ទឹកជំនន់ជន់លិច ផ្ទះប្រជាពលរដ្ឋកាលពីឆ្នាំមុន
យោងតាមសេចក្តីរាយការណ៍របស់គណៈកម្មាធិការជាតិរៀបចំការបោះឆ្នោត គ.ជ.ប បានឲ្យដឹងថា ខេត្តចំនួន៣ សៀមរាប បាត់ដំបងនិងបន្ទាយមានជ័យ បានទទួលរងជំនន់ទឹកភ្លៀងធ្វើ ឲ្យប៉ះពាល់លើហេដ្ឋារចនាសម្ព័ន្ធ និងផលស្រូវដំណាំរបស់ប្រជាពលរដ្ឋ ប៉ុន្តែដំណើរការនៃការពិនិត្យបញ្ជីឈ្មោះ និងការចុះឈ្មោះបោះឆ្នោត នៅតែប្រព្រឹត្តទៅជាធម្មតា។
តាមរបាយការណ៍របស់លេខាធិការដ្ឋានរៀបចំការបោះឆ្នោត (លខប) ខេត្តបន្ទាយមានជ័យ បានឲ្យដឹងថា គិត ត្រឹមថ្ងៃទី១៩ ខែកញ្ញា មានឃុំ-សង្កាត់ ចំនួន៧ នៅក្នុង ខេត្តបានទទួលរងទឹកជំនន់។
លោក នឹម វ៉ាន់សំ ប្រធាន លខប ខេត្តសៀមរាប ក៏បានឲ្យដឹងថា មានឃុំចំនួន១១ ក្នុងស្រុក២ បានទទួលរងនូវ ការលិចលង់ ដោយជំនន់ទឹកភ្លៀង ដែលធ្វើឲ្យខូចខាតដល់ហេដ្ឋារចនាសម្ព័ន្ធផ្លូវថ្នល់មួយចំនួន ប៉ុន្តែការពិនិត្យ បញ្ជីឈ្មោះ និងចុះឈ្មោះ ប្រព្រឹត្តទៅជាធម្មតា។
លោក វន ពន ប្រធាន លខប បាត់ដំបង មានប្រសាសន៍ថា ឃុំចំនួន២ បានទទួលរងការជន់លិច ដោយទឹក ភ្លៀងប្រមាណ៨០ភាគរយ គឺឃុំអំពិលប្រាំដើម និងឃុំបឹងប្រាំ ប៉ុន្តែសាលាឃុំមិនបានទទួលរងការជន់លិចទេ ហើយដំណើរការពិនិត្យបញ្ជីឈ្មោះ និងចុះឈ្មោះបានធម្មតា៕
No comments:
Post a Comment
yes