ក្រុមអ្នកគាំទ្រលោក ម៉ម សូណង់ដូ ដើរក្បួនតវ៉ា និងស្រែកសុំអន្តរាគមន៍ពីព្រះមហាក្សត្រ
ភ្នំពេញ: ក្រុមប្រជាពលរដ្ឋ ដែលគាំទ្រលោក ម៉ម សូណង់ដូ ប្រមាណជាង ១០០នាក់ រួមទាំងក្មេងតូចៗ និងមានការចូលរួមពីប្រជាពលរដ្ឋ មកពីតំបន់បឹងកក់ និងបុរីកីឡា បាននាំគ្នា លុតជង្គង់នៅមុខព្រះបរមរាជវាំង នៅរសៀលថ្ងៃទី១ ខែតុលា ឆ្នាំ២០១២ ដោយលើកដៃសំពះ ស្រែកអំពាវនាវដល់ព្រះករុណា សម្តេចព្រះបរមនាថ នរោត្តម សីហមុនី ទូលអង្វរសូមឲ្យព្រះអង្គ ជួយអន្តរាគមន៍ ទៅតុលាការកម្ពុជា ជួយដោះលែងលោក ម៉ម សូណង់ដូ ពីពន្ធនាគារ។
ក្នុងនោះដែរ ក៏មានការស្នើសុំព្រះរាជអន្តរាគមន៍ពីព្រះមហាក្សត្រ ដោះលែងលោកស្រី យោម បុប្ផា និងសកម្មជនដីធ្លី នៅបុរីកីឡា ផងដែរ។ ការតវ៉ានោះ មិនមានការរំខានពីសមត្ថកិច្ចទេ។
សូមរម្លឹកថា ក្រោយពីតុលាការប្រកាសសាលក្រមផ្តន្ទាទោស លោក ម៉ម សូណង់ដូ ដាក់ពន្ធនាគារ ២០ ឆ្នាំ ក្នុងរឿងដីធ្លី នៅខេត្តក្រចេះ និងបង្កើតតំបន់អបគមន៍ ប្រឆាំងរដ្ឋាភិបាល នៅរសៀលថ្ងៃទី១ ខែតុលា ឆ្នាំ២០១២ ក្រុមពលរដ្ឋអ្នកគាំទ្រលោកម៉មសូណង់ដូ ជាង ១០០ នាក់ បានស្រែកតវ៉ា និងព្យាយាមចូលទៅកាន់តុលាការ។ តែត្រូវប៉ូលិសរារាំង។
ក្នុងនោះដែរ ក៏មានការស្នើសុំព្រះរាជអន្តរាគមន៍ពីព្រះមហាក្សត្រ ដោះលែងលោកស្រី យោម បុប្ផា និងសកម្មជនដីធ្លី នៅបុរីកីឡា ផងដែរ។ ការតវ៉ានោះ មិនមានការរំខានពីសមត្ថកិច្ចទេ។
សូមរម្លឹកថា ក្រោយពីតុលាការប្រកាសសាលក្រមផ្តន្ទាទោស លោក ម៉ម សូណង់ដូ ដាក់ពន្ធនាគារ ២០ ឆ្នាំ ក្នុងរឿងដីធ្លី នៅខេត្តក្រចេះ និងបង្កើតតំបន់អបគមន៍ ប្រឆាំងរដ្ឋាភិបាល នៅរសៀលថ្ងៃទី១ ខែតុលា ឆ្នាំ២០១២ ក្រុមពលរដ្ឋអ្នកគាំទ្រលោកម៉មសូណង់ដូ ជាង ១០០ នាក់ បានស្រែកតវ៉ា និងព្យាយាមចូលទៅកាន់តុលាការ។ តែត្រូវប៉ូលិសរារាំង។
ក្រុមប្រជាពលរដ្ឋ ក៏បានលើកបដាស្រែក ដើរតាមផ្លូវនានា នៅភ្នំពេញ និងបានដាក់ស្នាមមេដៃ ដែលបិទលើបដាក្រមា នៅស្តាតទូតអាមេរិក និងធ្វើដំណើរទៅមុខវាំង ដើម្បីស្វែងរកអន្តរាគមន៍ ដោះលែងលោកម៉មសូណង់ដូ។
អ្នកស្រី អ៊ួន ផាណារី អគ្គលេខាធិការសមាគមអ្នកប្រជាធិបតេយ្យ ដែលបានចូលរួមក្នុងក្បួនតវ៉ា បានថ្លែងថា "យើងដាក់បដាក្រមា ដែលមានស្នាមមេដៃ សុំដោះលែងលោកម៉មសូណង់ដូ នៅស្ថានទូតអាមេរិក ហើយយើងលុតជង្គង់នៅមុខវាំង នារសៀលនេះ ដើម្បីទូលស្នើសុំព្រះមហាក្សត្រ សម្តេចព្រះបរមនាថ នរោត្តម សីហមុនី ឲ្យព្រះអង្គ ជួយអន្តរាគមន៍ ដោះលែងលោកម៉មសូណង់ដូ ព្រោះយើងអត់ទទួលយកបានទេ នូវការកាត់ទោសគាត់ ២០ ឆ្នាំ ដោយឥតមានកំហុស និងមានការប្រកាសទោសច្បាស់លាស់ បែរជាប្រកាសថា គាត់សមគំនិត ក្នុងរឿងដី នៅខេត្តក្រចេះទៅវិញ"។
