ក្រុងឆាឡូតៈ ស្រ្តីទីមួយ ជំទាវមីសែល អូបាម៉ា បានទទួលស្គាល់កាលពីរាត្រីថ្ងៃអង្គារថា ការផ្លាស់ប្តូរដែលស្វាមីលោកស្រី លោក បារ៉ាក់ អូបាម៉ា បានស្វែងរកនៅក្នុងយុទ្ធនាការដើម្បីសេតវិមានរបស់លោកពី៤ឆ្នាំមុន បានបង្ហាញថាមានការលំបាក ប៉ុន្តែបានជំរុញឲ្យអ្នកបោះឆ្នោត ទុកពេលឲ្យលោកមួយអាណត្តិទៀត ធ្វើការកែលម្អសេដ្ឋកិច្ចអាមេរិកទន់ខ្សោយ។
លោកស្រី បានប្រាប់សន្និបាតជាតិរបស់បក្សប្រជាធិបតេយ្យនៅក្រុងឆាឡូត រដ្ឋកាលីហ្វ័រនីញ៉ាខាងជើងថា៖«គាត់រំលឹកខ្ញុំថា យើង កំពុងតែលេងល្បែង នៅទីនេះយូរមកហើយ ហើយការផ្លាស់ប្តូរ គឺលំបាក ហើយការផ្លាស់ប្តូរ គឺយឺតយ៉ាវ ហើយភ្លាមៗ វាមិនកើតឡើង ទាំងអស់ទេ។ ប៉ុន្តែនៅទីបញ្ចប់យើង នឹងទៅដល់ទីនោះ។ យើង តែងតែធ្វើវាបានជានិច្ច»។
ដោយក្រុមសមាជិកគណបក្សប្រជាធិបតេយ្យអន្ទះសារអំពីការប្រកួតប្រជែងជាមួយនឹងលោក មីត រ៉ុមនី មកពីបក្សសាធារណរដ្ឋដែលគេពិបាកនឹងទាយ៩សប្តាហ៍មុនការបោះឆ្នោតថ្ងៃទី៦ វិច្ឆិកា ជំទាវីមីសែល បានជំរុញឲ្យក្រុមសកម្មជនបក្សប្រមូលផ្តុះនៅជុំវិញលោកប្រធានាធិបតី។
លោកជំទាវ បានអះអាងបន្តថា៖«យើងត្រូវតែខំធ្វើការមិនធ្លាប់មាន ហើយជាថ្មីម្តងទៀត យើង ត្រូវរួមដៃគ្នាដើម្បីបុរសដែលយើង អាចទុកចិត្ត ស្វាមីខ្ញុំ ប្រធានាធិបតីយើង បារ៉ាក់ អូបាម៉ា ដើម្បីដឹកនាំប្រទេសអស្ចារ្យនេះទៅមុខ »។
No comments:
Post a Comment
yes