ក្រុមហ៊ុន Facebook Inc បានសន្យាមិនលក់ភាគហ៊ុន ដើម្បីទូទាត់ចំណាយពន្ធចំនួនជិត២ពាន់លានដុល្លារទេ និងបានឲ្យដឹងទៀតថា ក្រុមហ៊ុនរបស់ខ្លួន នឹងអនុញ្ញាតឲ្យបុគ្គលិក ដោះដូរភាគហ៊ុនរបស់ខ្លួនយកជាសាច់ប្រាក់ ក្នុងរយៈពេលប៉ុន្មានសប្តាហ៍មុនកាលបរិច្ឆេទ ដោយធ្វើឲ្យក្រុមវិនិយោគិន និងបុគ្គលិករបស់ខ្លួនផ្ទាល់ ដែលមានក្តីបារម្ភខ្លាំង បានស្ងប់ចិត្ត ខណៈដែលតម្លៃភាគហ៊ុនរបស់ខ្លួន កំពុងធ្លាក់ចុះ។
ក្រុមហ៊ុនបណ្តាញសង្គមតាមអ៊ីនធើណិតធំជាងគេរបស់ពិភពលោក ដែលបានបាត់បង់តម្លៃទីផ្សាររបស់ខ្លួនជាង៥០ភាគរយ ចាប់តាំងពីបានក្លាយខ្លួនជាក្រុមហ៊ុនសាធារណៈកាលពីខែឧសភាមកនេះ បានឲ្យដឹងកាលពីថ្ងៃអង្គារថា ចំនួនភាគហ៊ុនសរុបដែលបានលក់ចេញរបស់ខ្លួន នឹងត្រូវធ្លាក់ចុះ ១០១លានហ៊ុន ដោយសារវិធានការខាងលើនេះ។
ភាគហ៊ុនរបស់ក្រុមហ៊ុន Facebook ឡើងថ្លៃ ១,៨ភាគរយ ក្នុងរយៈពេលជួញដូរប៉ុន្មានម៉ោងក្រោយមក រហូតដល់ ១៨,០៥ដុល្លារ។
No comments:
Post a Comment
yes