ក្រុងដាម៉ាស់: ក្រុមអ្នកក្រុង និង ទូរទស្សន៍រដ្ឋបាននិយាយថា ការផ្ទុះពីរបានយកអគារទីបញ្ជាការយោធាកំពូលរបស់ស៊ីរី ជាគោលដៅនៅក្នុងរដ្ឋធានីដាម៉ាស់ កាលពីថ្ងៃពុធ ដោយធ្វើឲ្យអគារនោះ ស្ថិតក្នុងអណ្តាតភ្លើង។
ពួកគេបាននិយាយថា ការផ្ទុះនេះបានវាយប្រហារអគារបញ្ជា ការអគ្គសេនាធិការនៅក្នុងទីលានអ៊ូម៉ាយ៉ាត នៅ កណ្ដាលក្រុងដា-ម៉ាស់ ជាទីបញ្ជាការយោធាកំពូលមួយក្នុងប្រទេសនេះ។
ពុំមានពាក្យសម្ដីអំពីអ្នកស្លាប់និងរបួសទេភ្លាមៗនេះ ប៉ុន្តែគេបានលឺសម្េលងរថយន្តសាមុយប្រជែងគ្នាទៅកាន់តំបន់ដែលបិទផ្លូវហាមចូលនោះ។
លោករដ្ឋមន្ត្រីព័ត៌មានស៊ីរីបាននិយាយថា ការវាយប្រហារនេះបានបណ្ដាលឲ្យ«ខូចខាតសម្ភារៈ តែប៉ុណ្ណោះ»ហើយកម្លាំងសន្តិសុខ កំពុងតាមប្រមាញ់«ក្រុមភេរវករប្រដាប់អាវុធ» ជាពាក្យដែលក្រុមអាជ្ញាធរប្រើសំដៅដល់ក្រុមបះបោរហិង្សាដើម្បីបណ្ដេញប្រធានាធិបតីស៊ីរី លោក បាសារ អាល់ -អាសាដ។
ក្រុមអ្នកស្រុក បាននិយាយថា ការបាញ់កាំភ្លើង និងការផ្ទុះតូចៗជាច្រើនទៀត ត្រូវបានគេឮបន្ទាប់ពីការផ្ទុះ ជាមួយសម្លេងសារ៉ែនរថយន្តសាមុយ។ ផ្លូវជាច្រើននៅក្នុងមជ្ឈមណ្ឌលក្រុងត្រូវបានបិទ។
No comments:
Post a Comment
yes