រូបទាំងនេះគឺប្រជាជនកម្ពុជាកាប់ឈើគ្រញូងនៅក្នុងទឹកដីថៃ ហើយស្ពាយចុះពីលើភ្នំ
និងបន្ដដឹកម៉ូតូចូល មកទឹកដីកម្ពុជា
ខេត្តឧត្ដរមានជ័យ: នេះជារឿងដដែលៗ ហើយក៏ជារឿងថ្មីមួយបំផុត ដែលមានប្រជាពលរដ្ឋកម្ពុជាចំនួន២រូប ត្រូវបានទាហាន ថៃបាញ់សំលាប់ នៅនឹងកន្លែង និង៣នាក់ទៀត បាត់ខ្លួន មិនទាន់រកសាកសព ឬមនុស្សឃើញនៅឡើយ និងម្នាក់បានរត់រួច ចូលមកទឹកដីកម្ពុជាវិញ បន្ទាប់ពីពួកគេទាំងនោះ បាននាំគ្នា ចូលទៅកាប់ឈើគ្រញូង ក្នុងទឹកដីថៃ។
យោងតាមព័ត៌មានបានឱ្យដឹងថា នៅចន្លោះម៉ោង ២១ ទៅម៉ោង ២២យប់ ថ្ងៃទី១៩ ខែកញ្ញាកន្លងមកនេះ នៅចំណុចភូមិសាស្ដ្រ ប៉ុស្ដិ៍នគរបាលព្រំដែន អណ្ដែងមុត ក្នុងឃុំអណ្ដែងមុត ស្រុកកាប់ជើង ខេត្ដសុរិន្ទ និងមានជំរៅប្រមាណ ៤ គីឡូម៉ែត្រ ពីព្រំដែនកម្ពុជា ចូលទៅក្នុងទឹកដីថៃ ត្រង់ចំណុច AV ៣៤-៩២ និងឈមគ្នា ក្នុងទឹកដីកម្ពុជា ត្រង់ចំណុចប្រាសាទខ្នារ ក្នុងសង្កាត់បន្សាយរាក់ ក្រុងសំរោង ខេត្ដឧត្ដរមានជ័យ មានប្រជាពលរដ្ឋកម្ពុជាចំនួន ៦នាក់ បានឡើងទៅកាប់ឈើគ្រញូង ហើយក៏ត្រូវទាហានថៃមួយក្រុម បាញ់រះ បណ្ដាលឱ្យប្រជាជនកម្ពុជា ស្លាប់, ៣នាក់អ្នកទៀត បាត់ខ្លួន និងម្នាក់រត់រួច ចូលមកទឹកដីកម្ពុជាវិញ។
យោងតាមព័ត៌មានបានឱ្យដឹងថា នៅចន្លោះម៉ោង ២១ ទៅម៉ោង ២២យប់ ថ្ងៃទី១៩ ខែកញ្ញាកន្លងមកនេះ នៅចំណុចភូមិសាស្ដ្រ ប៉ុស្ដិ៍នគរបាលព្រំដែន អណ្ដែងមុត ក្នុងឃុំអណ្ដែងមុត ស្រុកកាប់ជើង ខេត្ដសុរិន្ទ និងមានជំរៅប្រមាណ ៤ គីឡូម៉ែត្រ ពីព្រំដែនកម្ពុជា ចូលទៅក្នុងទឹកដីថៃ ត្រង់ចំណុច AV ៣៤-៩២ និងឈមគ្នា ក្នុងទឹកដីកម្ពុជា ត្រង់ចំណុចប្រាសាទខ្នារ ក្នុងសង្កាត់បន្សាយរាក់ ក្រុងសំរោង ខេត្ដឧត្ដរមានជ័យ មានប្រជាពលរដ្ឋកម្ពុជាចំនួន ៦នាក់ បានឡើងទៅកាប់ឈើគ្រញូង ហើយក៏ត្រូវទាហានថៃមួយក្រុម បាញ់រះ បណ្ដាលឱ្យប្រជាជនកម្ពុជា ស្លាប់, ៣នាក់អ្នកទៀត បាត់ខ្លួន និងម្នាក់រត់រួច ចូលមកទឹកដីកម្ពុជាវិញ។
ព័ត៌មានដែលទទួលនោះបានឱ្យដឹងថា អ្នកស្លាប់ទី១ មានឈ្មោះ ចាត ចឹប ភេទប្រុស អាយុ២១ឆ្នាំ និងអ្នកស្លាប់ទី២ មានឈ្មោះ ណន ធា ភេទប្រុស អាយុ២៩ឆ្នាំ។ អ្នកស្លាប់ទាំង ២ នាក់ មានមុខរបរជាទាហាន នៅកងអនុសេនាធំលេខ៨ ចំណុះប្រតិបត្ដិការ សឹករង ខេត្ដឧត្ដរមានជ័យ។
