កាលពីថ្ងៃទី១៧ ខែកក្កដា មានគ្រោះអគ្គិភ័យទ្រង់ទ្រាយធំមួយបានឆាបឆេះអគារកម្ពស់៤២ជាន់ស្ថិតនៅក្នុងមជ្ឈមណ្ឌលរដ្ឋធានីអ៊ិទស្ដន់ប៊ុល ប្រទេសទួរគី ។ ប៉ុន្ដែជាភ័ព្វសំណាង មនុស្ស១៥០០នាក់ ដែលនៅក្នុងអគារនោះបានភៀសខ្លួន ចេញទៅក្រៅទាន់ពេលវេលា ។
រូបភាពបានបង្ហាញឱ្យឃើញថា ផ្ទាំងកញ្ចក់ និងកម្ទេចកម្ទីបាក់បែកបណ្ដាល មកពីការឆាបឆេះនោះបានធ្លាក់ចុះមក ចំពលរដ្ឋដែលកំពុងរត់ភៀសខ្លួនចេញពី បរិវេណអគារនោះ ។ អគ្គិភ័យបានឆាបឆេះផ្ដើមចេញពីជាន់ក្រោមដី ហើយ រាលដាលរហូតដល់ជាន់ទី៤២បង្កឱ្យមាន អណ្ដាតភ្លើងធំៗ ផ្សែងខ្មៅខ្មួរខ្មាញ់គ្រប ដណ្ដបពេញផ្ទៃមេឃក្នុងទីក្រុងអ៊ិ់ស្ដន់ប៊ុល ។
លោក Kadir Topbas ចៅហ្វាយក្រុងអ៊ិស្ដន់ប៊ុល បានប្រកាសឱ្យដឹងថា “យើងខ្ញុំមិនទាន់ដឹងច្បាស់ពីមូលហេតុ បណ្ដាលឱ្យមានគ្រោះអគ្គិភ័យយ៉ាង សាហាវនោះឡើយ ហើយមិនទាន់អាច បញ្ជាក់បានថា អគ្គិភ័យផ្ដើមចេញមកពី អ្វីនោះឡើយ ។ យើងនឹងបើកការស្រាវ ជ្រាវទ្រង់ទ្រាយធំស្វែងរកមូលហេតុពិត ប្រាកដក្រោយរបាយការណ៍របស់ក្រុមពន្លត់អគ្គិភ័យនិងក្រុមជួយសង្គ្រោះបានរៀបចំរួចរាល់នោះ” ។
ក្នុងពេលជាមួយគ្នានោះ លោក Adnan Polat ម្ចាស់អគារដែលរងអគ្គិភ័យឆាប ឆេះនោះបានឱ្យដឹងផងដែរថា មនុស្ស ដែលរស់នៅខាងក្នុងនោះបានជម្លៀស ចេញក្រៅប្រកបដោយសុវត្ថិភាព។ មក ទល់ពេលនេះមិនទាន់មានរបាយការណ៍ ស្ដីពីការខូចខាតទ្រព្យសម្បត្ដិ និងអាយុ ជីវិតនៅឡើយទេ ។
លោក Adnan Polat បន្ដឱ្យដឹងទៀតថា “អ្នកដែលរស់នៅក្នុងអគារនោះ ចាកចេញដោយមានសុខភាពល្អប្រសើរនោះទេ ។ យើងក៏បានជួយរំដោះនូវសត្វចិញ្ចឹមមួយចំនួនក្នុងអគារនោះផងដែរ។ ទាំងនោះគឺជាជោគជ័យមួយដ៏ធំធេង ដោយគ្មានអ្នកណាម្នាក់បាត់បង់ជីវិត នៅក្នុងគ្រោះអគ្គិភ័យដ៏រន្ធត់នោះ ។ នៅក្នុងអគារបានបំពាក់ប្រព័ន្ធប្រកាសអាសន្នជួយឱ្យអ្នកដែលនៅលើអគារនោះ ចាកចេញទាន់ពេលវេលា ៕
No comments:
Post a Comment
yes