កឹម សុខា ៖ ជ័យជំនះរបស់គណបក្ស សង្គ្រោះជាតិ នៅឆ្នាំ២០១៣ និងរៀបចំសង្គមខ្មែរ ឲ្យទៅជាសង្គមប្រជាធិបតេយ្យពិតប្រាកដ ដើម្បីគេចពីកុំមុយនីសផ្តាច់ការ

លោក កឹម សុខា អនុប្រធានគណបក្ស សង្គ្រោះជាតិ ថ្ងៃអនាគត

ប្រទេសកម្ពុជាដែលគ្រប់គ្រងដោយគណបក្សប្រជាជនកាន់អំណាចសព្វថ្ងៃ ត្រូវបានគេមើល ឃើញថា ជាប្រទេសដែលពោរពេញទៅដោយការរំលោភសិទ្ធិប្រជាពលរដ្ឋ ជាប្រទេសដែលមាន អំពើពុករលួយខ្លាំងតាំងពីថ្នាក់លើរហូតដល់ថ្នាក់ក្រោមនៅគ្រប់ក្រសូង ស្ថាប័ន មន្ទីរ ចំណែកឯ​ប្រព័ន្ធយុត្តិធម៌ក៏មិនឯករាជ្យ អព្យាក្រឹត្តក្នុងការផ្តល់យុត្តិធម៌ជូនប្រជាពលរដ្ឋផងដែរ ។

ប្រព័ន្ធយុត្តិធម៌នៅក្នុងប្រទេសកម្ពុជាសព្វថ្ងៃ បាននិងកំពុងស្ថិតនៅក្រោមសំពាធរបស់អ្នកនយោ បាយ និងអ្នកមានលុយ មានអំណាច ដែលប្រជាពលរដ្ឋជាអ្នកក្រីក្រទុនខ្សោយតែងតែទទួលរង នូវភាពអយុត្តិធម៌ពីស្ថាប័នតុលាការនេះយ៉ាងខ្លាំង ។ ប្រព័ន្ធយុត្តិធម៌ នៅក្នុងប្រទេសកម្ពុជាសព្វ ថ្ងៃបាននិងកំពុងតែធ្វើឲ្យប្រជាពលរដ្ឋគ្មានជំនឿមកលើប្រព័ន្ធនេះសូម្បីតែបន្តិច ហើយនៅពេល ដែលពួកគាត់មានបញ្ហាម្តងៗពួកគាត់តែងតែដោះស្រាយបញ្ហាទាំងអស់នោះដោយខ្លួនឯង មិនពឹងតុលាការឲ្យជួយដោះស្រាយនោះឡើយ ដោយពួកគាត់ដឹងថា ប្រសិនបើពួកគាត់ទៅ​ស្វែងរកយុត្តិធម៌នៅតុលាការក៏គ្មានបានប្រយោជន៏អ្វីដែរ ក្រៅតែពីខាតពេលវេលាអស់ទាំង ប្រាក់​កាស ក្នុងការផ្តល់ឲ្យតុលាការតាមការទាមទាររបស់ពួកគេ មិនតែប៉ុណ្ណោះលទ្ធផលចុង​ក្រោមពួកគាត់នៅតែចាញ់អ្នកមានលុយ មានអំណាចដែលជាឈ្មួញទុច្ចរឹតទាំងអស់នោះដដែល ហើយថែមទាំងមានប្រជាពលរដ្ឋខ្លះត្រូវទទួលរងនូវភាពអយុត្តិធម៌ពីប្រព័ន្ធយុត្តិធម៌នេះ ជាប់ពន្ធ​នាគាររាប់សិបឆ្នាំថែមទៀតផង ។