ដោយឡែកអ្នកបាត់ខ្លួន ចំនួន ៣នាក់ គឺទី១ មានឈ្មោះ អ៊ួន សុផា ភេទប្រុស អាយុ១៩ឆ្នាំ, ទី២ ឈ្មោះ លាត ឡាយ ភេទប្រុស អាយុ៣២ឆ្នាំ និងទី៣ ឈ្មោះ យិន ដា ភេទប្រុស អាយុ១៨ឆ្នាំ។ អ្នកទាំង៣ បានបាត់ខ្លួនមិនដឹងថា បានស្លាប់ ឬរស់យ៉ាងណានោះឡើយ។ ជនទី៦ ដែលរត់រួចមកដល់ទឹកដីកម្ពុជា វិញមានឈ្មោះ លុច តូប ភេទប្រុស អាយុ២១ឆ្នាំ ក៏ជា ទាហានកងអនុសេនាធំលេខ៨ ចំណុះប្រតិបត្ដិការសឹករង ខេត្ដឧត្ដរមានជ័យ។
ក្នុងខណៈពេលដែលទាំងទាហាន ទាំងពលរដ្ឋ ៦នាក់ ចូលទៅកាប់ឈើគ្រញូងនៅក្នុងទឹកដីថៃនោះ ក៏មានស្ពានកាំភ្លើងអាកា៤៧ មួយដើម ចូលទៅជាមួយ តែត្រូវបានទាហានថៃ រឹបអូស យកទៅបាត់ផងដែរ។
តាមប្រភពព័ត៌មានខាងលើ បានបញ្ជាក់ឱ្យដឹងទៀតថា រឿងមួយនេះ គេបានលាក់យ៉ាងជិត មិនឱ្យមានព័ត៌មានចេញមកខាងក្រៅឡើយ ព្រោះខ្លាចថ្នាក់លើស្ដីបន្ទោសដល់មេៗ សមត្ថកិច្ច នៅឈរតាមបន្ទាត់ព្រំដែន។ សូម្បីតែទាហានខេត្ដឧត្ដរមានជ័យ ដែលស្លាប់នោះ ក៏ក្នុងស្រទាប់ប្រជាជន មិនបានដឹងឡើយ គឺមានតែមន្ដ្រីយោធាទេ ទើបជាអ្នកដឹងច្បាស់។
ជាមួយនឹងការស្លាប់ទាហានកម្ពុជា ២នាក់ ដែលថៃបាញ់ នៅពេលទៅកាប់ឈើគ្រញូងនោះ សាកសពទាំង ២រូប ត្រូវបានទាហានថៃ បញ្ជូនមកឱ្យកម្ពុជាវិញភ្លាមៗដែរ កាលពីវេលាម៉ោង ៧យប់ ថ្ងៃទី២០ ខែកញ្ញា ឆ្នាំ២០១២ នៅត្រង់ចំណុចច្រកអូរស្មាច់ ក្នុងសង្កាត់អូរស្មាច់ ក្រុងសំរោង។ សាកសពទាំង ២ ត្រូវបានក្រុមគ្រួសារ មកទទួលយកទៅធ្វើបុណ្យតាមប្រពៃណី។
ព័ត៌មានខាងលើ ក៏បញ្ជាក់ឱ្យដឹងដែរថា ក្រុមគ្រួសារជនទាំង ៣រូប ដែលបានបាត់ខ្លួន កំពុងទន្ទឹមរង់ចាំពួកគេមកកម្ពុជាវិញ។ ពុំមានប្រភពណាមួយបញ្ជាក់ឱ្យច្បាស់ដែរថា អ្នកទាំង ៣ ដែលបានបាត់ខ្លួន នៅមានជីវិត ឬក៏ស្លាប់ យ៉ាងណានោះឡើយ។
ប៉ុន្ដែអ្នកស្រុក សន្និដ្ឋានថា អ្នកទាំង៣ អាចរងរបួស ហើយក៏រត់កាត់ព្រៃ និងមានការវង្វេង ហើយអាចស្លាប់ នៅក្នុងព្រៃនោះ ក៏ថា បាន។ បើពុំដូច្នោះទេ ពួកគេ អាចវិលមកទឹកដីកម្ពុជាវិញ ជាក់ជាពុំខាន។
.ពលរដ្ឋ ១៥ នាក់ ត្រូវឃាត់ខ្លួន មិនឲ្យឆ្លងដែន ចូលកាប់ឈើគ្រញូង
