ពលរដ្ឋមកគោរពព្រះវិញ្ញាណក្ឋន្ធសម្តេចតា យ៉ាងច្រើនកុះករមុខព្រះរាជវាំង
ភ្នំពេញៈ យោងតាមសេចក្តីជូនព័ត៌មានរបស់ក្រសួងការបរទេសកម្ពុជា បានឲ្យដឹងថា ព្រះអង្គម្ចាស់ ហាជិ អាប់ឌុល អាហ្ស៊ីម អ៊ិបនី ( Haji Abdul Azim ibni ) ព្រះរាជបុត្រា ទី២ របស់ព្រះករុណា ស៊ុលតង់នៃប្រទេសព្រុយណេ ដារូសាឡាម នឹងដឹកនាំគណៈប្រតិភូ អញ្ជើញមកគោរព្រះវិញ្ញាណក្ខន្ធ ដោយផ្ទាល់ ចំពោះព្រះមហាវីរក្សត្រ សម្តេចព្រះ នរោត្តម សីហនុ នៅព្រះបរមរាជវាំង នៅថ្ងៃទី២៨ ខែតុលា ឆ្នាំ២០១២ វេលាម៉ោង ១១ និង៣០ នាទីព្រឹក។
ក្នុងសេចក្តីជូនព័ត៌មានដដែល ក៏បានបង្ហាញថា នៅថ្ងៃទី១ ខែវិច្ឆិកា ឆ្នាំ២០១២ វេលាម៉ោង ៥ រសៀល លោកបណ្ឌិត ស៊ូរិន្ទ ពិតសុវណ្ណ អគ្គលេខាធិការអាស៊ាន នឹងអញ្ជើញមកគោរពព្រះវិញ្ញាណក្ខន្ធ របស់សម្តេចព្រះមហាវីរក្សត្រ នៅព្រះបរមរាជវាំង ផងដែរ។
No comments:
Post a Comment
yes