លោក គង់ គាំ ប្រធានស្តីទីគណបក្ស សង្គ្រោះជាតិ ក្នុងពីធីជួបសំណេះសំណាល
ជាមួយប្រជាពលរដ្ឋដេលជាអ្នកគាំទ្រ
ប្រទេសកម្ពុជាទទួលបានសុខសន្តិភាព
និងស្ថេរភាពសង្គមដូចសព្វថ្ងៃនេះ គឺក្រោមព្រះរាជកិច្ចខិតខំប្រឹងប្រែងយកចិត្តទុកដាក់
និងដោះស្រាយអស់ពីព្រះកាយពលរបស់ព្រះករុណា ព្រះ បាទ នរោត្តម សីហនុ ព្រះមហាវីរក្សត្រ
ព្រះវរាជបិតាឯករាជ្យ បូរណភាពទឹកដី និងឯកភាពជាតិខ្មែរ ក្នុងការបង្រួបបង្រួមជាតិដើម្បីបញ្ចប់សង្គ្រាមស៊ីវិលដ៏រាំរៃ
។
ការព្រមព្រៀងរហូតដល់ឈានទទួលបានការចុះហត្ថលេខាសន្តិភាពទីក្រុងប៉ារីស
ថ្ងៃទី២៣ ខែតុលា ឆ្នាំ១៩៩១ គឺមានភាគីមួយចំនួនមិនពេញចិត្ត
ហើយក៏និងមិនយល់ព្រមឲ្យមានការចុះ កិច្ចព្រមព្រៀងនេះផងដែរ តែក្នុងនោះក៏មានការចូលរួមជំរុញពីខាងអន្តរជាតិយ៉ាងខ្លាំងទើបក្រុមដែលប្រឆាំង
ទៅនិងការចុះហត្ថលេខាលើសន្តិសញ្ញាសន្តិភាពទីក្រុងប៉ារីសមានការយល់ព្រម ។
ក៏ប៉ុន្តែទោះជាយ៉ាងណា ពួកគេមិនបានគោរព និងអនុវត្តតាមស្មារតីសន្តិសញ្ញាទីក្រុងប៉ារីស
ថ្ងៃទី២៣ ខែតុលា ឆ្នាំ១៩៩១ ក្នុងអ្វីដែលគេធ្វើជាហត្ថលេខី ក្នុងការចុះហត្ថលេខាសន្តិភាពទីក្រុងប៉ារីស
ក្នុងការបញ្ចប់សង្គ្រាមស៊ីវិល និងការបណ្តេញយួនចេញពីកម្ពុជានោះ គឺពួកគេធ្វើដោយបង្ខំចិត្តតែប៉ុណ្ណោះ
ព្រោះប្រសិនបើពួកគេមិនយល់ព្រមក្នុងការចុះហត្ថលេខាទេ
វាអាចនិងមានគំនាបពីអន្តរជាតិមកលើពួកគេ ។
ហេតុដូចនេះហើយ ដូចអ្វីដែលយើងបានឃើញជារៀងរាល់ឆ្នាំ
គឺពួកគេមិនបានយកចិត្តទុកដាក់ក្នុងការគោរពពិធីអបអរសាទរកិច្ចព្រមព្រៀងសន្តិភាពទីក្រុងប៉ារីស
ថ្ងៃទី២៣ ខែតុលា ឆ្នាំ១៩៩១ឡើយ ដែលនេះគឺជាស្នាព្រះហស្ថរបស់ព្រះករុណា ព្រះបាទ
នរោត្តម សីហនុ ដែល យើងជាជាតិខ្មែរមិនអាចបំភ្លេចបាន នូវគំរូវីរភាពស្នេហាជាតិរបស់ទ្រង់
ក្នុងការតវ៉ាទាមទារដើម្បីនាំមកនូវការធានាបាននូវអធិបតេយ្យភាព បូរណភាពទឹកដី
សន្តិសុខ លទ្ធិប្រជាធិប
