មាស សុខសោភា មិនហ៊ានលាត ត្រដាងពីប្រវត្តិពិត ខ្លាចមហាជនពេបជ្រាយ

មាស សុខសោភា

ភ្នំពេញ៖ ជាធម្មតាតារា ស្ទើរតែគ្រប់រូប នៅពេលដែល បានចូលប្រឡូក ក្នុងវិថីសិល្បៈ រមែងតែងតែមិនចង់ រំឭកពីអតីតកាល ដែលខ្លួនធ្លាប់ ជួបការលំបាក ព្រោះតែខ្លាចមានអ្នក សើចយំដាក់ខ្លួន។ ដូចនេះហើយតែងតែ ព្យាយាមលាក់បាំង ប្រវត្តិពិត តួយ៉ាងដូចជា តារាចម្រៀងដែល មានឈ្មោះបោះ សំឡេងល្បី ប្រចាំផលិតកម្មថោន កញ្ញា មាស សុខសោភា ត្រូវបានមហាជនរិះគន់ថា នាងលាក់ប្រវត្តិរបស់ខ្លួន ដោយសារតែ ខ្លាចធ្លាក់កូដ។

ការរិះគន់ទៅលើ តារាស្រីរូបនេះ ក្រោយពេលដែល នាងបានបង្កើត វេបសាយ ផ្ទាល់ខ្លួនមួយ ដោយនៅក្នុងនោះ នាងបានបង្ហោះគ្រប់ សកម្មភាពរបស់នាង តាំងពីចូលប្រឡូកក្នុង វិស័យសិល្បៈដំបូង ក៏ដូចជាជីវិតឯកជន របស់នាងខ្លះៗ ។តែសម្រាប់អតីតកាល មុនចូលសិល្បៈនោះ គេមិនបានឃើញ នាងសរសេរ ឬក៏បង្ហាញអ្វី សូម្បីតែបន្តិចនោះទេ រហូតធ្វើឲ្យទស្សនិកជន មានការងឿងឆ្ងល់ថា ហេតុអីបានជា តារាស្រីរូបនេះ មិនលាតត្រដាង ពីអតីតកាលរបស់ ខ្លួនបែបនេះ។

ស្របពេលដែល កំពុងតែមានការងឿងឆ្ងល់ ក៏មានពាក្យចចាម អារ៉ាមថ្មីមួយទៀត និយាយតពីមាត់មួយទៅ មាត់មួយថា តារាចម្រៀងស្រី មានទឹកដមសំឡេង អំណោយផលពី ធម្មជាតិរូបនេះ គឺជាអតីតនារីរត់តុ ក្នុងភោជនីយដ្ឋានមួយ នៅម្តុំបឹងកក់ ដោយនាងអាចរក ចំណូលបានត្រឹមតែ ៦០ទៅ៧០ដុល្លារក្នុងមួយ ខែប៉ុណ្ណោះ ។ប៉ុន្តែដោយសារ តែនាងជានារីម្នាក់ដែល ពូកែក្នុងការតស៊ូ និងព្យាយាមមិនខ្លាច នឿយហត់ រលកជីវិតរបស់នាង ក៏បានរុញច្រាន ឲ្យមានឱកាសចូល ប្រឡូកក្នុងវិថីសិល្បៈ ហើយអាចក្លាយខ្លួន ជាតារាដែលមានឈ្មោះ បោះសំឡេងដល់ សព្វថ្ងៃបែបនេះ។

ទាក់ទងទៅនឹង អតីតកាលរបស់ តារាចម្រៀង កំពុងតែមានប្រជា ប្រិយភាព មាស សុខសោភា ត្រូវបានមហាជនអ្នក គាំទ្រជាច្រើន ធ្វើការរិះគន់ថា គ្រាន់តែ ប្រវត្តិបែបនេះ ហេតុអីនាងចាំបាច់ត្រូវ លាក់បាំងធ្វើអី? ហេតុអីបានជាមិនបើក ចំហជាសាធារណៈតាមវេបសាយថ្មីរបស់នាង តែម្តងទៅ ?ឬក៏នាងគិតថាជារឿង អាម៉ាសសម្រាប់ខ្លួនឯង និងចង់លាក់បាំងរឿង នេះរហូតទៅ?

ទន្ទឹមនឹងនោះដែរ ក៏មានមតិខ្លះបាន កោតសរសើរទៅលើ ការតស៊ូព្យាយាមរបស់ នាងតាំងពីបាត់ដៃទទេ រហូតដល់មានឈ្មោះ បោះសំឡេងដូចថ្ងៃនេះ ហើយនាងក៏អាច ទាក់ទាញប្រជាប្រិយភាព ការគាំទ្រកាន់តែច្រើន មួយកម្រិតទៀត ប្រសិនបើនាង បើកចំហនូវអតីតកាល របស់នាង។

មហាជនក៏បាន លើកឡើងទៀតថា ចំពោះការលាក់ប្រវត្តិ ពិតរបស់ខ្លួននេះ មិនមែនត្រឹមតែជា តារាចម្រៀងស្រី មាស សុខសោភា ម្នាក់ប៉ុណ្ណោះទេ គឺមានតារាប្រុស ស្រីជាច្រើនទៀត នៅពេលដែលបានល្បី តែងតែភ្លេចខ្លួន និងអំនួតលើខ្លួនឯងតម្កើង ខ្លួនហួសប្រមាណ និងមិនចង់រំឭក ពីអតីតកាល ដែលធ្លាប់លំបាកពីមុនមក ព្រោះមិនចង់ឲ្យគេដឹងពីប្រវត្តិ ពិតខ្លាចទទួលរងអាម៉ាស និងធ្លាក់ប្រជាប្រិយភាព។

ក្រោយពីលេច ចេញព័ត៌មានបែបនេះ មិនទាន់ទាក់ទងសុំការ បកស្រាយពីសាម៉ីខ្លួន ក៏ដូចជា លោក មាស សុខរតនៈ បានទេ ដោយសារតែ ទូរស័ព្ទមិនចូល។ តែទោះបីជា យ៉ាងណា Looking TODAY ក៏រង់ចាំសម្រាប់ការ ចេញមុខបកស្រាយ ជុំវិញព័ត៌មាន ទាំងអស់នេះ ពីម្ចាស់សាម៉ី ខ្លួនកញ្ញា មាស សុខសោភា ដោយក្ដីរីយរាយ ៕