ភ្នំពេញ: ស្ថានទូតអាមេរិកប្រចាំនៅកម្ពុជា បានសម្តែងការខកចិត្តចំពោះសាលក្រមតុលាការក្រុងភ្នំពេញ ដែលបានកាត់ទោសលោកម៉ម សូណង់ដូ អោយជាប់ពន្ធនាគាររយ:ពេល២០ឆ្នាំ។
លោក ហ្សង ម៉ាស៊ីនតូស (Sean J. McIntosh) អ្នកនាំពាក្យស្ថានទូតអាមេរិកប្រចាំនៅប្រទេសកម្ពុជា បានប្រាប់គេហទំព័រ CEN ប៉ុន្មាននាទីមុននេះថា “យើងសម្តែងការខកចិត្ត និងការព្រួយបារម្ភចំពោះសាលក្រមតុលាការក្រុងភ្នំពេញ ដែលបានកាត់ទោសលោកម៉ម សូណង់ដូ អោយជាប់ពន្ធនាគាររយ:ពេល២០ឆ្នាំ”។ លោកបាននិយាយបន្ថែមទៀតថា យើងគាំទ្រយ៉ាងខ្លាំងចំពោះសេរីភាពសារព័ត៌មាន និងការបញ្ចេញទស្សន:នយោបាយដោយគ្មានការភ័យខ្លាច ឬ ក៏គ្មានការធ្វើទុក្ខទោស ការបំភិតបំភ័យ។
លោកបាននិយាយបន្ថែមទៀតថា ករណីរបស់លោកម៉ម សូណង់ដូ នាំអោយមានការចោទសួរអំពីកិច្ចការពារសិទ្ធិមូលដ្ឋានរបស់មនុស្សម្នាក់។ ខណ:ដែលកម្ពុជាបានបោះជំហាទៅមុខ ស្តីពីបញ្ហាសិទ្ធិមនុស្សនោះ ការកាត់មានបញ្ហាដូចជា ករណីម៉ម សូណង់ដូ គំរាមកំហែងការរីកចម្រើនទៅមុខនាពេលអនាគត៕
No comments:
Post a Comment
yes