តេយ្យ ព្រមទាំងមានអ្វីៗគ្រប់បែបយ៉ាងដូចជាសព្វថ្ងៃនេះ ។
ជាមួយគ្នានោះផងដែរ លោក គង់ គាំ
ប្រធានគណបក្សស្តីទីរបស់គណបក្ស សម រង្ស៊ី លោក បានមានប្រសាសន៏ឲ្យដឹងថា ព្រះករុណា
ព្រះបាទ នរោត្តម សីហនុ ព្រះអង្គជាបិតា ថ្ងៃទី២៣ ខែតុលា ឆ្នាំ១៩៩១
កិច្ចព្រមព្រៀងសន្តិភាពទីក្រុងប៉ារីស ។ លោក គង់ គាំ បានបន្តដោយរំលឹកថា
កាលពីព្រះអង្គនៅគង់មានព្រះជន្មនៅឡើយ ហើយយាងត្រឡប់ក្រោយកិច្ចព្រមព្រៀងទីក្រុងប៉ារីស
គឺប្រទេសជាតិបានស្វាគមន៏ព្រះអង្គយ៉ាងគគ្រឹកគ្រេង ហើយជាសាក្ខីភាព ផងដែរនោះ កាលពីថ្ងៃទី១៧
ខែតុលា ឆ្នាំ២០១២ ក្រោយពីព្រះអង្គយាងចូលទីវង្គតទៅហើយព្រះបរមសព្វរបស់ទ្រង់បានយាងមកដល់មាតុភូមិកម្ពុជាជាថ្មីម្តងទៀត
គឺមានប្រជាពលរដ្ឋដែលស្រលាញ់ និងគោរពព្រះអង្គ បានស្វាគមន៏ព្រះបរមសពទ្រង់នៅទូទាំងព្រះរាជាណាចក្រកម្ពុជា
។
លោក គង់ គាំ ប្រធានស្តីទីគណបក្ស សម រង្ស៊ី
បានមានប្រសាសន៏បន្តថា សម្តេចទាំងបីគឺ សម្តេច ហ៊ុន សែន សម្តេច ជា ស៊ីម សម្តេច ហេង
សំរិន ពួកគាត់គឺជាបិតាថ្ងៃ៧មករា១៩៧៩ ក៏ប៉ុន្តែសម្តេចព្រះ នរោត្តម សីហនុ
ព្រះអង្គគឺជាព្រះបិតាថ្ងៃទី២៣ ខែតុលា ឆ្នាំ១៩៩១ ។ ក្នុងនោះគណបក្សកាន់អំណាច គឺគេមិនដែលយកថ្ងៃទី២៣
ខែតុលា ឆ្នាំ១៩៩១ ជាថ្ងៃពិសេសសម្រាប់ពួកគេឡើយ គឺមានតែគណបក្ស សង្គ្រោះជាតិ គណបក្ស
សម រង្ស៊ី និងគណបក្ស សិទ្ធមនុស្ស តែមួយប៉ុណ្ណោះដែលជានិច្ចជាកាលតែងតែប្រារព្វខួបនៃកិច្ចព្រមព្រៀងសន្តិភាពទីក្រុងប៉ារីស
ជារៀងរាល់ឆ្នាំមិនដែលខានឡើង ហើយនិងតែងតែធ្វើការទាមទារឲ្យរដ្ឋាភិបាលសព្វថ្ងៃបញ្ចូលថ្ងៃទី២៣
ខែតុលា ឆ្នាំ១៩៩១ ទៅក្នុងប្រតិទិន ដើម្បីឲ្យមន្រ្តីរាជការ កម្មករ-កម្មការរីនី
សិស្សានុសិស្សបានឈប់សំរាកមួយថ្ងៃ ដើម្បីចូលរួមអបអរសាទរថ្ងៃនៃកិច្ចព្រមព្រៀងទីក្រុងប៉ារីស២៣ខែតុលា
ឆ្នាំ១៩៩១ តែពួកគេតែងតែធ្វើការបដិសេធ និងមិនព្រមទទួលយកការស្នើរសុំនេះពីគណបក្សប្រឆាំង
