ពលរដ្ឋខ្មែរត្រូវបានបញ្ជូនមកប្រទេសកម្ពុជាវិញ
ប្រជាពលរដ្ឋខ្មែរ៦នាក់ដែលរួមមានទាំងអតីតនគរបាលក្រុងប៉ោយម្នាក់ផងនោះត្រូវបានទាហានថៃចាប់ខ្លួន កាលពីថ្ងៃចន្ទ័ នៅខណៈពេលដែលពួកគេកំពុងតែដឹកឈើប្រណិតខុសច្បាប់ចំនួន២០បន្ទះតាមរថយន្តពីរគ្រឿងចេញពីខេត្តស្រះ កែវប្រទេសថៃឆ្ពោះមកស្រុកខ្មែរតាមច្រកអន្តរជាតិប៉ោយប៉ែត។
លោកសៅ វាសនាប្រធានក្រុមការងារប្រចាំច្រកប៉ោយប៉ែតនៃការិយាល័យទំនាក់ទំនងព្រំដែនកម្ពុជា-ថៃបាន ឲ្យដឹងកាលពីថ្ងៃអង្គារថាទាហានថៃបានចាប់ខ្លួនបុរសជាជនជាតិខ្មែរចំនួន៦នាក់ បន្ទាប់ពីរកឃើញ ឈើប្រណិតចំនួន២០បន្ទះនៅក្នុងរថយន្តម៉ាកវីហ្គោចំនួនពីរគ្រឿងនៅស្រុកអារញ្ញ ខេត្តស្រះកែវដែលមាន ចំងាយ ប្រហែលជា១៥គីឡូម៉ែត្រពីព្រំដែនកម្ពុជា-ថៃ។
លោកសៅ វាសនាបានបញ្ជាក់ថា«ម្នាក់ក្នុងចំណោមបុរសទាំងនោះឈ្មោះជីវន្តដែលជាអតីតនគរបាល នៅក្រុង ប៉ោយប៉ែត។ ពួកគេបំរុងដឹកឈើទាំងនោះឆ្លងដែនចូលមកស្រុកខ្មែរតាមច្រកប៉ោយប៉ែត ប៉ុន្តែត្រូវថៃចាប់បាន»។
យោងតាមរបាយការណ៍៦ខែដើមឆ្នាំ២០១២របស់ការិយាល័យទំនាក់ទំនងព្រំដែនកម្ពុជា-ថៃបានអោយដឹងថាសមត្ថកិច្ចថៃបាញ់សម្លាប់ប្រជាពលរដ្ឋខ្មែរដែលឆ្លងដែនចូលកាប់ឈើខុសច្បាប់ចំនួន៣៨នាក់ របួស១០នាក់បាត់ខ្លួន០១នាក់ និងចាប់ដាក់ពន្ធនាគារចំនួន១៩៤នាក់។លើសពីនេះប្រជាពលរដ្ឋខ្មែរដែលឆ្លងដែនខុសច្បាប់ចំនួន៦៨៦៥៩នាក់ត្រូវបានចាប់បញ្ជូនមកស្រុកខ្មែរវិញ។
No comments:
Post a Comment
yes