ដោយសារតែប្រការទាំងអស់នេះហើយ បានធ្វើឲ្យប្រជាពល

រដ្ឋមួយចំនួនធំ ពួកគាត់ត្រូវព្យាយាម ក្នុងការដោះស្រាយបញ្ហានោះដោយខ្លួនឯង ដែលបានធ្វើ

ឲ្យប្រព័ន្ធយុត្តិធម៌ កាន់តែមានបញ្ហាលំបាកទៅខ្លាំងឡើងៗ និងអាក្រក់មើលជាទីបំផុត ។

ជាមួយគ្នានោះសមធម៌ចំពោះគណបក្សនយោបាយនៅក្នុងប្រទេសកម្ពុជា ក៏ដូចគ្នាផងដែរគឺ​គណបក្សប្រឆាំងពុំមានសិទ្ធិគ្រប់គ្រាន់ក្នុងការផ្សព្វផ្សាយពីគោលនយោបាយរបស់ខ្លួននៅក្នុងប្រ ព័ន្ធផ្សព្វផ្សាយរបស់រដ្ឋឡើយ ដែលគណបក្សកាន់អំណាចមានសិទ្ធិដ៏ច្រើនលើសលប់ធ្វើការផ្សព្វ ផ្សាយពីសកម្មភាពរបស់ខ្លួន រួមជាមួយនិងគោលនយោបាយផងដែរ ។ ចំណែកឯនៅតាមបណ្តា ស្ថាននីយន៏វិទ្យុ និងទូរទស្សន៏ឯកជនវិញ ក៏បាននិងកំពុងតែសំរុកក្នុងការជួយផ្សព្វផ្សាយពីសកម្ម ភាពរបស់គណបក្សកាន់អំណាច ហើយក្នុងនោះ គឺមានតែស្ថានីយន៏វិទ្យុតិច​តួបចំផុត​ដែលឯក​រាជ្យ បានចូលរួមក្នុងការផ្សាយពីសកម្មភាព និងគោលនយោបាយ​របស់​គណបក្សប្រឆាំង ។

ហើយបើក្រលែកមកមើលពីប្រព័ន្ធផ្សព្វផ្សាយរបស់គណបក្សប្រឆាំងគឺមានតែពីរបណ្តា ស្ថា​នីយន៏វិទ្យុតែប៉ុណ្ណោះ ដែលជួលម៉ោងផ្សាយឲ្យគណបក្សប្រឆាំងក្នុងនោះ​គឺស្ថានីយន៏វិទ្យុ​សំបុក​ឃ្មុំ FM 1025 MHz និងស្ថានីយន៏វិទ្យុមហានគរ FM 93.5 MHz ដែលម៉ោងផ្សាយរបស់ គណបក្ស​ប្រឆាំងគឺគណបក្ស សង្គ្រោះជាតិ ក្នុងកម្មវិធី សម្លេងសង្គ្រោះជាតិ គឺមានការផ្សាយក្នុងមួយថ្ងៃ​ចំនួន៤ម៉ោងដែលនៅវិទ្យុសំបុកឃ្មុំ FM 105 MHz ផ្សាយចាប់ពីម៉ោង១២ថ្ងៃត្រង់ ដល់​ម៉ោង២រៀល និងនៅម៉ោង៦ល្ងាចដល់ម៉ោង៧យប់ និងនៅវិទ្យុមហានគរ FM 93.5 MHz ផ្សាយ នៅម៉ោង៦​ល្ងាច​ដល់ម៉ោង៧យប់ផងដែរ មានន័យថាសកម្មភាពនៃការផ្សព្វផ្សាយពីគោលនយោបាយ​របស់​គណបក្ស សង្គ្រោះជាតិ មួយថ្ងៃមានចំនួនតែ៤ម៉ោងតែប៉ុណ្ណោះ ដែលជាចំនួនមួយដ៏តិចបំផុត បើគិតពីកម្រិតផ្សព្វផ្សាយរបស់គណបក្សកាន់អំណាចនោះ ។ មូលហេតុ បានជា​គណបក្ស​កាន់​អំណាចមិនព្រមផ្តល់កំរិតផ្សាយឲ្យគណបក្សប្រឆាំងច្រើនជាងនោះ ព្រោះពួកគេ​ចង់បិទ​បាំងនូវ​អ្វីដែលជាអំពើរបស់ពួកគេ ដែលបានធ្វើមកលើប្រជាពលរដ្ឋ តាំងពីអតីតកាលដ៏ដូចជានៅពេល​បច្ចុប្បន្នកាល តែប្រសិនបើគណបក្សកាន់អំណាចចិត្តស៊ឿងព្រមឲ្យគណបក្ស សង្គ្រោះជាតិ មានស្ថានីយន៏វិទ្យុ និងទូរទស្សន៏ដោយឯករាជ្យខ្លួនឯកមួយៗវិញ គឺគណបក្សប្រជាជនខ្លួន និង​ចាញ់ដោយគ្មានអ្នកបង្ខំ និងរុញនោះឡើយ ។