ក៏ដូចជាមន្រ្តីអង្គសង្គមស៊ីវិលជាតិ-អន្តរជាតិ និងប្រជាពលរដ្ឋជាដើម ។ លោក គង់ គាំ
បានមានប្រសាសន៏បន្តថា តែទើបតែមានការភ្ញាក់ផ្អើលក្នុងរយៈពេលនេះ ព្រោះកាលពីថ្ងៃទី២៣
ខែតុលា ឆ្នាំ២១២ ប្រមុខរដ្ឋាភិបាលបានចេញសេចក្តីប្រកាសព័ត៌មាន
ដោយសូមប្រកាសយកថ្ងៃទី២៣ ខែតុលា ចាប់ពីឆ្នាំ២០១៣តទៅ ជាថ្ងៃឈប់សម្រាករបស់មន្រ្តីរាជការ
កម្មករ-កម្មការរីនី សិស្សានុសិស្ស នៅទូទាំងប្រទេសកម្ពុជា គឺបន្ទាប់ពីព្រះករុណា
ព្រះបាទ នរោត្តម សីហនុ ព្រះអង្គយាងចូលទីវង្គត ដោយគ្រប់គ្នាបានលើកយកនូវស្នាព្រះហស្ថរបស់ទ្រង់
ក្នុងការទាមទារឲ្យមានការចុះហត្ថលេខាលើកិច្ចព្រមព្រមសន្តិភាព ទីក្រុងប៉ារីស
ថ្ងៃទី២៣ ខែតុលា ឆ្នាំ១៩៩១ ។ លោក គង់ គាំ បានមានប្រសាសន៏បន្តថា តែទោះជាយ៉ាងណា វានៅមិនទាន់ពេញចិត្តរបស់ប្រជាពលរដ្ឋខ្មែរនៅឡើងទេ
បើទោះបីនេះគឺជាជោគជ័យរបស់អ្នកគោរពសន្តិភាពទីក្រុងប៉ារីសក៏ដោយ តែចង់ឲ្យរដ្ឋាភិបាលខ្មែរអនុវត្តន៏តាមស្មារតីនៃកិច្ចព្រមព្រៀងសន្តិភាពប៉ារីសទៀត
ក្នុងការការពាបូរណភាពទឹកដី ការរក្សាបានសុវត្ថិភាពសន្តិសុខសង្គម
ការគោរពសិទ្ធិមនុស្ស និងការគោរពនូវលទ្ធិប្រជាធិបតេយ្យ និងដូច អ្វីជាច្រើនទៀតដែលមានចែងនៅក្នុងកិច្ចព្រមព្រៀងសន្តិភាពទីក្រុងប៉ារីស
។
ប្រធានស្តីទីគណបក្ស សម រង្ស៊ី លោក គង់ គាំ
បានមានប្រសាសន៏បន្តថា ក្នុងដួងចិត្តរបស់ លោក ហើយលោកសង្ឃឹមផងដែរថាក្នុងដួងចិត្តរបស់ប្រជាពលរដ្ឋទូទៅនៅតែចាត់ទុករាល់គ្រប់ស្នាព្រះហស្ថ
និងព្រះរាជកិច្ចរបស់ព្រះករុណា ព្រះបាទ នរោត្តម សីហនុ ជាព្រះបិតាឯករាជ្យជាតិជារៀងរហូត
ព្រោះព្រះអង្គបាននាំមកនូវសន្តិភាព និងការរីកចំរើនរបស់ប្រទេសជាតិ
ក៏ដូចជាការរស់នៅរបស់ប្រជាពលរដ្ឋប្រកបដោយភាពសុខសាន្ត ។ ជាមួយគ្នានោះលោក គង់ គាំ
ក៏បានធ្វើការរំលឹកអំពីប្រវត្តិបន្តិចផងដែរថា ការរីកចំរើនរបស់ប្រទេសជាតិ
និងការរស់នៅ បានសុខសន្តិភាពក្រោមស្នាព្រះសហ្ថរបស់ព្រះបាទនរោត្តម សីហនុ
