លោកកឹមសុខា និងលោកសមរង្ស៊ី ទៅអាមេរិក សហភាពអឺរ៉ុប និងជប៉ុន ដើម្បីស្វែងរកការគាំទ្រ
ភ្នំពេញ: ប្រធានគណបក្សសមរង្ស៊ី និងគណបក្សសិទ្ធិមនុស្ស ដឹកនាំដោយលោក កឹមសុខា និងលោកសម រង្ស៊ី នឹងចេញដំណើរនាថ្ងៃទី៣១កក្កដា ឆ្នាំ២០១២ ទៅកាន់សហរដ្ឋអាមេរិក សហភាពអឺរ៉ុប និងប្រទេសជប៉ុន ដើម្បីស្វែងរកការគាំទ្រពីសកម្មជនគណបក្សប្រឆាំងទាំងពីរនៅក្រៅប្រទេស ព្រមទាំងជួបនឹងមន្ត្រីរដ្ឋាភិបាលប្រទេសមហាអំណាចសំខាន់ៗមួយចំនួន។ គោលបំណងនៃដំណើរទៅក្រៅប្រទេសនោះ ដើម្បីផ្សព្វផ្សាយពីការរួបរួមរបស់គណបក្សប្រឆាំង ការកែទម្រង់ គ.ជ.ប. និងស្វែងរកអន្តរាគមន៍ឲ្យលោកសមរង្ស៊ី បានវិលត្រឡប់មកកាន់ប្រទេសកម្ពុជាឡើងវិញ។
ក្នុងពិធីជួបជុំរួមគ្នារវាងថ្នាក់ដឹកនាំគណបក្សសមរង្ស៊ី និងគណបក្សសិទ្ធិមនុស្ស នាព្រឹកថ្ងៃទី៣០កក្កដា ឆ្នាំ២០១២ នៅទីស្នាក់ការកណ្តាលគណបក្សសិទ្ធិមនុស្ស ក្នុងរាជធានីភ្នំពេញ លោកសម រង្ស៊ី បានប្រកាសតាម Video Conference ពីក្រៅប្រទេសមកថា ថ្នាក់ដឹកនាំគណបក្សសមរង្ស៊ី និងគណបក្សសិទ្ធិមនុស្ស ដែលដឹកនាំដោយលោក កឹមសុខា និងលោកស្រី មូរ សុខហួរ នឹងធ្វើដំណើរចាកចេញពីភ្នំពេញ នាថ្ងៃទី៣១កក្កដា ឆ្នាំ២០១២ ដើម្បីឆ្ពោះទៅកាន់សហរដ្ឋអាមេរិក។ រូបលោក ( សមរង្ស៊ី ) ក៏នឹងទៅកាន់សហរដ្ឋអាមេរិកផងដែរ។
ក្នុងពិធីជួបជុំរួមគ្នារវាងថ្នាក់ដឹកនាំគណបក្សសមរង្ស៊ី និងគណបក្សសិទ្ធិមនុស្ស នាព្រឹកថ្ងៃទី៣០កក្កដា ឆ្នាំ២០១២ នៅទីស្នាក់ការកណ្តាលគណបក្សសិទ្ធិមនុស្ស ក្នុងរាជធានីភ្នំពេញ លោកសម រង្ស៊ី បានប្រកាសតាម Video Conference ពីក្រៅប្រទេសមកថា ថ្នាក់ដឹកនាំគណបក្សសមរង្ស៊ី និងគណបក្សសិទ្ធិមនុស្ស ដែលដឹកនាំដោយលោក កឹមសុខា និងលោកស្រី មូរ សុខហួរ នឹងធ្វើដំណើរចាកចេញពីភ្នំពេញ នាថ្ងៃទី៣១កក្កដា ឆ្នាំ២០១២ ដើម្បីឆ្ពោះទៅកាន់សហរដ្ឋអាមេរិក។ រូបលោក ( សមរង្ស៊ី ) ក៏នឹងទៅកាន់សហរដ្ឋអាមេរិកផងដែរ។
លោកសមរង្ស៊ី បានបន្ថែមថា នៅអាមេរិក ក្រៅពីជួបនឹងសកម្មជន អ្នកគាំទ្រគណបក្សសមរង្ស៊ី និងគណបក្សសិទ្ធិមនុស្ស ថ្នាក់ដឹកនាំទាំងពីរគណបក្សក៏នឹងជួបជាមួយនឹងមន្ត្រីរដ្ឋាភិបាលអាមេរិក មុននឹងបន្តដំណើរទៅកាន់ប្រទេសមួយចំនួននៅសហភាពអឺរ៉ុប និងជប៉ុន។
អំពីគោលបំណងនៅក្រៅប្រទេស ក្នុងដំណើររួមគ្នារវាងមេដឹកនាំគណបក្សប្រឆាំងទាំងពីរ ក៏ត្រូវបានលោកសម រង្ស៊ី លើកឡើងថា ដើម្បីឲ្យប្រទេសមហាអំណាចទាំងនោះអន្តរាគមន៍ឲ្យមានការកែទម្រង់គណៈកម្មាធិការជាតិរៀបចំការបោះឆ្នោត គ.ជ.ប. និងគោលបំណងទី២ គឺស្វែងរកផ្លូវឲ្យលោកសមរង្ស៊ី បានវិលមកចូលរួមការបោះឆ្នោតជាតិនៅឆ្នាំ២០១៣ ខាងមុខ។
មេដឹកនាំគណបក្សប្រឆាំង បានលើកឡើងពីការមិនឯករាជ្យក្នុងការរៀបចំការបោះឆ្នោត ដោយសារតែសមាសភាព គ.ជ.ប. នាពេលសព្វថ្ងៃជាដើម។ ម្យ៉ាងទៀត លោកសម រង្ស៊ី ក៏ត្រូវឈរជាបេក្ខជននាយករដ្ឋមន្ត្រីសម្រាប់ការបោះឆ្នោតជាតិនៅឆ្នាំ២០១៣ ដូច្នេះចាំបាច់ត្រូវតែមានវត្តមានរបស់លោកចូលរួមការបោះឆ្នោត ក្នុងនាមជាប្រធានគណបក្សថ្មី ដែលរួមគ្នាបង្កើតឡើងដោយលោកកឹមសុខា និងលោកសមរង្ស៊ី។
លោកសម រង្ស៊ី ក៏បានលើកឡើងថា សហរដ្ឋអាមេរិក មានឥទ្ធិពលក្នុងតំបន់ និងនៅលើពិភពលោក ដូចករណីជម្លោះនៅសមុទ្រចិនខាងត្បូង ជាដើម គឺវៀតណាម ត្រូវការអាមេរិក ដើម្បីទប់ទល់ជាមួយចិន ដូច្នេះអាមេរិកអាចនិយាយជាមួយវៀតណាម ហើយវៀតណាមអាចជាមួយសម្តេចនាយករដ្ឋមន្ត្រី ហ៊ុន សែន ក្នុងការសម្របសម្រួលឲ្យរូបលោកដែលត្រូវតុលាការកម្ពុជាកាត់ទោសកំបាំងមុខ អាចវិលត្រឡប់មកធ្វើនយោបាយនៅកម្ពុជាវិញបាន។
នៅមិនទាន់មានប្រតិកម្មបែបណាពី គ.ជ.ប. និងមន្ត្រីរដ្ឋាភិបាលកម្ពុជា ជុំវិញការលើកឡើងរបស់លោកសមរង្ស៊ី និងថ្នាក់ដឹកនាំគណបក្សប្រឆាំងនៅឡើយទេ៕
No comments:
Post a Comment
yes