ពេជ្រ សោភា ធ្លាយរឿងស្នេហាជាមួយមន្ត្រីទាហានជាន់ខ្ពស់
ចាប់តាំងពីបែកបាក់ជាមួយគូដណ្តឹងនៅអាមេរិកឈ្មោះប៊ុនចនតារាចម្រៀងល្បីឈ្មោះនាង ពេជ្រសោភាមិន ដែលលេចធ្លាយមានស្នេហាជាមួយបុរសណាឡើយក្រៅពីមានការលើកឡើងថា នាងមានឧកញ៉ា ជាមេធាវីម្នាក់ ទៅបោះសោឡានទិញស្នេហារបស់នាងដល់មុខផ្ទះ ហើយត្រូវនាងច្រាសដោយពាក្យសម្តីមិនចុះញមត្រលប់វិញ។ ម្លោះហើយ ទើបម្នាក់ៗមានការភ្ញាក់ផ្អើលនៅពេលលេចឮថានាងបានបង្កាត់ភ្លើងស្នេហាជាមួយមន្ត្រីទាហានជាន់ខ្ពស់ដ៏មានមុខ មាត់ម្នាក់នៅក្នុងស្រុក ប្រមាណជាមួយរយៈទៅហើយ។
ប្រភពដែលទម្លាយចេញបញ្ជាក់ថា បុរសដែលនាង ពេជ្រ សោភាទទួទលជាគូស្នេហ៏នេះ មានវ័យប្រមាណជា៣០ឆ្នាំ មានរាងខ្ពស់សស្តើង ភ្នែកតឹងជាកូនកាត់ចិន ហើយបើនិយាយពីអំណាច និងប្រាក់កាសវិញ គឺមានមន្ត្រីខ្លះពិបាកប្រ ដូចបាន ដោយសារតែលោកមានតំណែងជាប់ខ្លួននៅក្នុងស្រុកផង នៅក្រៅប្រទេសផង និងជាអ្នកជំនួញមាន មុខមាត់ទៀត។នាងពេជ្យសោភា និងប្រុសម្នាក់នេះអាចឈានដល់ចំណងអាពារហ៍ពិពាហ៍មិនយូមិនឆាប់ ដោយសារតែគេឧស្សាហ៍ឃើញបុរសនោះលេចមុខនៅផ្ទះរបស់នាងដោយភាពសាមញ្ញហើយបានទិញសារ៉ុងរាប់រយជូនម្តាយនាងកាលពីថ្ងៃមុនភ្ជុំបិណ្ឌនេះដើម្បីឱ្យម្តាយនាងយកទៅចែកចាស់ៗនៅស្រុកមេសាង ក្នុងខេត្តព្រៃវែងដែលជាស្រុករបស់នាងទៀតផង។ មន្ត្រីនោះមិនមែនជាមនុស្សធម្មតាឡើយប៉ុន្តែលោកបែរជាដាក់ខ្លួនចូលមកយកចិត្តគ្រួសារ នាង ពិសេសម្តាយរបស់នាង ដែលធ្វើឱ្យពេជ្រ សោភា មានការសប្បាយចិត្តនិងកក់ក្តៅ។
ហេតុនេះហើយទើបមួយរយៈនេះពេជ្រសោភា មានកម្លាំងចិត្តកែច្នៃម៉ូតខោអាវផង ប្រឹងហ្វឹក ហាត់ក្បាច់រាំផង និពន្ធបទចម្រៀងបោះឱ្យហង្សមាសផង និងជួយបណ្តុះបណ្តាលសមាជិកពីនាក់ក្នុងក្រុមLagacy ផងដោយមិនសូវនឿយហត់។
