គណបក្សកាន់អំណាចកំពុងតែព្រួយបារម្ភយ៉ាងខ្លាំងពីប្រជាប្រិយភាពរបស់ចលនាប្រជាធិបតេយ្យសង្គ្រោះជាតិ

លោក សោរ​ ចាន់ដេត ក្នុងពិធីចុះជួបសំណេះសំណាលជាមួយប្រជាពលរដ្ឋ

កាលពីពេលកន្លងទៅថ្មីៗ

កញ្ញា ស៊ិន រ៉ូហ្សេត ក្នុងសកម្មភាពចុះផ្សព្វផ្សាយគោលនយោបាយរបស់

គណបក្ស សង្គ្រោះជាតិ ដល់ប្រជាពលរដ្ឋ

ពលរដ្ឋដែលបានមកចូលរួមក្នុងពិធីជួបសំណេះសំណាលរវាងថ្នាក់ដឹកនាំ

ចលនាប្រជាធិបតេយ្យសង្គ្រោះជាតិជាមួយប្រជាពលរដ្ឋនាពេលកន្លងមក

គណបក្ស​កាន់អំណាចដែលមានលោក ហ៊ុន សែន​ជានាយករដ្ឋមន្រ្តី បាននិងកំពុងតែព្រួយ បារម្ភពីប្រជាប្រិយភាពរបស់ចលនាប្រជាធិបតេយ្យសង្គ្រោះជាតិយ៉ាងខ្លាំង ដែលមានប្រជា ពលរដ្ឋរួមជាមួយនិងសកម្មជនរបស់ខ្លួន ក៏ដូចជាសកម្មជនពីគណបក្សផ្សេងមកចូលរួមជា​មួយនិងគណបក្ស សង្គ្រោះជាតិ កាន់តែមានចំនួនច្រើនឡើងៗជារៀងរាល់ថ្ងៃនោះ ។

កត្តាទាំងអស់នេះដោយសារតែគណបក្ស សង្គ្រោះជាតិ​ មានកម្មវិធីនយោបាយល្អៗ ច្បាស់​លាស់ និងពិតប្រាកដជាច្រើនដែលផ្តល់ផលប្រយោជន៏ដល់ជាតិ និងប្រជាពលរដ្ឋខ្មែរទូទៅ ដែលធ្វើឲ្យពួកគាត់មានសង្ឃឹម និងមានជុំនឿយ៉ាងមុតមាំមកលើគណបក្ស សង្គ្រោះជាតិ ។

ជាមួយគ្នានោះទាំងសកម្មជន ទាំងថ្នាក់ដឹកនាំរបស់ចលនាប្រជាធិបតេយ្យសង្គ្រោះជាតិ និង គណបក្ស​ សង្គ្រោះជាតិ បានកំពុងតែចុះបំពេញបេសកម្មការងាររបស់ខ្លួនជួបជាមួយប្រជា​ពល​រដ្ឋយ៉ាងផុសផុល ក្នុងការបន្តផ្សព្វផ្សាយពីសារនយោបាយរបស់គណបក្ស សង្គ្រោះជាតិ​ដល់ពលរដ្ឋបន្ថែមទៀត ឲ្យពួកគាត់បានដឹងកាន់តែច្បាស់ ក៏ដូចជាបន្តលើកស្លាក គណបក្ស​ សង្គ្រោះជាតិ ឲ្យបានរួចរាល់នៅទូទាំងប្រទេសមុនការបោះឆ្នោតចូលមកដល់ ដើម្បីឲ្យប្រជា​ពលរដ្ឋបានស្គាល់ពីស្លាកសញ្ញាគណបក្ស​ សង្គ្រោះជាតិ កាន់តែច្បាស់ ។

គួរជំរាបជូនថា កាលពីថ្ងៃទី២៧ ខែមករា ឆ្នាំ២០១៣ ថ្នាក់ដឹកនាំចលនាប្រជាធិបតេយ្យ សង្គ្រោះជាតិ សង្កាត់អូចារ ក្រុងបាត់ដំបង ដែលដឹកនាំដោយកញ្ញា ស៊ិន រ៉ូហ្សេត ចៅសង្កាត់រង ទី២សង្កាត់អូចារ បានចុះជួបសំណេះសំណាលជាមួយប្រជាពលរដ្ឋ នៅក្នុងភូមិអណ្តូងចេញ សង្កាត់អូចារ ដើម្បីធ្វើការផ្សព្វផ្សាយពីគោលនយោបាយរបស់គណបក្ស សង្គ្រោះជាតិ ព្រម​ទាំង​ជំរាបជូនពួកគាត់នូវគោលជំហ៊ររបស់គណបក្ស សង្គ្រោះជាតិ ក្នុងការដឹកនាំ​ប្រទេស​ជាតិ​ឲ្យមានការរីកចំរើនជឿនលឿនលើគ្រប់វិស័យ ដែលធ្វើឲ្យប្រជាពលរដ្ឋមានជីវភាពធូធារ លែង​លំ​បាកវេទនាដូចជាសព្វថ្ងៃនេះ ព្រោះគណបក្ស សង្គ្រោះជាតិ បានតំកល់ផលប្រយោជន៏​របស់ជាតិ និងប្រជារាស្រ្តជាធំ មិនមែនគិតតែពីអំណាច និងផលប្រ​យោជន៏របស់ខ្លួន ដូចជា​អ្នក​ដឹកនាំប្រទេសសព្វថ្ងៃនេះឡើយ ។

