ថ្នាក់ដឹកនាំចលនាប្រជាធិបតេយ្យសង្គ្រោះជាតិខេត្តកំពង់ស្ពឺនិងខេត្តពោធិ៍សាត់ចុះជួប សំណេះសំណាលជាមួយប្រជាពលរដ្ឋក៏ដូចជាផ្សព្វផ្សាយសារនយោបាយរបស់គណបក្ស សង្គ្រោះជាតិដល់ពលរដ្ឋនៅមូលដ្ឋានឲ្យពួកគាត់បានដឹង

ចលនាប្រជាធិបតេយ្យសង្គ្រោះជាតិ ក្រោមការដឹកនាំរបស់លោកប្រធាន សម រង្ស៊ី ជាប្រធាន និងលោកប្រធាន កឹម សុខា ជាអនុប្រធាន បាននិងកំពុងតែធ្វើសកម្មភាពយ៉ាងផុសផលក្នុង​ការចុះជួបសំណេះសំណាលជាមួយប្រជាពលរដ្ឋ ក្នុង​នោះពលរដ្ឋនៅតាមមូលដ្ឋានភាគច្រើន​លើសលប់ក៏បានស្គាល់ និងបានដឹងអំពើសារ​នយោបាយរបស់គណបក្ស​ សង្គ្រោះជាតិផង​ដែរ ដែលគណបក្ស​ សង្គ្រោះជាតិ និងត្រូវចូលរួមក្នុងការប្រគួតប្រជែងការបោះឆ្នោតជ្រើស​រើស​តំណាងរាស្រ្ត និងនាយករដ្ឋមន្រ្តីសម្រាប់អាណត្តិទី៥នេះ ។

ក្នុងនោះកាលពីថ្ងៃទី២០ ខែមករា ឆ្នាំ២០១៣ ថ្នាក់ដឹកនាំចលនាប្រជាធិបតេយ្យសង្គ្រោះជាតិ ខេត្តកំពង់ស្ពឺ ដែលដឹកនាំដោយលោក នុត រំដួល ជាប្រធានអមដំណើរដោយក្រុមការងារខេត្ត មួយចំនួនទៀតបានធ្វើតំណើរចុះទៅជួបជាមួយប្រជាពលរដ្ឋនៅឃុំអមលាំង ស្រុកថ្ពង ខេត្តកំ ពង់ស្ពឺ ដើម្បីចុះសួរសុខទុក្ខសំណេះសំណាលជាមួយប្រជាពលរដ្ឋ ព្រមទាំងបានធ្វើការព្យា បាលជំងឺជូនប្រជាពលរដ្ឋនៅទីនោះផងដែរ ដោយមានគ្រូពេទ្យ​មកពីប្រទេសអាឡឺម៉ង និងគ្រូ ពេទ្យស្មគ្រ័ចិត្តនៅក្នុងប្រទេសកម្ពុជារបស់យើង ។

នៅបន្ទាប់ពីធ្វើការព្យាបាលជំងឺជូនប្រជាពលរដ្ឋនៅឃុំអមលាំង ស្រុកថ្ពងរួចមក លោក នុត រំដួល បានដឹកនាំក្រុមការងារ និងគ្រូពេទ្យចុះទៅជួបសំណេះសំណាលជាមួយប្រជាពលរដ្ឋ​ជន​ជាតិដើមភាគតិចនៅក្នុងស្រុកឱរ៉ាល់ផងដែរ ក៏ដូចជាធ្វើការព្យាបាលជំងឺជូនប្រជាពលរដ្ឋ កុមារ និងចាស់ជរា ហើយលោក នុត រំដួល ក៏បានធ្វើការផ្សព្វផ្សាយពីគោលនយោបាយ​របស់​គណ​បក្ស សង្គ្រោះជាតិ ជំរាបជូនទៅដល់ពួកគាត់ឲ្យបាន​ដឹងពីការព្យាបាល​ជំងឺដោយ​មិនចាំ​បាច់ បង់ប្រាក់និងការផ្តល់ប្រាក់ជូនចាស់ជរាចាប់ពីអាយុ៦៥ឆ្នាំឡើងទៅ​ឲ្យពួកគាត់ទទួលបាន​ក្នុងម្នាក់ចំនួន៤ម៉ឺនរៀលជារៀងរាល់ខែនៅពេលដែលគណបក្ស សង្គ្រោះជាតិឈ្នះឆ្នោត ។