តំណាងសមគមអ្នកប្រជាធិបតេយ្យ ក៏បានបន្ថែមថា ពលរដ្ឋទាំងក្មេងទាំងចាស់ នៅពេលនេះ បានយំស្រែក និងមិនអាចទទួលយកបានទេ នូវការកាត់ទោសលោកម៉មសូណង់ដូ ២០ឆ្នាំនោះ ពីព្រោះលោកម៉មសូណង់ដូ តែងតែដើរជួយប្រជាពលរដ្ឋ។ គាត់តែងតែ ឲ្យពលរដ្ឋ ដើរផ្លូវល្អ ហើយបែរជាកាត់ទោសគាត់អីចឹងទៅវិញ។ ដូច្នេះគេអត់ទទួលយកបានទេ"។
សូមរមឹ្លកថា ចៅក្រមតុលាការសាលាដំបូងរាជធានីភ្នំពេញ នៅព្រឹកថ្ងៃចន្ទ ទី១ ខែតុលា ឆ្នាំ២០១២ បានប្រកាសសាលក្រម សម្រេចផ្តន្ទាទោសលោក ម៉ម សូណង់ដូ ដាក់ពន្ធនាគារចំនួន ២០ ឆ្នាំ និងពិន័យជាប្រាក់ ១០ លានរៀល ក្នុងរឿងជម្លោះដីធ្លី បង្កើតតំបន់អបគមន៍ ប្រឆាំងរដ្ឋាភិបាល នៅខេត្តក្រចេះ។
សាលក្រមនោះ បានធ្វើឡើង ក្រោយពីសវនាការកាត់ទោសលោកម៉មសូណង់ដូ និងអ្នកពាក់ព័ន្ធសរុបចំនួន ១៣ នាក់ ក្នុងរយៈពេល ៣ ថ្ងៃកន្លះ ចាប់តាំងពីថ្ងៃទី១១ ខែកញ្ញា ឆ្នាំ២០១២។
ដោយឡែកពលរដ្ឋសរុបចំនួន ១២ នាក់ផ្សេងទៀត ក៏ត្រូវបានតុលាការសម្រេចផ្តន្ទាទោស ដាក់ពន្ធនាគារពី ១០ ខែ រហូតដល់ ៥ ឆ្នាំ តែត្រូវព្យួរទោស។ ពោលគឺពលរដ្ឋពាក់ព័ន្ធរឿងដីធ្លីនៅខេត្តក្រចេះ ដែលបានជាប់ឃុំឃាំងជាមួយលោកម៉មសូណង់ដូ ត្រូវបានតុលាការសម្រេចដោះលែងហើយ។
ក្នុងសេចក្តីសម្រេចរបស់តុលាការនៅព្រឹកថ្ងៃចន្ទនេះ ក៏បានផ្តន្ទាទោសពលរដ្ឋ ៣ នាក់ ដែលគេអះអាងថា ជាមេក្លោងនៅតំបន់ជម្លោះដីធ្លី នៅភូមិប្រម៉ា ឃុំកំពង់ដំរី ស្រុកឆ្លូង ខេត្តក្រចេះ ដែលកំពុងគេចខ្លួន រួមមាន ឈ្មោះ ប៊ុនរដ្ឋា ដាក់ពន្ធនាគារ ៣០ ឆ្នាំ។ រីឯឈ្មោះសុខតុង និងប៊ុនឆន តុលាការផ្តន្ទាទោសកំបាំងមុខ ដាក់ពន្ធនាគារ ១៥ ឆ្នាំ។
សាលក្រមរបស់តុលាការផ្តន្ទាទោសលោក ម៉ម សូណង់ដូ នាព្រឹកនេះ លោកស្រីចៅក្រម ចាំង ស៊ីណាត ប្រធានក្រុមប្រឹក្សាជំនុំជម្រះ បានចំណាយពេលជាង ២ ម៉ោង ដើម្បីប្រកាសសេចក្តីសំរេចនោះ។
លោកម៉ម សូណង់ដូ បានចាត់ទុកថា ការសម្រេចរបស់តុលាការ គឺជារឿងអយុត្តិធម៌ ខណៈដែលឆ្មាំពន្ធនាគារ បានព្យាយាមនាំខ្លួន លោកម៉មសូណង់ដូ រុញបញ្ចូលឡាន មិនឲ្យនិយាយជាមួយអ្នកកាសែតឡើយ។
នៅឯក្រៅរបងតុលាការឯណោះវិញ ក្រុមអ្នកគាំទ្រលោកម៉មសូណង់ដូ រាប់រយនាក់ ចាប់តាំងពីព្រឹកព្រលឹមថ្ងៃទី១ ខែតុលា ឆ្នាំ២០១២ បានលើកបដា និងស្រែកទាមទារឲ្យតុលាការ ដោះលែងលោក ម៉ម សូណង់ដូ។ ពលរដ្ឋទាំងនោះ បានប្រមូលផ្តុំនៅវង្វង់នាងគង្ហីង ខណៈដែលប៉ូលិសដាក់របាំងបិទផ្លូវមុខតុលាការ សាលាដំបូងរាជធានីភ្នំពេញ៕
No comments:
Post a Comment
yes