រតនគីរី៖ បច្ចុប្បន្ន
នៅក្នុងអាណាចក្រខេត្តរតនគីរី គេសង្កេតឃើញមានរថយន្តយីឌុបចំនួន ០៧ គ្រឿង
របស់ក្រុមហ៊ុន ហ៊ង អាន កំពុងធ្វើសកម្មភាពដឹកជញ្ជូនឈើ កាលពីវេលាម៉ោង ១២ និង
៤០ នាទី រសៀលថ្ងៃទី១៣ ខែមីនា ឆ្នាំ២០១៣។ រថយន្តយីឌុបប្រភេទយីឌុប ០៥ ភ្លៅ
ចំនួន ០៧ គ្រឿង បានដឹកជញ្ជូនឈើអារលេខ០២ ចេញពីតំបន់ឃុំញ៉ាង
ស្រុកអណ្តូងមាស ដែលជាដីសម្បទានសេដ្ឋកិច្ចរបស់ក្រុមហ៊ុន ហ៊ង អាន
រួចចេញពីក្រុងបានលុង ឆ្ពោះឆ្លងកាត់ខេត្តស្ទឹងត្រែង ក្រចេះ និងកំពង់ចាម។
ការដឹកជញ្ជូនឈើលើសទម្ងន់
គឺបំផ្លាញផ្លូវជាតិដែលទើបនិងស្ថាបនារួចរាល់នោះ ងាយនឹងប្រេះស្រុត
ប្រសិនបើអាជ្ញាធរក៏ដូចជាសមត្ថកិច្ចពាក់ព័ន្ធមិនបានចាត់វិធានការត្រួតពិនិត្យឲ្យបានដិតដល់នោះ
ពីព្រោះកន្លងទៅមានរថយន្តដែលដឹកធ្ងន់មិនត្រឹមតែមិនបានពិន័យ
ឬហាមឃាត់ប៉ុណ្ណោះទេ បានក្លាយទៅជាផលប្រយោជន៍ដែលក្រុមសមត្ថកិច្ច
និងមន្ត្រីពាក់ព័ន្ធក្នុងខេត្តរតនគីរី និងខេត្ត ស្ទឹងត្រែង
បានរាប់ក្បាលឡាន យកប្រាក់តែប៉ុណ្ណោះ។
គួរបញ្ជាក់ផងដែរថា
ការដឹកជញ្ជូនឈើក្នុងទ្រុងទ្រាយធំរបស់ក្រុមហ៊ុន ហ៊ង អាន
បើទោះជាមានការត្រួតពិនិត្យពីរដ្ឋបាលព្រៃឈើក៏ដោយ ប៉ុន្តែគេសង្ស័យថា
មានបង្កប់ឈើប្រណីត ក្នុងចំណោមរថយន្តយីឌុបទាំង ០៧ គ្រឿងខាងលើ។
លោក ឡេង យុគ
នាយសង្កាត់រដ្ឋបាលព្រៃឈើស្រុកអណ្តូងមាស បកែវ និងអូយ៉ាដាវ
ភ្នាក់ងារយើងបានព្យាយាមទូរស័ព្ទដើម្បីសុំការបំភ្លឺពីករណីនេះ
ប៉ុន្តែមិនអាចទំនាក់ទំនងបានទេនៅរសៀលថ្ងៃទី១៣ ខែមីនា ឆ្នាំ២០១៣។
សូមបញ្ជាក់ថា បើទោះជាមានការលើកឡើងពីលលោក យឹម រមនី
អនុប្រធានមន្ទីរសាធារណៈការ ចាត់ទុកថា រថយន្តដឹកឈើនេះមិនគ្រប់ទម្ងន់ក៏ដោយ
ប៉ុន្តែអាជ្ញាធរ និងសមត្ថកិច្ចស្រុកអណ្តូងមាស ធ្លាប់បានលើកឡើងផងដែរ
ពីការបំផ្លាញផ្លូវ ស្ពាន ដោយារតែក្រុមហ៊ុនខាងលើនេះ ដែលក្នុងនោះ អ្នកមេការគ្រប់គ្រងកន្លងទៅ
ធ្លាប់មានអំនួតថា ផ្លូវ ស្ពាន ដែលខូច ឬ បាក់ប៉ុន្មាន ក៏មិនខ្វល់ដែរ
ព្រោះកន្លងទៅរូបគេ គឺជាអ្នកកសាង៕
No comments:
Post a Comment
yes