ក្រុមការងារចលនាប្រជាធិបតេយ្យសង្គ្រោជាតិខេត្តកំពង់ស្ពឺចុះជួបពលរដ្ឋនៅតាមមូលដ្ឋាន និងប្រជុំប្រតិបត្តិស្រុកសំរោងទងសម្រាប់ដាក់ផែនការណ៏និងទិសដៅថ្មី

ក្រុមការងារចលនាប្រជាធិបតេយ្យសង្គ្រោះជាតិខេត្តកំពង់ស្ពឺ ដែលដឹកនាំដោយលោក នុត រំ ដួល ជាប្រធានក្រុមការងារខេត្ត កាលពីថ្ងៃទី០៣ ខែមីនា ឆ្នាំ២០១៣ បានដឹកនាំក្រុមការងារ ខេត្ត ហើយនិងស្រុកក្នុងការចុះជួបជាមួយប្រជាពលរដ្ឋនៅតាមមូលដ្ឋាន ។

ជាមួយគ្នានោះពេលព្រឹកលោក នុត រំដួល បានធ្វើតំណើងចុះជួបពលរដ្ឋនៅភូមិក្តុល ឃុំតា្រច ពង ស្រុកឧត្តង និងនៅពេលរសៀលកម្មវិធីបានប្រារព្វធ្វើឡើងនៅភូមិសំរោងជើងភ្នំ ឃុំដី​សែន ស្រុកសំរោងទង ។

ដូចគ្នានេះ កាលពីថ្ងៃទី០៣ ខែមីនា ឆ្នាំ២០១៣ លោក សុខ អុំស៊ា សមាជិករដ្ឋសភា ពេល​ព្រឹក​បានអញ្ជើញចុះទៅជួបសំណេះសំណាល ផ្សព្វផ្សាយគោលនយោបាយគណបក្ស សង្គ្រោះ​ជាតិ ដល់ប្រជាពលរដ្ឋនៅភូមិមីលាវ ឃុំទួលអំពិល ស្រុកបសេដ និងនៅពេល​រសៀល​អញ្ជើញចុះទៅជួបពលរដ្ឋនៅភូមិសូគង ឃុំស្នំក្រពើ ស្រុកគងពិសី ។

ដោយឡែកនៅថ្ងៃទី០៤ ខែមីនា ឆ្នាំ២០១៣នេះ លោក សុខ អុំស៊ា អមតំណើរដោយលោក ទៀង សៀន ក្រុមការងារខេត្ត ប្រធានប្រតិបត្តិខេត្ត ប្រធានប្រតិបត្តិស្រុក គណៈកម្មាធិការប្រតិ បត្តិស្រុក សមាជិកក្រុមប្រឹក្សាស្រុកក្នុងតំណែង សមាជិកក្រុមប្រឹក្សាឃុំក្នុងតំណែងទាំង១៥ឃុំ ទូទាំងស្រុកសំរោងទង បានបើអង្គប្រជុំអាណត្តិស្រុកសំរោងទង ដើម្បីបូកសរុបការងារដែល​បានធ្វើកាលពីខែកុម្ភៈកន្លងមក និងដាក់ផែនការណ៏ថ្មីសម្រាប់ខែមីនា ។

ក្នុងនោះផងដែរអង្គប្រជុំបានធ្វើការសម្រេចជាសម្លេងតែមួយ ក្នុងការបន្តលើកស្លាកគណបក្ស សង្គ្រោះជាតិឲ្យបានរួចរាល់ទូទាំងស្រុកនៅមុនការបោះឆ្នោត និងការរៀបចំរចនាសមព័ន្ធភូមិ ការរៀបចំវគ្គបណ្តុះបណ្តាលថ្នាក់ដឹកនាំឃុំក្នុងមួយឃុំចំនួន១០នាក់ភាពជាអ្នកដឹកនាំ ការ​រៀប​ចំវេទិការថ្នាក់ស្រុក និងឃុំ ព្រមទាំងដាក់កម្មវិធីជូនលោកប្រធាន កឹម សុខា ចុះជួបសំ​ណេះ​សំ​ណាលជាមួយប្រជាពលរដ្ឋនៅថ្ងៃទី២០ ខែមីនា ឆ្នាំ២០១៣ ស្ថិតនៅក្នុងភូមិត្រពាំង​ស្រស់ ឃុំ​សំរោងទង ស្រុកសំរោងទង ខេត្តកំពង់ស្ពឺ ។

ជាមួយគ្នានេះ ថ្នាក់ដឹកនាំចលនាប្រជាធិបតេយ្យសង្គ្រោះជាតិ និងបន្តប្រជុំការងារដើម្បីដាក់ ផែនការណ៏បន្តបន្ទាប់ទៀត ក្នុងយុទ្ធនាការចុះជួបជាមួយប្រជាពលរដ្ឋ ដោយហេតុថាការបោះ ឆ្នោតជាតិបានខិតជិតចូលមកដល់ហើយ ដែលគណបក្ស សង្គ្រោះជាតិ មានរូបលោកប្រធាន សម រង្ស៊ី ជាប្រធាន និងលោកប្រធាន កឹម សុខា ជាអនុប្រធាន គឺជាគូរប្រជែងតែមួយ​គត់​ជា​មួយនិងគណបក្សប្រជាជនកាន់អំណាចសព្វថ្ងៃ ៕