កំពត៖ សកម្មភាពប្រព្រឹត្តបទល្មើសមិនគោរពរបស់ឈ្មួញឈ្មោះ ហុក ចិន្តា និងប្រពន្ធឈ្មោះ ទេព សុខា ក្នុងការជីក និងបាញ់ភ្នំយកថ្ម និងកាយយកអាចម៍ដីគ្រួសក្រហម ទៅលក់ធ្វើអាជីវកម្មយ៉ាងអណាធិបតេយ្យ នៅតំបន់ភ្នំជុប ដែលក្រសួងឧស្សាហកម្មហាមឃាត់មិនឲ្យធ្វើអាជីវកម្មរហូតមកដល់ពេលនេះ គឺឈ្មួញទាំងពីរនាក់ប្តីប្រពន្ធនៅតែបន្តដដែល បើទោះបីជាគណៈកម្មការរបស់ក្រសួងឧស្សាហកម្ម ចុះធ្វើការត្រួតពិនិត្យរកឃើញបទល្មើសជាក់ស្តែង រួចឲ្យធ្វើកិច្ចសន្យាបញ្ឈប់សកម្មភាពក៏ដោយ។
ប្រភពបានឲ្យដឹងថា តំបន់ភ្នំជុប ស្ថិតក្នុងភូមិវត្តពោធិ៍ឃុំថ្មី ស្រុកទឹកឈូ ខេត្តកំពត មានសកម្មភាពបាញ់ភ្នំយកថ្ម និងកាយយកអាចម៍ដីគ្រួសក្រហមរបស់ក្រុមឈ្មួញឈ្មោះ ហុក ចិន្តា និងប្រពន្ធឈ្មោះ ទេព សុខា រហូតមកដល់ពេលនេះ គឺនៅតែប្រព្រឹត្តរាល់យប់ថ្ងៃដដែល មិនតែប៉ុណ្ណោះគេថែមទាំំងឃើញក្រុមហ៊ុនចិន ទទួលសាងសង់ផ្លូវវាងក្រុងកំពត និងផ្លូវលេខ៣៣ ប្រើប្រាស់រថយន្តរាប់គ្រឿងចូលទៅដឹកដីក្រហម ដឹកកំទេចថ្មជារៀងរាល់ថ្ងៃ ដែលសកម្មភាពរបស់ឈ្មួញ និងក្រុមហ៊ុនខាងលើនេះ មិនត្រឹមតែល្មើសច្បាប់ប៉ុណ្ណោះទេ ថែមទាំងធ្វើឲ្យប៉ះពាល់ដល់តំបន់រ៉ែដែក និងបាត់បង់សួយសារអាករណ៍ចូលរដ្ឋថែមទៀតផង។
យោងតាមរបាយការណ៍នៃការចុះត្រួតពិនិត្យក្រុមការងាររបស់ក្រសួងឧស្សហកម្ម បានរកឃើញថា ពិតជាមានសកម្មភាពជីកយកដីគ្រួសក្រហម និងកាយថ្មភ្នំពិតប្រាកដមែន ដោយពិនិត្យឃើញថា ទីតាំំងវាយថ្មឈ្មោះ ទេព សុខា បានប្រើប្រាស់កម្មករ និងគ្រឿងចក្រអេស្កាវ៉ាទ័រ ជីកយកអាចម៍ដីខាងលើចេញ ដើម្បីធ្វើផ្លូវចូលទៅកាន់ចំណុចដែលមានថ្ម សម្រាប់ទាញយកធ្វើអាជីវកម្មនៅចំណុចដែលក្រសួងមិនអនុញ្ញាតិឲ្យធ្វើអាជីវកម្ម។ ចំណែកអាចម៍ដីដែលជីកចេញត្រូវបានដឹកចេញដោយក្រុមហ៊ុនចិន GVAGDONGFORE COMSTUCFION .CO.Ltd យកទៅចាក់ធ្វើផ្លូវតាមបណ្តោយប្រឡាយគម្រោងការដ្ឋរបស់ខ្លួន ដើម្បីដឹកគ្រឿងសំណង់ចូល។ ដោយឡែក ទីតាំងទី២ ជាទីតាំំងរណ្តៅដីឃើញ មានសកម្មភាព អេស្កាវ៉ាទ័រ មួយគ្រឿងកាយដីដាក់លើរថយន្ត ដឹកចេញយកទៅចាក់នៅលើកំណាត់ផ្លូវលេខ៣៣ ពីកំពត ទៅសេះស ដោយគ្រឿងចក្រទាំងនេះជារបស់ឈ្មួញ ឈ្មោះ ហុក ចិន្តា ធ្វើសកម្មភាពដោយគ្មានច្បាប់អនុញ្ញាតិនោះទេ។ ខាងសារពត័មានយើងបានទូរស័ព្ទទៅលោក សោម វិចិត្រ ប្រធានមន្ទីរឧស្សាហកម្មរ៉ែ និងថាមពលខេត្ត ដើម្បីសុំការបំភ្លឺ តែត្រូវលោកបិទទូរស័ព្ទ នេះសបញ្ជាក់ឲ្យឃើញថា ជាអំពើពុករលួយមួយរួចស្រេចបាត់ទៅហើយ៕
No comments:
Post a Comment
yes