ក្រុមហ៊ុនជប៉ុនចំនួន៣៣ ប្រចាំនៅកម្ពុជាបានប្រារព្ធពិធីពិព័រណ៍ដើម្បីផ្តល់ការងារដល់ ប្រជាជនខ្មែរដែលមានបំណងចង់ធ្វើការនៅក្នុងក្រុមហ៊ុនជប៉ុននៅ កម្ពុជា។ ការតាំងពិព័រណ៍នេះបានប្រព្រឹត្តិទៅនៅព្រឹកថ្ងៃពុធ ទី១៨ ខែកក្កដា នៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC)។
លោក កឹម អឿន នាយកមជ្ឈមណ្ឌលសហប្រតិបត្តិការកម្ពុជា ជប៉ុន បានមានប្រសាសន៍ថា ការរៀបចំកម្មវិធីពិព័រណ៍ការងារក្រុមហ៊ុនជប៉ុននេះឡើងគឺដោយសារ តែមានក្រុមហ៊ុនជប៉ុនកើនឡើងគួរឲ្យកត់សំគាល់នៅក្នុងប្រទេស កម្ពុជា និងផ្តល់ឱកាសការងារឲ្យ ពលរដ្ឋខ្មែរបានបម្រើការងារក្នុងសមាគមន៍អាជីវកម្មជប៉ុននៅកម្ពុជា ។
ក្នុងនោះដែរ និស្សិត អ៊ឹម ឌឺប៉េរ៉េ ដែលបានចូលរួមក្នុងពិព័រណ៍នោះក៏បានឲ្យដឹងដែរថា ការតាំងពិព័រណ៍ការងារនេះពិតជាឱកាសមួយដ៏ល្អសំរាប់ប្រជាពលរដ្ឋ ខ្មែរដែលកំពុងស្វែងរកការងារធ្វើ ហើយក្រុមហ៊ុនទាំងនេះសុទ្ធតែជាក្រុមហ៊ុនល្អៗ។
និសិ្សតដដែលបានបញ្ជាក់ថា៖ «ដូច្នេះសូមនិស្សិតក៏ដូចជាពលរដ្ឋខ្មែរទាំងឡាយរួសរាន់ដាក់ពាក្យ ព្រោះវាជាឱកាសល្អសំរាប់ពួកយើងហើយ»។
ការតាំងពិព័រណ៍ការងារនេះមានការដាក់តាំងក្រុមហ៊ុនចំនួន៣៣ ហើយក៏មានការសំភាសន៍ជាមួយអ្នកចូលរួមជនជាតិខ្មែរដែលមានបំណងធ្វើ ការនៅក្រុមហ៊ុនទាំងនេះ៕
No comments:
Post a Comment
yes