ថ្នាក់ដឹកនាំចលនាប្រជាធិបតេយ្យសង្គ្រោះជាតិចុះជួបពលរដ្ឋខេត្តសៀមរាបនិងខេត្តបន្ទាយមានជ័យព្រមទាំងធ្វើពិធីលើកស្លាកសញ្ញារបស់គណបក្សសង្គ្រោះជាតិផងដែរ

ថ្នាក់ដឹកនាំចលនាប្រជាធិបតេយ្យសង្គ្រោះជាតិខេត្តសៀមរាប កាលពីថ្ងៃទី២១ ខែមករា ឆ្នាំ២០​១៣ បានរៀបចំពីធីជួបសំណេះសំណាលជាមួយប្រជាពលរដ្ឋពេលព្រឹកនៅភូមិតាស្នេហ៏ ឃុំដូនកែវ ស្រុកពួក និងនៅពេលរសៀលនៅភូមិខ្នាត ឃុំខ្នាត ស្រុកពួក បន្ទាប់មកថ្នាក់ដឹកនាំ ចលនាប្រជាធិបតេយ្យសង្គ្រោះជាតិ បានបន្តតំណើរអញ្ជើញទៅជួបសំណេះសំណាល និង​សួរសុខទុក្ខប្រជាពលរដ្ឋបន្តទៀតនៅភូមិគីរីមានន្ទ សង្កាត់អំពិល ក្រុងសៀមរាប ដែលនៅក្នុង កម្មវិធីទាំងបីខាងលើនេះមានការអញ្ជើញចូលរួមជាអធិបតីភាពពីសំណាក់លោកស្រី កែ សុវណ្ណ​​រតន៏ ព្រមទាំងថ្នាក់ដឹកនាំចលនាប្រជាធិបតេយ្យសង្គ្រោះជាតិខេត្ត និងស្រុកមួយ​ចំនួន​ទៀតផងដែរ ។

សូមជំរាបថានៅក្នុងកម្មវិធីនោះលោកស្រី កែ សុវណ្ណរតន៏ បានលើកឡើងបញ្ហាដែលបងប្អូន​ប្រពលរដ្ឋកំពុងតែប្រឈមមកធ្វើការពន្យល់ឲ្យពួកគាត់បានដឹង ដែលរដ្ឋាភិបាលសព្វថ្ងៃគ្មាន សម្ថភាពក្នុងការដោះស្រាយជួនប្រជាពលរដ្ឋ តែចាប់ពីខែសីហា ឆ្នាំ២០១៣នេះទៅ រដ្ឋាភិ​បាលថ្មីដែលដឹកនាំដោយគណបក្ស សង្គ្រោះជាតិ និងធ្វើការដោះស្រាយបញ្ហាទាំងនេះ​ជូន​ប្រជាពលរដ្ឋឲ្យមានប្រសិទ្ធភាពបំផុត ។

ចំណែកឯនៅថ្ងៃទី២២ ខែមករា ឆ្នាំ២០១៣ ថ្នាក់ដឹកនាំចលនាប្រជាធិបតេយ្យសង្គ្រោះជាតិ ខេត្តសៀមរាប ក៏បានរៀបចំពីធីជួបជាមួយនិងមហាជនផងដែរ ពេលព្រឹកនៅភូមិភូមិបន្ទាយ​ស្រី ឃុំខ្នាសណ្តាយ ស្រុកបន្ទាយស្រី ហើយនៅពេលរសៀលកម្មវិធីបានប្រារព្វធ្វើនៅ​ភូមិ​ត្រពាំងសេះ សង្កាត់គោកចក ក្រុងសៀមរាប ក្រោមអធិបតីភាពរបស់លោកប្រធាន កឹម សុខា អនុប្រធានចលនាប្រជាធិបតេយ្យសង្គ្រោះជាតិ នៅក្នុងកម្មវិធីនោះលោកប្រធាន កឹម សុខា បានលើកឡើងដោយធ្វើការផ្តោតអារម្ភចំពោះអាជ្ញាធរអប្សរា ដែលបានធ្វើការហាមឃាត់​ប្រ​ជា​ពលរដ្ឋមិនឲ្យសង់លំនៅដ្ឋាន ឬធ្វើការជួសជុលផ្ទះសម្បែងរបស់ពួកគាត់ តែអ្នក​មាន​អំណា​ច គឺគេមានសិទ្ធិក្នុងការធ្វើគ្រប់បែបយ៉ាង ជាពិសេសគឺនៅឃុំខ្នាសណ្តាយ ស្រុក​បន្ទាយស្រី​នោះ​តែម្តង ។

