បេក្ខភាពបក្សសាធារណរដ្ឋ លោក មីត រ៉ុមនី (ឆ្វេង) និងលោក បារ៉ាក់ អូបាម៉ា
ថ្លែងក្នុងជំនួបពិភាក្សាដេញដោលលើកចុងក្រោយ
ក្រុងបូការ៉ាតុនៈលោកប្រធានាធិបតីបារ៉ាក់ អូបាម៉ា និងគូប្រជែងនៃគណបក្សសាធារណរដ្ឋលោក មីត រ៉ុមនី បានប៉ះទង្គិចគ្នាជុំវិញកម្លាំងយោធាអាមេរិក និងរបៀបទប់ទល់វិបត្តិនៅមជ្ឈិមបូព៌ា និងសំណើគោលនយោបាយបរទេសរបស់លោកចំពោះរុស្ស៊ីកាលពីថ្ងៃចន្ទក្នុងកិច្ចពិភាក្សាដេញដោលលើកទីបីនិងជាលើកចុងក្រោយ។
ជាមួយឱកាសមួយចុងក្រោយសម្រាប់អ្នកទាំងពីរ ដើម្បីទាក់ទាញ អ្នកបោះឆ្នោតរាប់លាននាក់ដែលកំពុងតែទស្សនាតាមទូរទស្សន៍ លោក អូបាម៉ាជាអ្នកវាយប្រហារតាំងពីការចាប់ផ្តើម។លោកបានរិះគន់បេក្ខភាពបក្សសាធារណរដ្ឋស្តីពីសំណើរបស់លោកស្តីពីមជ្ឈិមបូព៌ា ដោយចំអកចំពោះការអំពាវនាវរបស់លោកឲ្យបន្ថែមនាវាដែលមានពី២៨៥គ្រឿង ដល់ ៣០០គ្រឿង ក្នុងកម្លាំងយោធាអាមេរិកនិងនិយាយថា លោក រ៉ុមនី ចង់នាំអាមេរិកទៅរកគោលជំហរសង្គ្រាមត្រជាក់ដែលគេបោះបង់ចោលហើយ។
លោកអូបាម៉ា បានបញ្ជាក់ថា៖«លោកអភិបាលរដ្ឋយើងក៏មានសេះ និងចំពុះទុងតិចដែរ»។
ដោយពេលមួយប្រកាសថា រុស្ស៊ីគឺជា«សត្រូវភូមិសាស្រ្តនយោបាយ»របស់អាមេរិក លោក អូបាម៉ា បាននិយាយថា បេក្ខជនប្រធានាធិបតីមកពីបក្សសាធារណរដ្ឋរូបនេះ កំពុងព្យាយាមធ្វើឲ្យអាមេរិកត្រឡប់ទៅរកគោលជំហរសង្គ្រាមត្រជាក់វិញ។
ដោយងាកទៅរកលោក រ៉ុមនី ខណៈដែលពួកគេ បានអង្គុយនៅឯតុមួយនៅចំពោះមុខអ្នកសម្របសម្រួលលោក បប់ស្គីហ្វហវើរលោកអូបាម៉ាបាននិយាយាថា៖
«សង្គ្រាមត្រជាក់ បានចប់២០ឆ្នាំហើយ។ នៅពេលវាជាគោលនយោបាយបរទេសលោកហាក់ចង់ប្រើគោលនយោបាយបរទេសក្នុងទសវត្សរ៍ឆ្នាំ១៩៨០»។
លោក រ៉ុមនី បានថ្លែងថា គោលនយោបាយលោកអូបាម៉ា ឆ្ពោះទៅមជ្ឈិមបូព៌ា និងអា្រហ្វិកខាងលិច មិនអាចបញ្ឈប់ការងើបជាថ្មីនូវការគំរាមកំហែងពីក្រុមអាល់កៃ ដាក្នុងតំបន់បានទេ។
លោក រ៉ុមនី បានបញ្ជាក់ថា៖«វាយប្រហារខ្ញុំ មិនមែនជារបៀបវារៈទេ។ វាយប្រហារខ្ញុំ មិនមែនជាវិធីដោះស្រាយបញ្ហាប្រឈមនៅមជ្ឈិមបូព៌ាទេ»។
បេក្ខជនទាំងពីរ បានឯកភាពថា អាមេរិកនឹងការពារអ៊ីស្រាអែលបើអ៊ីរ៉ង់វាយប្រហារសម្ព័ន្ធមិត្តមជ្ឈិមបូព៌ា ប៉ុន្តែលោក រ៉ុមនីនិយាយថា លោកនឹងរឹតបន្តឹងការដាក់ទណ្ឌកម្ម៕
No comments:
Post a Comment
yes