លោករ៉ុង ឈុន(អង្គុយ)
ភ្នំពេញៈ លោករ៉ុង ឈុន ប្រធានសហភាពសហជីពកម្ពុជាបានសរសេរលិខិតមួយកាលពីថ្ងៃទី០៤ខែកញ្ញាឆ្នាំ២០១២ ទៅព្រះរាជអាជ្ញាអមសាលាដំបូងខេត្តកណ្តាល ដើម្បីសុំពន្យាពេលចូលបំភ្លឺ លើបណ្តឹងរបស់លោកអគ្គនាយកសហគ្រាសតៃ យ៉ាង។
នៅក្នុងលិខិត លោករ៉ុង ឈុនបានបញ្ជាក់ពីមូលហេតុថាលោកមិនទាន់រកបានមេធាវីការពារសិទ្ធិ និងមិនទាន់មានការត្រៀមខ្លួនក្នុងការការពារសិទ្ធិរបស់ខ្លួននៅឡើយ។
សូមបញ្ជាក់ថាសាលាដំបូងខេត្តកណ្តាលបានចេញដីកាកោះហៅលោករ៉ុង ឈុនប្រធានសហភាពសហជីពកម្ពុជា ឲ្យចូលទៅកាន់អយ្យការអមសាលាដំបូងខេត្តកណ្តាលនៅថ្ងៃទី១១ ខែកញ្ញាឆ្នាំ២០១២ខាងមុខនេះ។ដោយយោងតាមដីកាកោះចុះថ្ងៃទី០៦ ខែសីហាឆ្នាំ២០១២ ដោយលោកទេព មុនិន្ទ តំណាងអយ្យការអមសាលាដំបូងខេត្តកណ្តាលក្នុងការសាកសួរ ពីដំណើររឿង ដែលឈ្មោះ JACK LIU អគ្គនាយកនៃសហគ្រាស តៃ យ៉ាងប្តឹងលោករ៉ុង ឈុនពីបទញុះញង់ឲ្យកម្មករធ្វើកូដកម្មដោយខុសច្បាប់ និងពីបទបរិហាកេរ្តិ៍ជាសាធរណៈ។
No comments:
Post a Comment
yes