គណបក្សកាន់អំណាចសព្វថ្ងៃ បានយកប្រព័ន្ធផ្សព្វផ្សាយនេះមកធ្វើការវាយប្រហាមកលើគណ បក្សប្រឆាំងយ៉ាងចាស់ដៃមួយថ្ងៃវាល់ល្ងាច និងមួយចប់ទល់ភ្លឺ ក្នុងនោះគណៈកម្មាធិការជាតិរៀប ចំការបោះឆ្នោត ក៏បាននិងកំពុងចូលដៃជើងជាមួយគណបក្សប្រជាជនយ៉ាងខ្លាំងក្នុងការធ្វើយ៉ាង ណាឲ្យគណបក្សប្រជាជនឈ្នះឆ្នោតជានិច្ច ដែលមានដូចជាការបង្ករបញ្ហាស្មុកស្មាញដល់​ប្រជា​ពលរដ្ឋដែលជាម្ចាស់ឆ្នោតនៅពេលបោះឆ្នោតម្តង ក៏ដូចជានៅពេលឃោសនាពីសារនយោ បាយ​របស់គណបក្សនយោបាយ ប្រសិនបើខាងគណបក្សប្រឆាំងផលិតសារណាមួយក្នុងពេល ឃោស​នាបោះឆ្នោតដែលបង្ហាញពីទង្វើអាក្រក់របស់គណបក្សកាន់អំណាច ដែលគេគិត​ថា​និង​ធ្វើ​ឲ្យ​បាត់ប្រជាប្រិយភាពរបស់គណបក្សប្រជាជន គេនិងឲ្យផ្លាស់ប្តូរភ្លាម ដែលនេះហើយបង្ហាញឲ្យ​ឃើញថា គណៈកម្មាធិការជាតិរៀបចំការបោះឆ្នោត គឺជាអាយ៉ងរបស់គណបក្សប្រជាជនយ៉ាង ពេញទី ។

ចំពោះបញ្ហាទាំងអស់នេះ ថ្នាក់ដឹកនាំរបស់គណបក្ស សង្គ្រោះជាតិ បានទាមទារ​ឲ្យមានការ​ផ្លាស់​ប្តូរសមាសភាពគណៈកម្មាធិការជាតិរៀបចំការបោះឆ្នោតជាដាច់ខាត ហើយប្រសិនបើពុំមានការ ផ្លាស់បន្តូរសមាសភាពគណៈកម្មាធិការជាតិរៀបចំការបោះឆ្នោតទេ គណបក្ស សង្គ្រោះជាតិ និង មិនចូលរួមក្នុងការបោះឆ្នោតជាតិអាណត្តិទី៥ឡើយ ។ ក្នុងនោះនៅថ្ងៃប្រជុំរដ្ឋសភាថ្ងៃទី១១ ខែតុ លា ឆ្នាំ២០១២នេះ ដើម្បីសម្រេចសមាសភាពគណៈកម្មាធិការជាតិរៀបចំការបោះឆ្នោត សម្រាប់​អាណត្តិទី៥នោះ ក៏តំណាងរាស្រ្តគណបក្ស សម រង្ស៊ី និងគណបក្ស​ សិទ្ធិមនុស្ស បានសម្រេច​ហើយថាគណបក្ស​ទាំងពីនិងធ្វើពហិការមិនចូលរួមប្រជុំសម្រេចសមាសភាពគណៈកម្មាធិការ​ជាតិរៀបចំការបោះឆ្នោតឡើយ ព្រោះដោយហេតុថាសមាសភាពគឺមិនមានការផ្លាស់ប្តូរ ។

