ក្រុងបាងកកៈ រដ្ឋាភិបាលថៃ បានគេចផុតពីការបោះឆ្នោតសម្តែងការមិនទុកចិត្តមួយ ប៉ុន្មានថ្ងៃបន្ទាប់ពីការប៉ះទង្គិចគ្នានៅក្នុងរាជធានីនេះ រវាងក្រុមអ្នកតវ៉ា និងក្រុមប៉ូលិសប្រឆាំងកុបកម្ម នៅក្នុងការធ្វើបាតុកម្មធំបំផុតប្រឆាំងនឹងរដ្ឋការអាយុ១៦ខែរបស់នាយករដ្ឋមន្ត្រី លោកស្រីយីងឡាក់ ស៊ីណាវ៉ាត់។
ប៉ុន្តែនាយករដ្ឋមន្ត្រីដែលគេបណ្តេញចេញពីអំណាច ត្រូវជាបងប្រុស លោកថាក់ស៊ីន ស៊ីណាវ៉ាត់ បានសម្តែងការមិនពេញចិត្តនឹងប្រធានសភា និងអនុប្រធានសភាសម្រាប់ការបង្ហាញសមត្ថភាពនៅក្នុងការដេញដោលសម្តែងការមិនទុកចិត្តនោះទេ ថ្វីបើលោកស្រីយីងឡាក់ និងគណរដ្ឋមន្ត្រីថៃ បានគេចផុតពីការបោះឆ្នោតនៅដោយងាយស្រួលក្តី។
យោងតាមប្រភពគណបក្សជាច្រើនឲ្យដឹងថាលោកថាក់ស៊ីន បាននិយាយថា ក្រុមអ្នកតំណាងបក្សភឿថៃ ដែលបានចូលរួមក្នុងការពិភាក្សាដេញដោលនេះគឺខ្សោយពេក ជាពិសេសនៅពេលដែលតំណាងរាស្ត្របក្សប្រជាធិបតេយ្យ លោកជូរីន ឡាក់សាណាវីស៊ីត បានបូកសរុបរាល់ការចោទប្រកាន់របស់បក្សប្រឆាំងកាលពីរាត្រីថ្ងៃអង្គារ។
ក្រុមតំណាងរាស្ត្របក្សភឿថៃជាច្រើន ក៏បានបង្ហាញការយល់ស្របជាមួយការរិះគន់លោកថាក់ស៊ីនតាមប្រព័ន្ធទូរស័ព្ទផ្កាយរណប Skype ផងដែរ។
ក្រុមអ្នកធ្វើច្បាប់ថៃ បានបោះឆ្នោតក្នុងសម្លេង៣០៨ទល់នឹង១៥៩កាលពីថ្ងៃពុធ ដើម្បីឲ្យលោកស្រីយីងឡាក់នៅបន្តកាន់អំណាច បន្ទាប់បីក្រុមប្រាំងបានចោទប្រកាន់លោកស្រីពីបទបរាជ័យមិនបង្ក្រាបលើអំពើពុករលួយ។ ឧបនាយករដ្ឋមន្ត្រីមួយរូប និងរដ្ឋមន្ត្រីពីររូបទៀត ក៏បានគេចផុតពីការបោះឆ្នោតសម្តែងការមិនទុកចិត្តនោះដែរ។
No comments:
Post a Comment
yes