ជាមួយគ្នានោះនៅថ្ងៃទី២៨​ ខែមករា ឆ្នាំ២០១៣ ក្រុមការងារចលនាប្រជាធិបតេយ្យ សង្គ្រោះ​ជាតិខេត្តបាត់ដំបង ដែលដឹកនាំដោយលោក សោរ ចាន់ដេត ក៏បានធ្វើតំណើរចុះទៅជួបសំ​ណេះសំណាល និងផ្សព្វផ្សាយសារនយោបាយគណបក្ស សង្គ្រោះជាតិ ដល់ពលរដ្ឋផងដែរ​នៅភូមិខ្នាច​រមាស និង​ភូមិកោះរាម ដែលស្ថិតនៅក្នុងឃុំខ្នាចរមាស ស្រុកបវិល ដែលមាន​ការ​ចូលរួមពីសំណាក់ប្រជាពលរដ្ឋយ៉ាងច្រើនកោះករ ដែលក្នុងនោះលោក សោរ ចាន់ដេត បាន​ធ្វើ​ការជំរាបជូនពលរដ្ឋនូវព្រឹត្តិការណ៏នយោបាយថ្មីៗទាំងនៅក្នុងស្រុក និងក្រៅស្រុកដល់​ប្រ​ជា​ពលរដ្ឋឲ្យពួកគាត់បានដឹង ពិសេសគឺកម្មវិធីគោលនយោបាយរបស់គណបក្ស សង្គ្រោះជាតិ ដែលគណបក្ស សង្គ្រោះជាតិ នៅពេលជាប់ឆ្នោត និងដឹកនាំប្រទេសតាមបែបប្រជាធិបតេយ្យ ផ្តល់អំណាចដល់ពលរដ្ឋជាធំ ព្រមទាំងធ្វើការដឹកនាំឲ្យប្រទេសជាតិឲ្យមានការរីកចំរើន និង​ធ្វើ​ឲ្យប្រទេសកម្ពុជាមានឈ្មោះបោះសម្លេងលើឆាកអន្តរជាតិ ដើម្បីធ្វើការអូស​ទាញអ្នក​វិនិ​យោគ​ល្អៗមកបណ្តាក់ទុននៅកម្ពុជា ព្រមទាំងលុបបំបាត់អំពើពុករលួយ ពង្រឹងប្រព័ន្ធយុត្តិធម៌ ជា​ដើម ។

នៅបន្ទាប់ពីបានស្តាប់ការលើកឡើងរបស់លោក សោរ ចាន់ដេត រួចមកពលរដ្ឋមានការគាំទ្រ យ៉ាងខ្លាំងចំពោះគោលនយោបាយរបស់គណបក្ស សង្គ្រោះជាតិ ដែលមិនមានគណបក្សណា អាចធ្វើបានដូចជាគណបក្ស សង្គ្រោះជាតិ ដែលតំកល់ផលប្រយោជន៏របស់ជាតិ និងប្រជា​ពលរដ្ឋជាធំនោះ ។

អ្វីទាំងអស់នេះហើយ រឹតតែធ្វើឲ្យគណបក្សកាន់អំណាចខ្លាចពីប្រជាប្រិយភាពរបស់គណបក្ស សង្គ្រោះជាតិ កាន់តែខ្លាំង និងដឹងខ្លួនឯងយ៉ាងច្បាស់ថានៅក្នុងការបោះឆ្នោតជាតិអាណត្តិទី៥ នេះ ខ្លួនមិនអាចយកឈ្នះលើការបោះឆ្នោតបានឡើយ ព្រោះកម្លាំងរបស់គណបក្ស សង្គ្រោះ​ជាតិ បាននិងកំពុងតែមានអនុភាពយ៉ាងខ្លាំង ។ សរុបសេចក្តីមក ការបោះឆ្នោតជាតិអាណត្តិ ទី៥នៅថ្ងៃអាទិត្យ ទី២៨ ខែកក្កដា ឆ្នាំ២០១៣នេះ ជ័យជំនះពិតប្រាកដ យ៉ាងជាក់ច្បាស់ គណ បក្ស សង្គ្រោះជាតិ និងទទួលបានជោគជ័យមួយរយភាពរយ ៕