លោកស្រី កែ សុវណ្ណរតន៏ សមាជិកព្រឹទ្ធសភា និងជាអគ្គ
លេខាធិការគណបក្ស សម រង្ស៊ី
ក្នុងគោលដៅជំរុញ
និងលើកទឹកចិត្ត ដល់ប្រជាពលរដ្ឋដែលជាអ្នកគាំទ្រ ចលនាប្រជាធិបតេយ្យ
សង្គ្រោះជាតិ ក៏ដូចជាគណបក្ស សង្គ្រោះជាតិ សម្រាប់ការចូលរួមបោះឆ្នោតជាតិអាណត្តិទី៥ នៅឆ្នាំ២០១៣
លោកស្រី កែ សុវណ្ណរតន៏ សមាជិកព្រឹទ្ធសភា បានមានប្រសាសន៏ថាសូមបងប្អូន មានជំនឿ និងទុកចិត្តមកលើគណបក្សសង្គ្រោះជាតិចុះ ថាយើងនិងទទួលបានជោគជ័យជាក់ជា
មិនខាននៅឆ្នាំ២០១៣ ព្រោះគណបក្ស សង្គ្រោះជាតិ មានស្នូលរបស់ខ្លួនយ៉ាងរឹងមាំ នោះគឺគណ
បក្ស សម រង្ស៊ី និងគណបក្ស សិទ្ធិមនុស្ស ហើយប្រជាពលរដ្ឋដែលជាអ្នកស្នេហាជាតិ
មកពីគ្រប់គណបក្ស រួមជាមួយនិងឥស្សរជននយោបាយជាន់ខ្ពស់មួយចំនួនធំ ក៏បានចូលមករួម
រស់ជាមួយនិងគណបក្ស សង្គ្រោះជាតិ ផងដែរ ដែលមានលោក សម រង្ស៊ី ជាប្រធានគណបក្ស
និងលោក កឹម សុខា ជាអនុប្រធានគណបក្ស ។
ជាមួយគ្នានោះលោកស្រី កែ សុវណ្ណរតន៏ ក៏បានផ្តល់ជាអនុសាសន៏ដល់ថ្នាក់ដឹកនាំ របស់គណបក្សទាំងពីរគឺគណបក្សសម រង្ស៊ី និងគណបក្ស
សិទ្ធិមនុស្ស ដោយត្រូវធ្វើយ៉ាងណាត្រូវតែ ពន្យល់អំពីគោលបំណងរបស់
គណបក្ស សង្ក្រោះជាតិ និងបញ្ជូនសារ ទៅដល់ប្រជាពលរដ្ឋនៅក្នុងឃុំ-សង្កាត់នីមួយៗឲ្យពួកគាត់បានយល់គ្រប់ៗគ្នា ។ ដើម្បីជាប្រយោជន៏ ឲ្យប្រជាពលរដ្ឋលោកមានមូលដ្ឋានកាន់តែរឹងមាំ ក្នុងការធ្វើការសំរេចចិត្តជ្រើសរើស ថ្នាក់ដឹកនាំរបស់ពួកគាត់នៅឆ្នាំ២០១៣
ព្រោះគណបក្ស សង្គ្រោះជាតិ មានគោលនយោបាយច្បាស់លាស់ ពិតប្រាកដក្នុងការថែរក្សានិងការពារប្រយោជន៏ជូនប្រជាពលរដ្ឋ
និងប្រទេសជាតិរបស់យើង ។
លោកស្រី កែ សុវណ្ណរតន៏ ក៏បានបញ្ជាក់បន្ថែមទៀតផងដែរថា ការបោះឆ្នោតនៅឆ្នាំ២០១៣គឺមានសារសំខាន់ខ្លាំងណាស់ក្នុងការសង្គ្រោះប្រទេសជាតិរបស់យើងចេញពីអំណាចនៃការគ្រប់
គ្រងរបស់គណបក្សប្រជាជន ដែលបានដឹកនាំប្រទេសតាមរបៀបផ្តាច់ការ ដែលធ្វើឲ្យប្រជាពល
រដ្ឋខ្មែរ ស្គាល់តែពាក្យខ្លាច ខ្លៅ ហើយនិងឃ្លានតែប៉ុណ្ណោះ
និងបានធ្វើឲ្យប្រទេសជាតិដើរទៅ ដល់រណ្តៅនៃមាត់ជ្រោះមរណៈផងដែរ ដែលទាំងអស់នេះគណបក្ស
សង្គ្រោះជាតិ ត្រូវតែ សង្គ្រោះ ជាបន្ទាន់ ។
លោកស្រីបានបន្តទៀតថា ទឹកដីដែលជាកេរ្តិ៏ដំណែលរបស់បុព្វបុរសខ្មែរយើងដ៏មានតម្លៃ ដែល
បានបន្សល់ទុកត្រូវបាត់បង់បន្តិម្តងៗជារៀងរាល់ថ្ងៃដោយសារតែមហិច្ឆិតានៃបរទេសឈ្លានពាន
។ ហើយជនអន្តោប្រវេសន៏ខុសច្បាប់រាប់លាននាក់ ហូរចូលមកក្នុងប្រទេសកម្ពុជា ដោយគណបក្សកាន់អំណាចសព្វថ្ងៃ
ពុំមានការអើពើអ្វីបន្តិចសោះ ។ យ៉ាងណាម៉ិញអំពើឧក្រឹត្តពុករលួយជាលក្ខណៈប្រព័ន្ធ តាំងពីថ្នាក់ជាតិមកដល់ថ្នាក់មូលដ្ឋាន
បានធ្វើឲ្យប្រជាពលរដ្ឋរបស់យើងក្រីក្រកាន់តែខ្លាំងឡើង