ពេជ្រសោភា បានផ្តល់បទសម្ភាសដោយឥតលាក់លៀមថា មន្ត្រីទាហាជាន់ខ្ពស់ម្នាក់នោះ ពិតជាមានទំ នាក់ ទំនងមើលចិត្តគ្នាក្នុងន័យស្នេហាជាមួយនាងមែនប៉ុន្តែមិនមែនទើបតែថ្មីៗនេះទេ គឺតាំងពីឆ្នាំ២០០៤មកម្ល៉េះ។ នាងអះអាងថា មូលហេតុដែលនាំឱ្យនាងនិងបុរសនោះ មិនអាចក្លាយជាស្នេហាតាំងពីស្គាល់គ្នាដំបូងនោះគឺមកពីនាងមិនដែលមើលឃើញពីអំពើល្អ របស់គាត់ ហើយគិតថាមិនចង់ភ្ជាប់ស្នេហាជាមួយគ្នាទេ។ ស្របពេលគ្នាដែលនាងបានមើលឃើញការយកចិត្តទុកដាក់របស់លោកប៊ុន ចន ហើយមិនខ្ចីងាកមើលទង្វើល្អរបស់បុរសក្រោយនេះទេ។ ទោះយ៉ាងណានាងអះអាងថា ការបែកបាក់ជាមួយលោក ប៊ុន ចន មិនមែនដោយសាបុរសរៀនចប់ផ្នែកទាហាននៅសហរដ្ឋអាមេរិកម្នាក់នេះឡើយ។ ដ្បិតក្នុងពេលនោះនាងគិតត្រឹមតែការស្គាល់គ្នាធម្មតាៗ។ នាងនិយាយថាគូស្នេហ៍ក្រោយនេះ ពិតជាមានឋានៈជាទាហានមន្ត្រីជាន់ខ្ពស់ដែលមានមុខមាត់ធំនៅក្នុងស្រុកហើយក៏មានតួនាទីជាមន្ត្រីអន្តោប្រវេសន៍មួយផ្សេងទៀតប្រចាំនៅក្នុងព្រលាន យន្តហោះអន្តរជាតិនៅក្នុងសហរដ្ឋអាមេរិកផងដែរ។ប្រសិនបើនាងចង់បង្ហាញមុខនិងលាតត្រដាងអត្ត សញ្ញា ណឱ្យច្បាស់ពីបុរសនេះគឺពិតជាមានមនុស្សភាគច្រើនភ្ញាក់ផ្អើលដោយសារតែលោកគឺជាបុគ្គលដែលមានមុខ មាត់ និងមានឋានៈរួចទៅហើយនៅក្នុងស្រុក។
ទោះយ៉ាងណានាងអះអាងថា រវាងនាងនិងបុរសម្នាក់នេះ ស្ថិតនៅក្នុងដំណាក់កាលសិក្សាចិត្តគ្នានៅឡើយទេ បើទោះជានាងហ៊ានសារភាពថាលោកគឺជាបុរសម្នាក់ដែលជាអនាគតស្វាមីរបស់នាង ប្រសិនបើទំនាក់ទំនងស្អិតរមួតរវាងនាងនិងលោកមិនមានអ្វីខុសពីពេលសព្វថ្ងៃនេះក៏ដោយ។ ពេជ្រសោភាលើកលើកឡើងថា បុរសម្នាក់ក្រោយ ពិតជាស្រលាញ់នាងហើយក្តីស្រ លាញ់នេះគឺមិនមែនមិនមែនមកពីនាងជាតារាល្បីនោះទេ ប៉ុន្តែគឺលោកស្រលាញ់នាងត្រង់នាងមានការតស៊ូតាំងពីក្មេងដើរលក់ទឹកអំពៅ ដើរលក់ខ្ចៅហើយក្លាយជាមនុស្សមានមុខមានមាត់ម្នាក់នៅក្នុងវិស័យសិល្បៈ។ នាងសរសើរថាលោកជាមនុស្សមានអំណាច និងសម្បូរប្រាក់ តែមិនចូលចិត្តជះប្រាក់មកលើគ្រួសារនាងឡើយ ។
លោកមានបំណងសុំនាងភ្ជាប់ពាក្យឆាប់ៗ ប៉ុន្តែមកពីនាងចង់ឱ្យលោកសិក្សាពីចំណុចអវិជ្ជាមានរបស់នាងឱ្យបានយូរបន្តិចសិន។
No comments:
Post a Comment
yes