ជាមួយគ្នានោះនៅថ្ងៃទី២២ ខែមករា ឆ្នាំ២០១៣ក្រុមការងារចលនាប្រជាធិបតេយ្យសង្គ្រោះ​ជាតិខេត្តកំពង់ស្ពឺក៏បានរៀបចំពីធីមហាជនជួបសំណេះសំណាលជាមួយប្រជាពលរដ្ឋផងដែរ ដែលពេលព្រឹកកម្មវិធីប្រារព្វធ្វើឡើងនៅភូមិទំនប់អង្គ ឃុំមានជ័យ ស្រុកឧត្តង និងពេល​រសៀលកម្មវិធីប្រារព្វធ្វើនៅភូមិដែកភ្លើង ឃុំរលាំងគ្រើល ស្រុកសំរោងទង ដែលកម្មវីធីទាំងពីរ នេះមានការអញ្ជើញចូលរួមជាអធិបតីភាពពីសំណាក់លោក អេង ឆៃអ៊ាង លោក ប៉ែន សុវណ្ណ លោក អ៊ូ ចាន់ឬទ្ធិ លោក នុត រំដួល ព្រមទាំងលោក សុខ អ៊ុំសៀ និងរួមដំណើរដោយថ្នាក់ដឹក នាំចលនាប្រជាធិបតេយ្យសង្គ្រោះជាតិខេត្ត និងស្រុកមួយចំនួនទៀត ក៏ដូចជាគណៈ​កម្មការ​ប្រតិបត្តិខេត្តចូលរួមផងដែរ ។

ចំណែកឯនៅខេត្តពោធិ៍សាត់ឯនោះវិញ ក្រុមការងារចលនាប្រជាធិបតេយ្យសង្គ្រោះជាតិ​ខេត្ត​ពោធិ៍សាត់ ក៏បានរៀបចំពីធីជួបសំណេះសំណាលជាមួយប្រជាពលរដ្ឋផងដែរ ក្នុងនោះពេល​ព្រឹកកម្មវិធីបានប្រារព្វធ្វើនៅភូមិដូងជ្រុំ ឃុំវត្តកណ្តោល ស្រុកបាកាន និងនៅពេលរសៀល​កម្ម​វិធី​ប្រារព្វធ្វើនៅភូមិស្វាយប៉ាក ឃុំព្រងឹក ស្រុកភ្នំក្រវ៉ាញ ដែលកម្មវិធីទាំងពីស្រុកនេះដឹកនាំ ដោយលោក គីម សួរភីរិទ្ធិ រួមជាមួយនិងថ្នាក់ដឹកនាំខេត្ត ហើយនិងស្រុក រីឯនៅព្រឹកថ្ងៃទី២២ នេះផងដែរលោក ងឹម ញ៉េង ប្រធានក្រុមការងាចលនាប្រជាធិបតេយ្យសង្គ្រោះជាតិខេត្តពោ ធិ៍សាត់ ក៏បានចុះជួបសំណេះសំណាលជាមួយប្រជាពលរដ្ឋ និងអ្នកគាំទ្រនៅឃុំស្រែស្តុក ស្រុក​កណ្តៀងផងដែរ ហើយបន្ទាប់មកលោកក៏បានជួបប្រជុំជាមួយក្រុមការងារស្រុក​ដើម្បី​ពង្រឹងការងារក្នុងការចុះជួបសំណេះសំណាលជាមួយប្រជាពលរដ្ឋ ក៏ដូចជាបន្តសកម្មភាព​ក្នុង​ការលើកស្លាកសញ្ញារបស់គណបក្សផងដែរ ។

សូមជំរាបថាគណបក្ស សង្គ្រោះជាតិ ដែលមានលោកប្រធាន សម រង្ស៊ី ជាប្រធាន និងលោក ប្រធាន កឹម សុខា ជាអនុប្រធាន បាននិងកំពុងតែទទួលបានការគាំទ្រពីសំណាក់ប្រជាពលរដ្ឋ យ៉ាខ្លាំង ដែលទាំងនេះជាសញ្ញាបង្ហាញឲ្យឃើញថា គណបក្ស សង្គ្រោះជាតិ សម្រាប់ការបោះ​ឆ្នោត​នៅ​អាណត្តិថ្មីឆ្នាំ២០១៣នេះ និងទទួលបានជ័យជំនះដើម្បីដឹកនាំប្រទេសជាតិជាក់ជា មិនខានឡើយ ព្រោះពលរដ្ឋលែងមានជំនឿលើគណបក្សឯណាក្រៅតែអំពីគណបក្ស សង្គ្រោះជាតិឡើយ ៕