ដោយឡែកនៅថ្ងៃទី២០ ខែកញ្ញា ឆ្នាំ២០១២ មានប្រជាពលរដ្ឋចំនួន ១៥នាក់ ត្រូវបានឃាត់ខ្លួនផងដែរ ដោយអាជ្ញាធរកម្ពុជា ដែលមានកំលាំងចំរុះ រួមមាន នគរបាលព្រំដែនវរសេនាតូចលេខ៩០៥ ទាហានសឹករងស្រុកត្រញំងប្រាសាទ និងកំលាំងយោធភូមិភាគទី៤។ ជនទាំង ១៥នាក់ ត្រូវបានឃាត់ខ្លួននៅចំណុចភូមិទំនប់អភិវឌ្ឍន៏ឃុំអូរស្វាយ ស្រុកត្រញំងប្រាសាទ ខេត្ដឧត្ដរមានជ័យ។ ការឃាត់ខ្លួននេះ គឺប្រជាជនទាំងនោះ កំពុងឆ្លងដែន ចូលទៅកាប់ឈើគ្រញូង នៅក្នុងទឹកដីថៃ។
អ្នកទាំង ១៥នាក់ ដែលឃាត់ខ្លួននោះ ទី១ ប៊ុន ឃាង ភេទប្រុង អាយុ៥០ឆ្នាំ, ទី២ ចាន់ ប៊ូត ភេទប្រុស អាយុ៣៨ឆ្នាំ, ទី៣ បឿន ស៊ុន ភេទប្រុស អាយុ២០ឆ្នាំ, ទី៤ ប្រុស ពៅ ភេទប្រុស អាយុ២០ឆ្នាំ, ទី៥ ទៀង គ្រី ភេទប្រុស អាយុ៤២ឆ្នាំ, ទី ៦ បូ វាសនា ភេទប្រុស អាយុ២៨ឆ្នាំ, ទី៧ សឿន អ៊ុច ភេទប្រុស អាយុ៥៩ឆ្នាំ, ទី៨ រឿង សីហា ភេទប្រុស អាយុ១៧ឆ្នាំ, ទី៩ អ៊ុច យ៉ា ភេទប្រុស អាយុ៣០ឆ្នាំ, ទី១០ ថៃ ស៊ីង ភេទប្រុស អាយុ៣៨ឆ្នាំ, ទី១១ ថៃ ប៊ុនថន ភេទប្រុស អាយុ៣០ឆ្នាំ, ទី១២ សឹង នី ភេទប្រុស អាយុ២៧ឆ្នាំ, ទី១៣ ស៊ុង សារឿន ភេទប្រុស អាយុ៤០ឆ្នាំ, ទី១៤ ម៉ៅ ភារម្យ ភេទប្រុស អាយុ ៣០ឆ្នាំ និងទី១៥ អេន ថេន ភេទប្រុស អាយុ២០ឆ្នាំ។ អ្នកទាំង១៥ ខ្លះរស់នៅឃុំអូរស្វាយ ឃុំផ្អាវ, ឃុំត្រញំងប្រាសាទ និង ខេត្ដឧត្ដរមានជ័យដូចៗគ្នា។
ព័ត៌មានខាងលើ មិនមែនជារឿងថ្មីឡើយ សំរាប់ប្រជាជនកម្ពុជា ដែលស្លាប់ និងរបួស ព្រមទាំងចាប់ខ្លួន ដោយអាជ្ញាធរថៃ ខណៈពេលដែលប្រជាជនទាំងនោះ ចូលទៅកាប់ឈើគ្រញូង ព្រោះថាជារឿយៗ ពួកគេ បានទទួលរងគ្រោះជាបន្ដបន្ទាប់។
កន្លងមកសម្ដេចតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា ក៏បានដាក់បទបញ្ជាជាបន្ដបន្ទាប់ឱ្យសមត្ថកិច្ចព្រំដែនទប់ស្កាត់ឱ្យខាងតែបាន ចំពោះប្រជាជន ដែលចូលទៅកាប់ឈើគ្រញូងក្នុងទឹកដីថៃ។
ប៉ុន្ដែទោះបីយ៉ាងណាក៏ ដោយមេៗ នៅតាមព្រំដែនហាក់ពុំមានការទប់ស្កាត់ និងធ្វើតាមបទបញ្ជាសម្ដេចតេជោឡើយ។ ព្រោះថា មានមេខ្យល់ជាច្រើន ដែលគេស្គាល់មុខដដែលៗ កំពុងឈរចាំទិញឈើគ្រញូង នៅតាមព្រំដែន ហើយប្រជាជនទាំងនោះ ក៏យកជីវិតទៅប្ដូរ ជាមួយនឹងឈើគ្រញូង ក៏ត្រូវបានទាហានថៃ បាញ់សំលាប់ និងចាប់ខ្លួន ជាបន្ដបន្ទាប់៕
No comments:
Post a Comment
yes