កឹមសុខា៖បើពលរដ្ឋចង់បានគណបក្សនិងរដ្ឋាភិបាលធ្វើដើម្បីខ្មែរទាល់តែគណបក្សនិងរដ្ឋាភិបាលនោះកើតមកពីខ្មែរដូចជា គណបក្សសង្គ្រោះជាតិជាដើម

លោក កឹម សុខា​អនុប្រធានគណបក្សសង្គ្រោះជាតិទៅថ្ងៃអនាគត

គណបក្ស សង្គ្រោះជាតិ គឺជាគណបក្សមួយដែលស្អាតស្អំ និងកើតឡើងដោយសារខ្មែរអ្នក​ស្នេហាជាតិរួមកម្លាំងគ្នាបង្កើត ដែលរហូតមកទល់និងពេលនេះទទួលបានការគាំទ្រពីសំ ណាក់​ប្រជាពលរដ្ឋយ៉ាងច្រើន បានធ្វើឲ្យគណបក្សកាន់អំណាចព្រួយបារម្ភជាខ្លាំងចំពោះការ ចាញ់ឆ្នោតរបស់ពួកគេនៅឆ្នាំ២០១៣នេះ ។

គណបក្ស សង្គ្រោះជាតិ ដែលកើតឡើងដោយសារខ្មែរអ្នកស្នេហាជាតិ នៅពេលទទួលបាន សម្លេងឆ្នោតដឹកនាំប្រទេសហើយនោះ និងធ្វើការរៀបចំប្រទេសជាតិឡើងវិញ ដោយធ្វើការ ដឹក​នាំប្រទេសតាមបែបប្រជាធិបតេយ្យ ផ្តល់សិទ្ធិអំណាចដល់ប្រជាពលរដ្ឋជាធំ ហើយធ្វើអ្វី គ្រប់បែបយ៉ាងគឺដើម្បីជាតិ និងប្រជាពលរដ្ឋទាំងអស់ មិនដូចជា​​​​​​​​​​​​គណបក្សកាន់អំណាចសព្វ ថ្ងៃដែលមានយួនហូជីម៉ិញជាអ្នកបង្កើតនោះឡើយ ។

ជាមួយគ្នានេះផងដែរលោក កឹម សុខា​អនុប្រធានគណបក្ស សង្គ្រោះជាតិ ទៅថ្ងៃអនាគតដ៏ខ្លី ខាងមុខនេះ បានមានប្រសាសន៏ឲ្យដឹងថា គណបក្សកាន់អំណាចសព្វថ្ងៃនេះគឺកើត​ឡើង​នៅ​ថ្ងៃទី២៨ ខែមិថុនា ឆ្នាំ១៩៥១ ដែលបានបែកចេញមកពីបក្សកុម្មុយនីសអណ្ឌូចិន​របស់​យួន​ហូជីម៉ិញ ។ លោកបន្តថា សូមបងប្អូនកុំឆ្ងល់ឲ្យសោះថា​ ហេតុដូចម្តេចបានជារដ្ឋាភិ ​ផ្តល់ដី​សម្បទានឲ្យទៅយួនអស់រាប់សែន រាប់លានហិតាដូច្នេះ ហើយបើកដៃឲ្យយួនទាំងនោះកាប់​បំផ្លាញព្រៃឈើយ៉ាងរង្គ្រៀល និងជនអន្តោប្រវេសន៏យួនចូលមករស់នៅកម្ពុជារាប់សែននាក់ ហេតុអីបានជារដ្ឋាភិបាលមិនព្រមចាប់បញ្ជូនទៅវិញ ព្រោះដោយហេតុថាយួនជាអ្នកមាន​គុណ​របស់ពួកគេ ដូច្នេះពួកគេមិនហ៊ានចាត់វិធានចំពោះអ្នកមានគុណរបស់ខ្លួនឡើយ ។