ត្រូវបានបាត់បង់ទៅវិញ ក្នុងនោះរួមមានយួនខាងជើងហាណូយ
បានយកកងទ័ពមកនៅក្នុងដីតាមព្រំដែនកម្ពុជាកាល ពីឆ្នាំ១៩៧០
ដែលទាំងអស់នោះហើយធ្វើឲ្យឯកករាជ្យ សន្តិភាពកម្ពុជាក្លាយទៅជាបាត់បង់ និងក្លាយទៅជារងគ្រោះ
ទាំងអស់នេះលោកស្នើសុំឲ្យប្រជាពលរដ្ឋខ្មែរទាំងអស់សូមមេត្តា កត់សម្គាល់ថា អ្នកដែលតាមបំផ្លិចបំផ្លាញព្រះរាជបូជនីយកិច្ច
និងអ្នកដែលតាមធ្វើទុកបុកម្នេញប្រទេសកម្ពុជា និងប្រជាពលរដ្ឋយើង
គឺមានយួនហាណូយជាមូលហេតុធំបំផុត ។
លោក គង់ គាំ សមាជិកព្រឹទ្ធសភារបស់គណបក្ស សម រង្ស៊ី
និងជាប្រធានស្តីទី បានមានប្រសាសន៏បន្តថា ក្នុងនោះមានអ្នកខ្លះដែលគេមិនសាទរថ្ងៃ២៣ ខែតុលា
ឆ្នាំ១៩៩១ គេច្រៀង ចំរៀងថា « កញ្ចាញចេកអើយ លូតទុំមែកស្វាយ ស្រុកយើងសប្បាយ
ដោយសារ៧មករា យួនខាងជើងហាណូយ » ។ លោកថាពួកអ្នកដែលច្រៀងនេះក៏ចប់ហើយដែរ ឥឡូវតេជោសែន
ប្រមុខរដ្ឋាភិបាលទទួលស្គាល់ការពិត បានសម្រេចយកថ្ងៃទី២៣ ខែតុលា ឆ្នាំ១៩៩១ ជាថ្ងៃបុណ្យជាតិគិតចាប់ពីឆ្នាំ២០១៣ទៅហើយ
។
លោក គង់ គាំ បានបន្តរំលឹកប្រវត្តិសាស្រ្តបន្តថា កាលពីប្រទេសកម្ពុជាទទួលបានឯករាជ្យ
ហើយបានធ្វើឲ្យបាត់ឯករាជ្យទៅវិញនោះក្នុងឆ្នាំ១៩៧០-១៩៧៥ យួនខាងជើង ហើយនិងចិន
ធានាចំពោះប្រភក្រ្តព្រះនរោត្តម សីហនុថា យកអំណាចថ្វាយព្រះអង្គវិញ ហើយនៅពេលបាន
អំណាចហើយពួកគេបែជាថាព្រះអង្គអស់អនាគត់ហើយ ។ ដូច្នេះលោកសុំឲ្យជនរួមជាតិមើល ថា អ្នករារាំងឆាឆៅបំផ្លិចបំផ្លាញព្រះរាជបូជនីយកិច្ចរបស់ព្រះមហាវីក្សត្រដ៏ឧត្តងឧត្តម
ដ៏ថ្លៃថ្នូរបំផុតរបស់ជាតិខ្មែរយើង គឺពួកកុំមុយនីសខ្មែរក្រហម ។ លោកបន្តថា
ពួកខ្មែរក្រហម ប៉ុល ពត មិនព្រមប្រគល់អំណាចក្រោយឆ្នាំ១១៩៧៥ថ្វាយព្រះអង្គទេ
ហើយពួកខ្មែរប្រហម យៀកម៉ិញ យួនខាជើងហាណូយ ក៏មិនព្រមឲ្យព្រះអង្គដឹកនាំប្រទេស
ឲ្យរួបរួមគ្នា២៣តុលា១៩៩១ដែរ ។
លោក គង់ គាំ ថ្លែងទៀតថា នៅក្នុងដួងចិត្តរបស់លោក
