ប្រភពពីសមត្ថកិច្ចមួយចំនួន បានឱ្យដឹងថា តាមការកត់សម្គាល់ ក្រោយរដូវបុណ្យភ្ជុំបិណ្ឌកន្លង មកនេះ ទំនិញគេចពន្ធសព្វសារ ពើកំពុងតែហូរចូលតាមច្រកកំពង់ ផែទំនប់រលក និងផែឯកជនតូចៗ មួយចំនួននៅក្នុងតំបន់នេះ ។ ច្រក កំពង់ផែទំនប់រលក និងផែឯកជន មួយចំនួនកំពុងតែក្លាយទៅជា កន្លែងដែលមន្ដ្រី និងសមត្ថកិច្ចពាក់ព័ន្ធប្រមូលផលប្រយោជន៍ ដាក់ហោប៉ៅរបស់ខ្លួនដោយគ្មាន ខ្លាចក្រែងអ្វីទាំងអស់ ហើយធ្វើ ឱ្យរដ្ឋបាត់បង់ចំណូលពន្ធយ៉ាងច្រើនសន្ធឹកសន្ធាប់ក្នុងមួយខែៗ។សមត្ថកិច្ចពាក់ព័ន្ធនៅច្រកទំនប់ រលកមិនអើពើចំពោះការទប់ស្កាត់ បទល្មើសនាំចូលទំនិញគេចពន្ធ យ៉ាងអនាធិបតេយ្យនោះទេ ផ្ទុយ ទៅវិញពួកគេគឺជាអ្នកបើកភ្លើង ខៀវឱ្យឈ្មួញនាំទំនិញគេចពន្ធ ចូលទាំងយប់ទាំងថ្ងៃ រួចហើយ បែងចែកផលប្រយោជន៍មាន លក្ខណៈជាប្រព័ន្ធតែម្ដង ។
សេចក្ដីរាយការណ៍ពីសមត្ថ កិច្ចតូចតាចនៅខេត្ដព្រះសីហនុ បានឱ្យដឹងថា ទំនិញគេចពន្ធភាគ ច្រើននាំចូលតាមច្រកផែថ្ម គឺច្រក កំពង់ផែស្វយ័តខេត្ដព្រះសីហនុ និងច្រកកំពង់ផែទំនប់រលកដែល ជាតំបន់សេដ្ឋកិច្ចពិសេស ព្រម ទាំងច្រករបៀងផែឯកជនមួយ ចំនួនទៀត ។ ប្រភពបានឱ្យដឹង ទៀតថា ឈ្មួញធំៗជាច្រើនសុទ្ធ តែបានអះអាងថា ទំនិញដែលនាំ ចូលតាមច្រកកំពង់ផែខេត្ដព្រះ សីហនុ គឺជាទំនិញគេចពន្ធនាំចូល ពីបណ្ដាប្រទេសនានា ដូចជាប្រ ទេសសៀម សិង្ហបុរី ម៉ាឡេស៊ី ចិន និងអាមេរិកជាដើម ។ ច្រកកំពង់ ផែ ដែលមានទំនិញគេចពន្ធហូរ ចូលច្រើនជាងគេ គឺច្រកសេដ្ឋកិច្ច ពិសេសកំពង់ផែទំនប់រលក ដែល មានលោក ឡូ តឹកប៊ុន ហើយ ទុយ ជាមេនគរបាលអន្ដោប្រ វេសន៍ប្រចាំច្រកនេះ ។ ចំណែក លោក យូ ចាន់ណា ជាដៃស្ដាំ របស់លោក ប្រាក់ ស៊ីហារ៉ា អភិ បាលរងខេត្ដព្រះសីហនុ ដែលជា ប្រធានស្នាក់ការច្រកកំពង់ផែ ទំនប់រលក ក៏ជាប់ឈ្មោះជាជន ពុករលួយឃុបឃិតបើកដៃឱ្យ ឈ្មួញនាំទំនិញគេចពន្ធចូលស្រុក ខ្មែរយ៉ាងពេញបន្ទុកដែរ ។
ប្រភពពីក្រុមឈ្មួញមួយចំនួន បានឱ្យដឹងថា ពួកគេអាចនាំទំនិញ គេចពន្ធចូលតាមច្រកកំពង់ផែ ទំនប់រលក ដែលជាតំបន់សេដ្ឋកិច្ច ពិសេស គឺដោយសារមានការ ឃុបឃិតជាមួយ ឡូ តឹកប៊ុន ហៅ ទុយ មេនគរបាលអន្ដោប្រវេសន៍ និងលោក យូ ចាន់ណា ដែលជា ប្រធានស្នាក់ការច្រកកំពង់ផែ ទំនប់រលកតែម្ដង ។ ឧបមាថា ពួកគេនាំទំនិញចូល១០០កុងតឺន័រ គឺគេបង់ពន្ធតែប្រមាណ៣០ភាគ រយប៉ុណ្ណោះ ក្រៅពីនេះគឺឃុប ឃិតគ្នាជាមួយសមត្ថកិច្ចពាក់ព័ន្ធ ពីគ្រប់ស្ថាប័ន ដោយបង់លុយប្រ ចាំខែ ឬប្រចាំក្បាលរថយន្ដទៅ ឱ្យសមត្ថកិច្ចពាក់ព័ន្ធ ។ ហេតុ នេះហើយទើបអ្វីៗអាចប្រព្រឹត្ដ ទៅដោយរលូនគ្មានឧបសគ្គអ្វី ទាំងអស់ ព្រោះសមត្ថកិច្ចប្រចាំ ច្រកកំពង់ផែ ដូចជាប្រធានស្នាក់ ការ មេនគរបាលអន្ដោប្រវេសន៍ នគរបាលសេដ្ឋកិច្ច និងសមត្ថកិច្ច កាំកុងត្រូលជាដើម មានការឃុប ឃិតគ្នាប្រព្រឹត្ដអំពើពុករលួយមាន លក្ខណៈជាប្រព័ន្ធ ។
ប្រភពពីសមត្ថកិច្ចតូចតាចបាន ឱ្យដឹងទៀតថា លោក ឡូ តឹកប៊ុន មេនគរបាលអន្ដោប្រវេសន៍ច្រក កំពង់ផែទំនប់រលក និងលោក យូ ចាន់ណា ប្រធានស្នាក់ការច្រក កំពង់ផែទំនប់រលក ដែលជាមន្ដ្រី អាជ្ញាធរកំពុងតែគ្រប់ទឹកក្នុងការ ប្រមូលផលប្រយោជន៍ពីក្រុម ឈ្មួញនាំចូលទំនិញគេចពន្ធ ។ ជា ការពិតក្រុមឈ្មួញនាំទំនិញចូល តាមច្រកកំពង់ផែតំបន់សេដ្ឋកិច្ច ទំនប់រលកយ៉ាងច្រើនសន្ធឹកសន្ធាប់ ជារៀងរាល់ថ្ងៃ ហើយពួកគេបង់ ពន្ធតែប្រមាណ១០ភាគរយ ប៉ុណ្ណោះ ក្រៅពីនេះគឺពួកគេឃុប ឃិតគ្នាជាមួយសមត្ថកិច្ចកេងបន្លំ ពន្ធរដ្ឋយ៉ាងគឃ្លើន ។ រហូតមក ដល់ពេលនេះលោក យូ ចាន់ណា ធ្វើអ្វីៗស្រេចតែអំពើចិត្ដដោយ អាងលោក ប្រាក់ ស៊ីហារ៉ា អភិ បាលរងខេត្ដព្រះសីហនុជាខ្នង បង្អែករបស់ខ្លួន ហើយប្រមូល ផលប្រយោជន៍បែងចែកទៅឱ្យ មេៗខាងលើតាមលំដាប់លំដោយ យ៉ាងក្រអឺតក្រទម ។
មជ្ឈដ្ឋានមន្ដ្រីរាជការ និងប្រ ជាពលរដ្ឋបានរិះគន់ថា ក្នុងនាម ជាប្រធានស្នាក់ការច្រកកំពង់ផែ តំបន់សេដ្ឋកិច្ចទំនប់រលក លោក យូ ចាន់ណា មិនបានចាត់វិធាន ការទប់ស្កាត់ទំនិញគេចពន្ធដែល ឈ្មួញនាំចូលយ៉ាងពេញបន្ទុក នោះទេ ហើយបែរជាយកតួនាទី របស់ខ្លួនទៅរាប់ក្បាលទូក ក្បាល កាណូត ក្បាលកប៉ាល់ដឹកទំនិញ និងក្បាលរថយន្ដកុងតឺន័រដើម្បី យកលុយពីឈ្មួញទៅវិញ ។ បុគ្គល យូ ចាន់ណា បានឃុបឃិតជាមួយ សមត្ថកិច្ចពាក់ព័ន្ធដទៃទៀត ជា ពិសេសជាមួយលោក ឡូ តឹកប៊ុន មេនគរបាលអន្ដោប្រវេសន៍ច្រក កំពង់ផែទំនប់រលក ដើម្បីប្រមូល លុយពីក្រុមឈ្មួញនាំទំនិញគេច ពន្ធចូលស្រុកខ្មែរ ហើយគ្មានឈ្មួញ ណាដែលហ៊ានគេចវេះមិនបង់ លុយឱ្យលោក យូ ចាន់ណា នោះ ទេ ។ ដូច្នេះលោក ឱម យ៉ិនទៀង ប្រធានអង្គភាពប្រឆាំងអំពើពុក រលួយគួរតែពិនិត្យមើលសកម្ម ភាពរបស់លោក យូ ចាន់ណា ប្រ ធានស្នាក់ការច្រកកំពង់ផែតំបន់ សេដ្ឋកិច្ចពិសេសទំនប់រលកជា បន្ទាន់ ព្រោះអំពើពុករលួយរបស់ ជននេះបានធ្វើឱ្យបាត់បង់ប្រាក់ ចំណូលពន្ធរដ្ឋយ៉ាងច្រើនសន្ធឹក សន្ធាប់ក្នុងមួយខែៗ ៕
No comments:
Post a Comment
yes