អនុប្រធានគណបក្ស សង្គ្រោះជាតិ ទៅថ្ងៃអនាគតបានមានប្រសាសន៏បន្តទៀតថា ដូច្នេះប្រ​

សិនបើបងប្អូនចង់ឲ្យគណបក្សនយោបាយមួយ និងរដ្ឋាភិបាលមួយធ្វើដើម្បីខ្មែរគឺទាល់តែរដ្ឋា ភិបាលនោះកើតឡើងដោយគណបក្សដែលកើតពីខ្មែរ ។ លោក កឹម សុខា​ប​ន្តថា ឥឡូវនេះ គណបក្ស សង្គ្រោះជាតិ គឺបានកើតឡើងហើយ គឺកើតដោយបងប្អូនប្រជាពលរដ្ឋខ្មែរអ្នកស្នេ ហាជាតិទាំងអស់ជាអ្នកបង្កើត ដូច្នេះបងប្អូនទាំងអស់គ្នាត្រូវតែចូលរួមក្នុងការគាំទ្រគណបក្ស សង្គ្រោះជាតិ ឲ្យបានគ្រប់គ្នាច្រើនឡើងបន្ថែមទៀតលើអ្វីដែលកម្លាំងរបស់គណបក្ស​ សង្គ្រោះ ជាតិមាន ។

លោក កឹម សុខា​ថ្លែងបន្តថា គណបក្ស សង្គ្រោះជាតិ នៅពេលជាប់ឆ្នោតយើងនិងធ្វើការដោះ ស្រាយបញ្ហាជាតិធំៗឲ្យវិលទៅរកភាពល្អប្រសើរឡើងវិញ មានតាំងពីបញ្ហាព្រំដែនបូរណៈភាព ទឹកដី បញ្ហាដីធ្លីរបស់ប្រជាពលរដ្ឋជាមួយក្រុមហ៊ុន និងឈ្មួញខិលខូច បញ្ហាវិប័ត្តិសេដ្ឋកិច្ច បញ្ហាអំពើពុករលួយ បញ្ហាប្រព័ន្ធតុលាការ បញ្ហាទំនាក់ទំនងកិច្ចការអន្តរជាតិ ព្រមទាំងធ្វើការ តំឡើងប្រាក់ខែជូនមន្រ្តីរាជការ កម្មករ-កម្មការីនី ផ្តល់សេវ៉ាសុខភាពដល់ប្រជាពលរដ្ឋដោយ មិនគិតថ្លៃ ពង្រឹងវិស័យអប់រំនិងផ្តល់ជាអាហារូបករណ៏ដើម្បីឲ្យកូនប្រជាពលរដ្ឋដែលមិន​មាន​ជីវភាពធូធារឲ្យពួកគេបានបន្តការសិក្សាមានចំនេះដឹងជ្រៅជ្រះដូចជាកូនអ្នកមានផងដែរ ហើយ និងផ្តល់ប្រាក់ឧបត្ថមជួបចាស់ៗដែលមានអាយុចាប់ពី៦៥ឆ្នាំឡើងទៅឲ្យពួកគាត់​ទទួល​បានចំនួនបួបម៉ឺនរៀលក្នុងថ្នាក់ជារៀងរាល់ខែជាដើម ក្នុងនោះគណបក្ស សង្គ្រោះជាតិ នៅមាន​គោលនយោបាយសំខាន់ៗជាច្រើនទៀត ។

លោក កឹម សុខាបន្តថា ជាមួយគ្នានោះផងដែរចូលបងប្អូនក្រលែកមើលទាំងអស់គ្នា​គណ​បក្ស​ប្រជា ជនកាន់អំណាចអស់រយៈពេលជាង៣០ឆ្នាំកន្លងមកនេះគឺគេគ្មាន​ឆន្ទៈក្នុងការ​ធ្វើឲ្យ​ជាតិ​ខ្មែរមានការរីកចំរើន ប្រជាពលរដ្ឋរស់នៅដោយសុខស្រួលនោះឡើយ គឺផ្គាប់ចិត្តតែយួនមួយ​ប៉ុណ្ណោះដោយហេតុថា យួនជាអ្នកបង្កើតគណបក្សប្រជាជន និងជាអ្នកមានគុណរបស់បក្ស ប្រជាជនដែលធ្វើឲ្យពួកគេគ្មានថ្ងៃអាចបំភ្លិចបាននោះ ទើបគេគោរពបូជាយួនហាណួយ ហូជី​ម៉ិញ យ៉ាងខ្ជាប់ខ្ជួននោះ ។

