បុរីញូវយ៉កៈ ប្រធានាធិបតីអាមេរិកលោកបារ៉ាក់ អូបាម៉ា កាលពីថ្ងៃពុធបានជំរុញឲ្យមេដឹកនាំពិភពលោកបញ្ចប់ការមិនចេះអត់ឱនឲ្យគ្នា និងអំពើហិង្សាដែលនាំទៅដល់ការសម្លាប់ថ្មីៗនូវឯកអគ្គរដ្ឋទូតអាមេរិកនៅលីប៊ី និងបានព្រមានអ៊ីរ៉ង់ថា លោក នឹងធ្វើអ្វីដែលចាំបាច់ ដើម្បីរារាំងក្រុងតេអេរ៉ង់ពីអាវុធនុយក្លេអ៊ែរ។
ក្នុងសុន្ទរកថា៣០នាទីទៅកាន់មហាសន្និបាតអ.ស.ប.ដែលមានសមាជិក១៩៣ប្រទេស បានអំ-ពាវនាវជាថ្មីឲ្យបណ្តេញប្រធានាធិបតីស៊ីរីបាសារ អាល់-អាសាដពីអំណាច បន្ទាប់ពីសង្គ្រាមស៊ីវិល១៨ខែ ដោយមិនបាននិយាយថា ត្រូវធ្វើយ៉ាងណាទេ។ លោក ក៏មិនបានផ្តល់ជាគំនិតថ្មីៗស្តីពីដំណោះ ស្រាយជម្លោះរវាងអុីស្រាអែលនិងប៉ាឡេស្ទីនដែរ។
ផ្តើម និងបញ្ចប់សុន្ទរកថារបស់លោកដោយរំលឹកដល់ឯកអគ្គរដ្ឋទូតអាមេរិកលោក គ្រីស្តូហ្វើរ ស្ទី វិន ប្រចាំនៅលីប៊ី ដែលបានស្លាប់ជាមួយនឹងពលរដ្ឋអាមេរិកបីនាក់ផ្សេងទៀត នៅក្នុងការវាយប្រហារថ្ងៃទី១១ កញ្ញា លើស្ថានកុងស៊ុលអាមេរិកនៅក្នុងក្រុងបេនហ្គាហ្ស៊ី លោកអូបាម៉ា បានអំពាវនាវដល់ប្រទេសទាំងឡាយ ប្រយុទ្ធជាមួយអំពើហិង្សាបែបនេះ។
លោក អូបាម៉ា ដែលស្វះស្វែងដើម្បីជាប់ឆ្នោតជាថ្មី នៅថ្ងៃទី៦ វិច្ឆិកា បានថ្លែងថា៖ «ថ្ងៃនេះ យើង ត្រូវតែបញ្ជាក់ថា អនាគតយើង នឹងត្រូវកំណត់ដោយមនុស្ស ដូចជាលោកគ្រីស្តូហ្វើរ ស្ទីវិន និងមិនមែនដោយក្រុមឃាតកររបស់គាត់ទេ។ ថ្ងៃនេះ យើងត្រូវប្រកាសថា អំពើហិង្សានេះ និងការមិនចេះអត់ឱនគ្នានេះ មិនមានកន្លែងនៅក្នុងចំណោមអ.ស.ប.របស់យើងទេ»។
No comments:
Post a Comment
yes