គណបក្សប្រឆាំងបាននិយាយនៅថ្ងៃពុធនេះថា សមាជិកក្រុមប្រឹក្សាឃុំ-សង្កាត់របស់ខ្លួនមួយចំនួនពុំទទួលបានការអនុញ្ញាតិឲ្យពិនិត្យតាមដានមើលការចុះបញ្ជីឈ្មោះសម្រាប់ការបោះឆ្នោតជាតិអាណតិទី៥ដែលផ្ដើមកាលពីថ្ងៃទី១កញ្ញាដល់ថ្ងៃទី១២តុលានោះឡើយ ។
លោក យឹម សុវណ្ណ អ្នកនាំពាក្យគណបក្សសម រង្ស៊ី បានថ្លែងប្រាប់ក្រុមអ្នករាយការណ៏ព័ត៌មានថាសមាជិកក្រុមប្រឹក្សាឃុំ-សង្កាត់មួយចំនួនរបស់គណបក្សសម រង្ស៊ីនិងគណបក្សសិទ្ធិមនុស្សពុំត្រូវបានអនុញ្ញាតិឲ្យពិនិត្យមើលការចុះបញ្ជីឈ្មោះបោះឆ្នោតទេ ” នេះ ជាទង្វើខុសច្បាប់..”។
គួរបញ្ជាក់ថាដោយសំអាងទៅលើចំណាត់ការរៀបចំការបោះឆ្នោតដោយគណៈកម្មាធិការជាតិរៀបចំការបោះឆ្នោតមានមុខដដែលៗរាប់អាណតិមកហើយ ពុំមានតម្លាភាពនិងយុត្តិធម៌គណបក្សប្រឆាំងទាំងពីរកាលពីខែសីហាកន្លងទៅបានប្រកាសធ្វើពហិការមិនបញ្ជូនអ្នកសង្កេតការណ៏ទៅឃ្លាំមើលការចុះឈ្មោះនឹងពិនិត្យបញ្ជីឈ្មោះបោះឆ្នោត ដែលចាប់ផ្ដើមកាលពីថ្ងៃទី១កញ្ញា ដល់ថ្ងៃទី ១២ ខែតុលានោះឡើយ ៕
No comments:
Post a Comment
yes