ជាមួយគ្នានោះផងដែរមេដឹកនាំរបស់គណបក្សប្រជាជននៅតាមមូលដ្ឋានមួយចំនួន ក៏ដូចជា ថ្នាក់លើរបស់ពួកគេផងដែរ ដោយអ្នកទាំងនោះបានលើកឡើងរបៀបខុសទំនងរបៀបប្រជាភិ​ថុតថា ប្រសិនបើពលរដ្ឋរូបណាបោះឆ្នោតឲ្យគណបក្សប្រឆាំង កុំដើរលើថ្នល់របស់គណបក្ស​ប្រជាជនធ្វើឲ្យសោះ ដោយលោក កឹម សុខា ធ្វើការជំរាបជូនទៅវិញផងដែរថា ផ្លូវទាំងនោះ មិន​មែនជាផ្លូវរបស់គណបក្សប្រជាជនទេ គឺផ្លួវទាំងអស់នោះ ជាលុយរបស់បងប្អូនប្រជាពល រដ្ឋយើងទាំងអស់គ្នា ហើយការខ្ចីលុយពីបរទេស និងជំនួយរបស់បរទេសឲ្យមកប្រជាពល​រដ្ឋ​ខ្មែរ គេ​មិនមែនឲ្យទៅគណបក្សប្រជាជននោះទេ ។

អនុប្រធានគណបក្ស សង្គ្រោះជាតិ នៅថ្ងៃអនាគតលោក កឹម សុខា បន្តទៀតថាកាលពីពេល កន្លងទៅថ្មីៗនេះ ឯអគ្គរដ្ឋទូតម្នាក់នៅប្រទេសប្រជាធិបតេយ្យដែលជាអ្នកផ្តល់ជំនួយដល់​ស្រុកខ្មែរគេបានសួររូបលោកថា គេមានការងឿងឆ្ងល់ណាស់គណបក្សប្រជាជនធ្វើបាបប្រជា រាស្រ្តខ្មែរប៉ុណ្ណឹងហើយ មានភាពអយុត្តិធម៌ប៉ុណ្ណឹងហើយ ហើយប្រជារាស្រ្តខ្លួនឯង​ផ្ទាល់ក៏​ក្រីក្រងើបមុខមិនរួច ដូចម្តេចបានជានៅតែបោះឆ្នោតឲ្យគណបក្សប្រជាជន ។ លោក កឹម សុខាបន្តថា លោកបានធ្វើការជំរាបជូនទៅគេវិញថា អ្វីទាំងអស់នេះមកពីគណបក្សប្រជាជន​គេបាន​លើកយកចំណុចខ្លាំងរបស់គេ គេថាគណបក្សរបស់គេទេដែលជាអ្នកធ្វើផ្លូវ ធ្វើស្ពាន រួមជា​មួយនិងរដ្ឋារចនាសម្ព័ន្ធនានាមួយចំនួនទៀត ។

ជាការពិតសមិទ្ធផលនានាមួយចំនួននៅក្នុងសម័យលោក ហ៊ុន សែន គឺភាគច្រើនលើសលុប ជាជំនួយពីបរទេស និងកាខ្ចីប្រាក់របស់គេយកមកធ្វើ ហើយស្ទើតែទាំងអស់គឺដាក់ឈ្មោះខ្លួន​ជាអ្នកកសាង ចំណែកលុយដែលនៅសល់ពួកគេសមគំនិត្យគ្នាប្រព្រឹត្តអំពើពុករលួយ រីឯពល​រដ្ឋស្លូតត្រង់គឺជាអ្នកចេញសងទៅវិញ ដែលគេធ្វើរបៀបនេះគ្មានក្តីមេត្តាមកលើរាស្រ្តខ្មែរសូម្បី តែបន្តិច ៕