តែគេរំពឹងថា នៅក្នុងពេលដ៏ខ្លីខាងមុខនេះ គ.ជ.ប ដាច់ខាតត្រូវតែផ្លាស់ផ្តូរ ដោយសារតែអន្តរាគ​មន៏របស់អន្តរជាតិ ព្រោះគេមិនអនុញ្ញាតឲ្យប្រទេសកម្ពុជាការបោះឆ្នោតប្រព្រឹត្តទៅដោយគ្មាន​យុត្តិធម៌ បែបនេះតទៅទៀតទេ ។ ហើយប្រសិនបើយ៉ាងដូច្នោះមែន គណបក្ស សង្គ្រោះជាតិ មួយរយភាករយ និងទទួលបានជ័យជំនះលើការបោះឆ្នោតជាក់ជាមិនខានឡើយ ហើយ​ជ័យ​ជំ​នះ​របស់គណបក្ស សង្គ្រោះជាតិ នៅពេលនេះគឺជាជ័យជំនះរបស់ប្រជាពលរដ្ឋខ្មែរគ្រប់រូប និង​ប្រទេសជាតិរបស់យើង ។

លោក កឹម សុខា អនុប្រធានគណបក្ស សង្គ្រោះជាតិ នៅថ្ងៃដ៏ខ្លីខាងមុខនេះបានមានប្រសាសន៏ ថា ជ័យជំនះរបស់គណបក្ស​ សង្គ្រោះជាតិ នៅឆ្នាំ២០១៣ និងធ្វើការរៀបចំសង្គមខ្មែរមួយឲ្យទៅ ជាសង្គមប្រជាធិបតេយ្យពិតប្រាកដ ហើយក្នុងនោះក៏ធានាឲ្យប្រជាពលរដ្ឋមានសិទ្ធិពេញលេញ ផងដែរ ធានាស្ថាប័នជាតិមានតុល្យភាពអំណាច ធានាថាប្រជាពលរដ្ឋខ្មែរគ្រប់រូបទទួលបាន សមធម៌ខាងនយោបាយ សមធម៌ខាងសេដ្ឋកិច្ច សមធម៌ខាងសង្គមកិច្ច ។ លោក កឹម សុខា បន្ត ថា សមធម៌ខាងនយោបាយ សមធម៌ខាងសេដ្ឋកិច្ច សមធម៌ខាងសង្គមកិច្ច ដែលជាភាពស្មើរគ្នា នេះគឺជាដំណើរនៃលទ្ធិប្រជាធិបតេយ្យ គេចឲ្យផុតអំពីកុំមុយនីស និងអំពើផ្តាច់ការ ។ ព្រោះថា ប្រសិនបើយើងមិនរៀបចំឲ្យមានសមធម៌ខាងនយោបាយទេ គឺមានន័យថា អំណាចផ្តាច់ការ និង មកដល់ ហើយបើយើងមិនធ្វើឲ្យមានសមធម៌ខាងសេដ្ខកិច្ចទេ ការគេងប្រវ័ញ្ញ អំពើពុករលួយវា និងមកដល់ហើយភាពក្រីក្ររបស់ប្រជាពលរដ្ឋនិងធ្លាក់មក ដែលធ្វើឲ្យប្រទេសរបស់យើងមាន​បញ្ហាកាន់តែខ្លាំងឡើងៗ ។

ដូច្នេះគណបក្ស សង្គ្រោះជាតិ គឺសង្គ្រោះឲ្យផុតពីអំណាចផ្តាច់ការ  សង្គ្រោះឲ្យផុតពីភាពក្រីក្រ

រ​បស់​ប្រជាពល​រដ្ឋដែលរកទីបញ្ចប់គ្មាន វត្តមានរបស់គណបក្ស សង្គ្រោះជាតិ នៅលើឆាកនយោ បាយរបស់ប្រទេសកម្ពុជាគឺចាំបាច់បំផុត រួមជាមួយនិងវត្តមានរបស់ប្រធានគណបក្ស សង្គ្រោះ​ជាតិ ផងដែរគឺលោក សម រង្ស៊ី ៕