រាជធានីភ្នំពេញ ៖ បន្ទាប់ពីបែកបាក់គូស្នេហ៍ជាច្រើនឆ្នាំស្ទើរចាក់ទឹកមិនលិចរវាងអ្នកនិពន្ធសុខ ជំនោរ និងតារាចម្រៀងសុគន្ធ នីសា ជិតមួយឆ្នាំមកនោះ ស្រាប់តែថ្មីៗនេះមានព័ត៌មានលេចឮថា អ្នកនិពន្ធដែលមានចរិតស្រគត់ស្រគំលោកសុខ ជំនោរ បានចាប់ផ្តើមមានទំនាក់ទំនងជាមួយមិត្តស្រីថ្មី ដើម្បីយកមកស្អំបេះដូងដែលធ្លាប់រងរបួស ។ ប៉ុន្តែសុខ ជំនោរ បានធ្វើការបដិសេធចំពោះការលេចឮនូវព័ត៌មាននេះ ដោយលោកបានអះអាងថា រហូតមកដល់ពេលនេះលោកនៅមិនទាន់មានមិត្តស្រីថ្មីនៅឡើយទេ ដោយសារតែលោកនៅអាឡោះអាល័យសង្សារចាស់ គឺនាងសុគន្ធ នីសា ។
បើយោងតាមការចុះផ្សាយរបស់ទស្សនាវដ្តីក្នុងស្រុកមួយបានអះអាងថា លោកសុខ ជំនោរ កំពុងតែមានទំនាក់ទំនងជាមួយនារីម្នាក់ដែលមានរូបសម្រស់ស្រស់សោភាមិនចាញ់សុគន្ធ នីសា ឡើយ ហើយមនុស្សដែលគេបានឃើញនោះ គឺត្រូវបានគេគិតថា ជាមិត្តស្រីថ្មីរបស់លោក ។ ប្រភពបន្តថា ការសង្ស័យនេះបានកើតឡើងបន្ទាប់ពីគេឃើញលោកសុខ ជំនោរ បានជិះរថយន្តមួយគ្រឿងដោយមានស្ត្រីវ័យក្មេងស្រស់ស្អាតពីរនាក់ទៅថតរូបជាមួយទេសភាពនៅផ្លូវខាងមុខកាំកូស៊ីធី កាលពីពេលថ្មីៗនេះ ។ ក្នុងចំណោមស្ត្រីទាំងពីរនាក់នោះ គឺមានម្នាក់ត្រូវបានគេសង្ស័យថា ជាមិត្តស្រីរបស់លោកសុខ ជំនោរ ព្រោះគេសង្កេតឃើញលោកសុខ ជំនោរ មានការយកចិត្តទុកដាក់ខ្លាំងជាងស្ត្រីម្នាក់ទៀត។
No comments:
Post a Comment
yes