលបងប្អូនបានទន្ទឹងរងចាំជាយូរមកហើយនោះបានមកដល់ហើយ ដែលពេលនេះ
បន្ទាប់ពីការចរចាររវាងគណបក្ស សម រង្ស៊ី និងគណបក្ស សិទ្ធិមនុស្សបានបញ្ចប់ គឺគណបក្ស
ទាំងពីបានបង្កើតចលនាមួយដែលមានឈ្មោះថា ចលនាប្រជាធិបតេយ្យសង្គ្រោះជាតិ និងគណ បក្សថ្មីដែលនិងចេញជារូបរាងនៅពេលឆាប់ៗខាងមុខ
ដែលនិងរៀបចំបញ្ជីឈ្មោះបេក្ខជនបោះឆ្នោតតែមួយ រួមទាំងរចនាសម័្ពន្ធរបស់គណបក្ស តែប៉ុណ្ណោះ
។
លោក សម រង្ស៊ី បន្តរថាទោះជាយ៉ាងណាក៏ដោយចលនាប្រជាធិបតេយ្យសង្គ្រោះជាតិ ដែលមាន
រូបលោកជាប្រធាន និងលោក កឹម សុខា ជាអនុប្រធាន និងខិតខំពន្លឿនដំណើរការនេះទៅមុខ
ដើម្បីបង្កើតគណបក្សថ្មីឲ្យបានឆាប់បំផុត
សម្រាប់ចូលរួមក្នុងការប្រគួតប្រជែងនិងធ្វើការឃោសនាបោះឆ្នោតនៅឆ្នាំ២០១៣ឲ្យបានទាន់ពេលវេលា
ហើយលោកបានសម្តែងការមានជំនឿយ៉ាងខ្លាំងថា កម្លាំងប្រជាធិបតេយ្យថ្មីនេះនិងមានប្រៀប ហើយអាចយកឈ្នះលើគណបក្សកាន់អំណាចសព្វថ្ងៃនេះបាន
បើទោះបីជាគណបក្សកាន់អំណាចមានប្រព័ន្ធផ្សព្វផ្សាយស្កេកស្កះ ជាងគណបក្សអ្នកប្រជាធិបតេយ្យ
និងមានស្ថាប័នគណៈកម្មាធិការជាតិរៀបចំការបោះឆ្នោតស្ថិតនៅក្នុងកណ្តាប់ដៃរបស់គេក៏ដោយ
។ ហើយជាជំហ៊ានៗគណបក្សនយោបាយថ្មីនេះ និងជំរុញឲ្យមានការកែទម្រង់ស្ថាប័នជាតិរៀបចំការបោះឆ្នោតឲ្យទាល់តែបាន
ដើម្បីធានាដល់ការបោះឆ្នោតនៅក្នុងឆ្នាំ២០១៣ ខាងមុខនេះមានភាពត្រឹមត្រូវ សេរី
និងយុត្តិធម៌ ។
លោក សម រង្ស៊ី បានថ្លែងទាំងទឹកមុខញញឹមពោពេញទៅដោយក្តីសង្ឃឹមថា គណបក្សសម
រង្ស៊ី និងគណបក្សសិទ្ធិមនុស្ស បានដើរមកដល់ផ្លូវជោគជ័យហើយ ហើយកម្លាំងប្រជាធិបតេយ្យតែមួយដែល
តទល់ជាមួយនិងគណបក្សប្រជាជន លោកសង្ឃឹមថា គណបក្សប្រជាជន គឺមិនអាចឈ្នះអ្នកប្រជាធិបតេយ្យ
និងមិនអាចឈ្នះអ្នកស្នេហាជាតិបាននោះទេ របបដែលធ្វើបាបរាស្រ្តសព្វថ្ងៃនេះនិងបរាជ័យជាក់ជាពុំខាន
នៅពេលបោះឆ្នោតឆ្នាំ២០១៣ខាងមុខនេះ ។ លោកថា ពួកអ្នកទាំងអស់នោះទេ ដែលប្រជារាស្រ្តលោកផ្តន្ទាទោស
មិនមែនអ្នកស្នេហាជាតិ មិនមែនអ្នកប្រជាធិបតេយ្យដែលយើងមានកិត្តិយស
ធ្វើជាតំណាងនៅពេលនេះ និងនៅថ្ងៃអនាគត់នោះទេ ។
សូមជំរាបជូនផងដែរថា នៅឆ្នាំ២០១៣គឺជាឆ្នាំដែលហោរាដ៏ល្បីដែលគេបានធ្វើការទស្សទាយថា អំណាចផ្តាច់ការទាំងអស់នៅលើសកលលោកនិងត្រូវដួលរលំ
ហើយបើយោងទៅលើស្ថានការណ៏នៅលើសកលលោក បានបង្ហាញឲ្យឃើញថាប្រទេសដែលកាន់អំណាចផ្តាប់ការយូរឆ្នាំនានានៅលើសកលលោកបានដួលរលំអស់ទៅហើយ
នៅសល់តែប្រទេសកម្ពុជាដែលមានមេ ដឹកនាំកាន់អំណាចជាងជិត៣០ឆ្នាំដែលកំពុងតែគ្រប់គ្រងអំណាចបច្ចុប្បន្ននេះតែប៉ុណ្ណោះ
។
អ្នកវិភាគបានលើកឡើងថា បើយោងតាមស្ថានការណ៏របស់ប្រទេសកម្ពុជាបច្ចុប្បន្ន
ការឈឺចាប់ របស់ប្រជាពលរដ្ឋកាន់តែច្រើនឡើងៗ
ការរងគ្រោះរបស់ប្រជាពលរដ្ឋបន្តកើតមានដោយគ្មាន ការយកចិត្តទុកដាក់ពីសំណាក់រដ្ឋាភិបាល
។ ហើយគណបក្សកាន់អំណាចហាក់ដូចជាបានចូល រួម និងបង្កើតឲ្យមានភាពរងគ្រោះលើប្រជាពលរដ្ឋ ។
អ្នកវិភាគបានលើកឡើងទៀតផងដែរថា លើសពីនេះទៅទៀតទៅតាមសុំណូមពររបស់ប្រជា ពលរដ្ឋ
គណបក្សប្រជាធិបតេយ្យទាំងពីរគឺគណបក្ស សម រង្ស៊ី និងគណបក្ស សិទ្ធិមនុស្ស បាន
ច្របាច់រួមបញ្ចូលគ្នាជាសម្លេងតែមួយទៅហើយ ដែលហេតុការណ៏នៅលើសកលលោក និងហេតុការណ៏នៅក្នុងប្រទេសកម្ពុជា
បានបង្ហាញឲ្យឃើញថាទំនាយដែលហោរាដ៏ល្បីរបស់ចិនបានលើឡើង ពីការដួលរលំមេដឹកនាំផ្តាច់ការនៅលើសកលលោកគឺពិតជាត្រឹមត្រូវ
ហើយប្រជាពលរដ្ឋខ្មែរក៏មានសង្ឃឹមនិងប្តូរមេដឹកនាំប្រទេស នៅពេលបោះឆ្នោតថ្នាក់ជាតិឆ្នាំ២០១៣នេះផងដែរ
៕
No comments:
Post a Comment
yes