ជាមួយគ្នានោះផងដែរលោកប្រធាន កឹម សុខា ក៏បានលើកឡើងពីបញ្ហាជំលោះដីធ្លីរវាងប្រ​ជាពលរដ្ឋស្លូតត្រង់ជាមួយនិងមន្រ្តីមានលុយមានអំណាច​និងឈ្មួញទុច្ចរឹតខិលខូចផងដែរ ដែលបានរំលោភប្លន់យកដីប្រជាពលរដ្ឋទាំងភ្នែកស្រស់ លោកថានៅពេលដែលគណបក្ស សង្គ្រោះជាតិ ឈ្នះលើការបោះឆ្នោតឆ្នាំ២០១៣នេះ គណបក្ស សង្គ្រោះជាតិ និងធ្វើការសើរើ ឡើងវិញ ហើយក៏និងប្រគល់សងដីធ្លីរបស់ប្រជាពលរដ្ឋដែលត្រូវបានមន្រ្តីខិលខូច ឈ្មួញ​ទុច្ច​រឹត​ទាំងនោះរំលោភយក ធ្វើការប្រគល់សងប្រជាពលរដ្ឋវិញទាំងអស់ផងដែរ ។ រួមជា​មួយ​និង​សារនយោបាយរបស់គណបក្ស សង្គ្រោះជាតិ មួយចំនួនទៀតដែលជាអទិភាពលោកប្រធាន កឹម សុខា បានធ្វើការជំរាបជូនប្រជាពលរដ្ឋឲ្យពួកគាត់បានដឹង ដែលមានចំនួន៥ចំណុចសំ​ខាន់ៗដែលគណបក្ស សង្គ្រោះជាតិ និងធ្វើការដោះស្រាយជាបន្ទាន់បន្ទាប់ពីរដ្ឋាភិបាល​សង្គ្រោះជាតិចូលកាន់តំណែងហើយនោះ ។

ចំណែកឯនៅខេត្តបន្ទាយមានជ័យឯនោះវិញ កាលពីថ្ងៃទី២០ ខែមករា ឆ្នាំ២០១៣ថ្នាក់ដឹក​នាំ​ចលនាប្រជាធិបតេយ្យសង្គ្រោះជាតិខេត្តបន្ទាយមានជ័យ ដែលដឹកនាំដោយលោក ឡុង រី ជា​ប្រធានពេលព្រឹកបានធ្វើពិធីលើកស្លាកគណបក្ស សង្គ្រោះជាតិ នៅទីស្នាក់ការគណបក្សខេត្ត ហើយនៅពេលរសៀលលោក ឡុង រី បានដឹកនាំក្រុមការងារចុះជួបសំណេះសំ​ណាលជាមួយ​ប្រជាពលរដ្ឋនៅភូមិគាប សង្កាត់ទឹកថ្លា ក្រុងសេរីសោភ័ណ្ឌ រួចបន្តតំណើរទៅ ចុះជួបសំណេះ​សំ​ណាលជាមួយប្រជាពលរដ្ឋនៅភូមិអូអំបិល សង្កាត់អូរអំបិល ក្រុងសេរីសោភ័ណ្ឌ ។

រីឯនៅថ្ងៃទី២១ ខែមករា ឆ្នាំ២០១៣ លោក ឡុង រី ប្រធានក្រុមការងារចលនាប្រជាធិបតេយ្យ​

សង្គ្រោះជាតិ ខេត្ត​បន្ទាយមានជ័យបានដឹកនាំក្រុមការងារខេត្តហើយនិងស្រុក​ចុះជួប​សំ​ណេះ​សំណាលជាមួយប្រជាពលរដ្ឋពេលព្រឹកនៅភូមិថ្នល់បត់ ឃុំថ្មពួក ស្រុកថ្មពួក នៅពេល​រសៀល​ចុះជួបសំណេះសំណាលជាមួយប្រជាពលរដ្ឋនៅភូមិស្រែល្អ ឃុំគោករមៀត ស្រុក​ថ្មពួក ហើយនៅថ្ងៃទី២២ ខែមករា ឆ្នាំ២០១៣ លោក ឡុង រី ដែលជាប្រធានក្រុមការងារ​ចល​នា​ប្រជាធិបតេយ្យសង្គ្រោះជាតិខេត្តបន្ទាយមានជ័យ បានបន្តសកម្មភាពដឹកនាំ ថ្នាក់ដឹក​នាំ​ចល​នាប្រជាធិបតេ​យ្យ​សង្គ្រោះជាតិខេត្ត និងស្រុកទៅចុះជួបសំណេះសំណាល​សួរសុខទុក្ខ​ប្រជាពលរដ្ឋពេលព្រឹក​នៅភូមិក្បាលក្របី ឃុំបន្ទាយឆ្មារ ស្រុកថ្មពួក ហើយនៅពេលរសៀល​លោក ឡុង រី ក៏បានដឹកនាំ ក្រុមការងារចុះទៅជួបសំណេះសំណាលជាមួយប្រជាពល​រដ្ឋនៅ​ភូមិថ្មី ឃុំថ្មី ស្រុកថ្មពួក រួចបន្តដំណើរទៅជួបជាមួយប្រជាពលរដ្ឋនៅភូមិជន្លាសដៃ ឃុំគោក​កឋិន ស្រុកថ្មពួកផងដែរ ។

