ទឹកលិចសាលារៀន កាលពីឆ្នាំមុន
សិស្សានុសិស្សរាប់ពាន់នាក់នៅក្នុងខេត្តបន្ទាយមានជ័យនិងសៀមរាបទំនងជាមិនអាចចូលរៀនតាមពេលកំណត់នៅក្នុងឆ្នាំសិក្សាថ្មីនេះបានទេនៅខណៈពេលដែលសាលារៀនរបស់ពួកគេជាង១០០កំពុងត្រូវបានលិចទឹកជំនន់។
លោកសួង សាវ៉ុនអនុប្រធានមន្ទីរអប់រំយុវជននិងកីឡាខេត្តបន្ទាយមានជ័យបានមានប្រសាសន៍ថាសាលារៀនចំនួន១០៨នៅទូទាំងខេត្តបាននឹងកំពុងទទួលរងគ្រោះដោយជំនន់ទឹកភ្លៀងក្នុងស្រុកនិងហូរធ្លាក់មកពីប្រទេសថៃ។
លោកសួង សាវ៉ុនបានបញ្ជាក់ថា«បើសិនជាមិនមានភ្លៀងធ្លាក់បន្តនិងទឹកមកពីថៃទេនោះ យើងសង្ឃឹមថាសាលា លិចទឹកខ្លះសិស្សអាចចូលរៀនបាន។ យើងកំពុងរកធីដោះស្រាយហើយ»។ លោកបានបន្ថែមថាសាលារៀនភាគ ច្រើនដែលរងគ្រោះដោយទឹកជំនន់នេះមាននៅក្នុងស្រុកមង្គលបុរីនិងក្រុងសិរីសោភណ្ឌ។
សាលាបឋមសិក្សាបីផ្សេងទៀតនៅក្នុងក្រុងសៀមរាបបាននឹងកំពុងលិចដោយជំនន់ទឹកភ្លៀងដែរដែលធ្វើអោយសិស្សានុសិស្សជាង១៥០០នាក់ប្រឈមមុខនឹងការមិនបានចូលរៀនតាមពេលកំណត់នៅថ្ងៃទី២ខែតុលាខាងមុខនេះ។ នេះបើយោង តាមលោកពោត សំណាងដែលជាប្រធានការិយាល័យអប់រំក្រុងសៀមរាបបានអោយដឹងនៅថ្ងៃនេះដែរ។
No comments:
Post a Comment
yes