ដែលនេះគឺជាមូលហេតុតែមួយគត់នៃការប្រព្រឹត្តអំពើពុករលួយស៊ីរូងរបស់ក្រុមគណបក្សប្រជាជន
ដែលគេគិតតែពីផលប្រយោជន៏ផ្ទាល់ខ្លួន និងបក្ខពួករបស់គេជាធំ មិនគិតពីសុខទុក្ខរបស់ប្រជាពលរដ្ឋ
។
លោកស្រី កែ សុវណ្ណរតន៏ បានថ្លែងបន្តទៀតថា
ក្នុងនោះវិបត្តិដីធ្លីបានធ្វើឲ្យប្រជាពលរដ្ឋខ្មែររាប់លាននាក់បាត់បង់ដីធ្លីរបស់ខ្លួនគ្មានអ្វីធ្វើស្រែចំការ
និងផ្ទះសម្បែងត្រូវបានគេឈូសបំផ្លាញចោលដើម្បីយកដីធ្លីរបស់ប្រជាពលរដ្ឋ លក់បន្តឲ្យក្រុមហ៊ុនទុច្ចរឹត
និងឈ្មួញខិលខូច ឬធ្វើជាសម្បទានឲ្យទៅក្រុមហ៊ុន ហើយមិនតែប៉ុណ្ណោះប្រសិនបើប្រជាពលរដ្ឋណាហ៊ានក្រោកឡើងតវ៉ា
និងត្រូវបានគេចាប់ឃុំខ្លួន វាយធ្វើបាប ប្រើអំពើហិង្សារហូតឈានទៅដល់ការបាញ់សម្លាប់ប្រពលរដ្ឋ
ក្រោមចុងកាណុងកាំភ្លើងរបស់ពួកគេគ្មានញញើតដៃនោះឡើយ ។ លោកស្រី ថ្លែងបន្តដោយសង្កត់ធ្ងន់ថា
ជ័យជំនះរបស់គណបក្ស សង្គ្រោះជាតិ និងនាំមកនូវការដឹកនាំប្រទេសតាម បែបប្រជាធិបតេយ្យ
ការពារផលប្រយោជន៏របស់រាស្រ្ត និងជាតិឲ្យបានគង់វង្សស្ថិតស្ថេរ ដែលនេះជាអ្វីដែលយើងចង់បាន
និងជាជំហរឥតងាករ៉េតាំងពីដើមរៀងរហូតមករបស់អ្នកប្រជាធិបតេយ្យ ។
ជាមួយគ្នានោះលោកស្រី កែ សុវណ្ណរតន៏ សមាជិកព្រឹទ្ធសភា
ក៏បានស្នើរឲ្យប្រជាពលរដ្ឋខ្មែរអ្នកស្នេហាជាតិ ស្រលាញ់របបប្រជាធិបតេយ្យទាំងអស់
សូមចូលរួមឲ្យបានច្រើនឡើងបន្ថែមទៀតនៅក្នុងជួរ ចលនាប្រជាធិបតេយ្យសង្គ្រោះជាតិ
ក៏ដូចជាគណបក្ស សង្គ្រោះជាតិ ព្រោះជាតិយើងកុំពុងតែលិចលង់ ជាតិយើងកុំពុងតែហិនហោច
ប្រទេសកម្ពុជាត្រូវបានគណបក្សកាន់អំណាចដឹកនាំតាមរបៀបផ្តាច់ការ
ដែលបំរើបរទេសឈ្លានពាន ធ្វើឲ្យប្រទេសយើងបាត់បង់ទឹកដី និងត្រូវគេបង្ខិតព្រំដែនតាមតែអំពើចិត្ត
ជាមួយគ្នានោះជនអន្តោប្រវេសន៏ខុសច្បាប់កាន់តែច្រើនឡើងៗចូលមករស់នៅស្រុកខ្មែរ
ដែលជាគ្រោះថ្នាក់ដ៏ធំមួយដល់អាយុជីវិតរបស់ប្រទេសជាតិយើង ។ ដូចនេះដើម្បីកុំឲ្យប្រទេសជាតិយើង
ធ្លាក់ចូលទៅក្នុងកណ្តាប់ដៃរបស់យួន និងដើម្បីកុំឲ្យប្រ
ទេសកម្ពុជាយើងក្លាយជាកម្ពុជាក្រោមទី២ សូមបងប្អូនប្រជាពលរដ្ឋខ្មែរទាំងអស់ ចូលរួមជាមួយ
ចលនាប្រជាធិបតេយ្យសង្គ្រោះជាតិ និងគណបក្ស សង្គ្រោះជាតិ ដែលមានលោក សម រង្ស៊ី
ជាប្រធាន និងលោក កឹម សុខាជាអនុប្រធាន
រួមជាមួយនិងអ្នកនយោបាយជើងចាស់មួយចំនួនទៀតដែលស្ថិតនៅក្នុងជូរ
ចលនាប្រជាធិបតេយ្យសង្គ្រោះជាតិ និងគណបក្ស សង្គ្រោះជាតិ ផងដែរ ។
ប្រទេសកម្ពុជាដឹកនាំឲ្យគណបក្ស សង្គ្រោះជាតិ
និងធ្វើឲ្យប្រទេសជាតិមានការរីកចំរើន ហើយប្រ
ជាពលរដ្ឋនិងទទួលបានឱកាសការងារធ្វើគ្រប់ៗគ្នា
ដែលធ្វើឲ្យជីវភាពរបស់ប្រជាពលរដ្ឋងើបផុត ពីភាពក្រីក្រ
និងការរងទុក្ខវេទនាគ្រប់បែបយ៉ាង ៕
No comments:
Post a Comment
yes