ក៏ដូចជានៅក្នុងដួងចិត្តរបស់ប្រជាពល រដ្ឋទូទៅផងដែរថា ព្រះករុណា ព្រះបាទ នរោត្តម
សីហនុ ព្រះអង្គគឺជាជាព្រះបិតានៃសេរីភាព សម្តែងមតិ ដែលមានតែព្រះមហាវីរក្សត្រ
នរោត្តម សីហនុ មួយទេ ដែលទ្រង់បង្កើតគេហទំព័រ
តែងតែមានព្រះរាជតម្រិះគ្រប់យ៉ាងដើម្បីជោគចែវ ជោគវាសនារបស់ប្រទេសកម្ពុជា និងជីវភាពប្រជាពលរដ្ឋខ្មែរ
ក៏ប៉ុន្តេព្រះអង្គត្រូវបានម្នាក់នោះគេតៀលត្មិះ និងប្រមាថកាបទាន ព្រះអង្គ
ធ្វើឲ្យព្រះអង្គត្រូវបង្ខំព្រះទ័យលែងមានព្រះរាជមតិក្នុងព្រឹត្តិប័ត្ររបស់ព្រះអង្គ
។
ប្រធានស្តីទីគណបក្ស សម រង្ស៊ី បានបន្តថា
ដូច្នេះប្រសិនបើប្រជាពលរដ្ឋខ្មែរស្រលាញ់ គោរព
ព្រះមហាវីរក្សត្រដែលមានតែមួយព្រះអង្គគត់ដែលទ្រង់គិតគូរផលប្រយោជន៏ប្រទេសជាតិ និងគិតគូរផលប្រយោជន៏ប្រជាពលរដ្ឋ
អនាគតកូនចៅរបស់ព្រះអង្គ សូមចូលរួមជាមួយនិងគណបក្ស សង្គ្រោះជាតិ ឲ្យបានគ្រប់ៗគ្នា
ព្រោះគណបក្ស សង្គ្រោះជាតិ ដែលមានលោក សម រង្ស៊ី ជាប្រធាន និងលោក កឹម សុខា
ជាអនុប្រធាន រួមជាមួយនិងឥស្សរជននយោបាយជាច្រើនរូបទៀតនោះ គឺដង្ហែរតាមព្រះរាជតម្រិះរបស់ទ្រង់
ក្នុងការផ្សះផ្សារជាតិ បង្រួបបង្រួមជាតិ ដើម្បីថែរក្សាជាតិ ទឹកដីឲ្យនៅគង់វង្ស
និងប្រជាពលរដ្ឋរស់នៅប្រកបដោយភាពសុខសាន្ត ក្នុង កំរិតជីវភាពមួយដ៏សមគួរ
និងជាប្រទេសដែលគោរពប្រជាធិបតេយ្យ
ដើម្បីធ្វើការដឹកនាំប្រទេសឲ្យមានការរីកចំរើនជឿនលឿនដូចជាអរិយប្រទេសមួយចំនួននៅលើពិភពលោកផងដែរ
។ ដូចនេះសរុបសេចក្តីមក គឺមានតែគណបក្ស សង្គ្រោះជាតិ តែមួយប៉ុណ្ណោះដែលជាក្តីសង្ឃឹមរបស់ប្រជាពលរដ្ឋខ្មែរ
និងប្រទេសជាតិរបស់យើង ដោយហេតុថា គណបក្ស សង្គ្រោះជាតិ ក៏បានអនុវត្ត៏
និងគោរពប្រតិប័ត្រតាមស្មារតីនៃកិច្ចព្រមព្រៀងសន្តិភាពទីក្រុងប៉ារីស ថ្ងៃទី ២៣
ខែតុលា ឆ្នាំ១៩៩១ ដែលជាស្នាព្រះហស្ថព្រះករុណា ព្រះមហាវីរក្សត្រ មិនអាចរកអ្វីមក
ប្រៀបផ្ទឹម និងកាត់ថ្លៃបាននោះ ៕
No comments:
Post a Comment
yes