ចំណែកឯនៅថ្ងែទី២២ ខែមករា ឆ្នាំ២០១៣នោះផងដែរ លោក អ៊ូ ច័ន្ទរ័ត្ន អនុប្រធានក្រុមការ ងារចលនាប្រជាធិបតេយ្យសង្គ្រោះជាតិ ព្រមជាមួយនិងថ្នាក់ដឹកនាំខេត្តហើយនិងស្រុកមួយ ចំនួនទៀតបានធ្វើតំណើរចុះទៅជួបសំណេះសំណាលជាមួយប្រជាពលរដ្ឋពេលព្រឹកនៅភូមិម៉ៅ ឃុំសឿ ស្រុកមង្គលបូរី នៅពេលរសៀលនៅភូមិផ្លូវដំរីលើ ឃុំសឿ ស្រុកមង្គលដំរី ហើយ​បន្តតំណើរទៅជួបសំណេះសំណាលជាមួយប្រជាពលរដ្ឋនៅភូមិដំរីក្រោម ឃុំសឿ ស្រុកមង្គល បូរីផងដែរ ។

ទាំងនេះបញ្ជាក់ឲ្យឃើញថា ក្រុមការងារចលនាប្រជាធិបតេយ្យសង្គ្រោះជាតិ គ្រប់ខេត្តនៅទូ ទាំងប្រទេសជារៀងរាល់ថ្ងៃគ្មានពេលទំនេរនោះឡើយ គឺបានធ្វើតំណើរទៅគ្រប់ច្រកល្ហក​ដើម្បីចុះជួបសំណេះសំណាលជាមួយប្រជាពលរដ្ឋ ក៏ដូចជាធ្វើការផ្សាព្វផ្សាយពីសារនយោ បាយដល់ពលរដ្ឋឲ្យពួកគាត់បានជ្រាប ក៏ដូចជាការលើកស្លាកគណបក្សផងដែរ ព្រោះថាការ​បោះឆ្នោតជាតិអាណត្តិទី៥ក៏កាន់តែខិតជិតចូលមកដល់ផងដែរ ។ 

តាមរយៈសកម្មភាពរបស់ ថ្នាក់ដឹកនាំចលនាប្រជាធិបតេយ្យសង្គ្រោះជាតិ ដែលបានបំពេញធ្វើ យ៉ាងផុសផុលបែបនេះ ពលរដ្ឋខ្មែរដែលជាអ្នកស្នេហាជាតិ ស្រលាញ់លទ្ធិប្រជាធិបតេយ្យទាំងអស់ សង្ឃឹមថា នៅឆ្នាំ ២០១៣ ដែលជាការបោះឆ្នោតអាណត្តិថ្មីនេះគណបក្ស សង្គ្រោះជាតិពិតជា ទទួលបានជ័យ ជំនះលើគណបក្សកាន់អំណាចសព្វថ្ងៃមិនខាន ព្រោះថាប៉ូលនយោ បាយនៅ កម្ពុជាសព្វថ្ងៃគឺ មានតែពីរប៉ុណ្ណោះ គឺគណបក្ស សង្គ្រោះជាតិ ដែលគិតពីជាតិនិងប្រជាពលរដ្ឋ ដែលត្រូវធ្វើការ ប្រគួតប្រជែងជាមួយនិងគណបក្សប្រជាជនកាន់អំណាចសព្វថ្ងៃដែល បាននិង កំពុងតែកាន់អំណាចតាមរបៀបផ្តាច់ការ ធ្វើបាបពលរដ្ឋរបស់ខ្លួន និងជារដ្ឋាភិបាលដែល អសមត្ថ ភាពថែម​ទៀត​នោះ ៕