លោកម៉ម សូណង់ដូ នៅពេលដោះលែងពីពន្ធនាគារ
នាយកវិទ្យុសំបុកឃ្មុំ លោក ម៉ម សូណង់ដូ
ដែលទើបចេញពីពន្ធនាគារ នៅថ្ងៃសុក្រនេះ អះអាងថា លោកនៅតែធ្វើសកម្មភាព
ដើម្បីពង្រឹងលិទ្ធិប្រជាធិបតេយ្យនៅកម្ពុជា
តាមរយៈការបន្តរិះគន់លើចំណុចខ្វះខាតនៃមេដឹកនាំកម្ពុជា
ទោះបីតុលាការមិនទម្លាក់បទចោទលើរូបលោកទាំងស្រុងក៏ដោយ។
ថ្លែងប្រាប់អ្នកសារព័ត៌មាននៅផ្ទះរបស់លោក
នៅកៀនស្វាយ សង្កាត់ព្រែកឯង ខណ្ឌមានជ័យ រាជធានីភ្នំពេញ
ប្រធានវិទ្យុសំបុកឃ្មុំ និងជាប្រធានសមាគអ្នកប្រជាធិបតេយ្យ លោក ម៉ម
សូណង់ដូ បញ្ជាក់ជំហរថា
បើទោះបីតុលាការមិនទាន់ទម្លាក់បទចោទលើរូបលោកទាំងស្រុងក៏ដោយ
ក៏លោកនៅតែបន្តធ្វើសកម្មភាព
ដើម្បីជំរុញឲ្យមានលិទ្ធិប្រជាធិបត្យេនៅកម្ពុជាដែរ ៖ "សព្វថ្ងៃអ្នកនយោបាយ ពូមិនបន្ទោសទេ
ប្រទេសណាក៏គេមានអ្នកនយោបាយដែរ ប៉ុនអ្នកនយោបាយ គេខំអភិវឌ្ឍន៍ស្រុកគេ
គេគិតអំណាច ប៉ុនគេគិតប្រទេសជាតិគេជាធំ ប៉ុនពូឃើញខ្មែរខំកាប់ចាក់គេយូរទៅ
ជាតិភ្លេចគិតថាក្រុមខ្លួនម្នាក់ៗ ហើយធ្វើម៉េចឲ្យតែអាញឈ្នះ
ហើយអាអ្នកឈ្នះសំលាប់អាអ្នកចាញ់ យឺយារណាស់មកហើយ ឥឡូវពូត្រូវប្តេជ្ញាចិត្ត
ធ្វើយ៉ាងម៉េចដើម្បីជួយ ស្រោចស្រង់ប្រជាពលរដ្ឋខ្មែរ
ស្រោចស្រង់ដោយអ្វីដោយគោរពច្បាប់ ឲ្យស្គាល់សិទ្ធហ៊ានតវ៉ា
មិនឲ្យហ៊ានកាប់ចាក់ទេ ប៉ុនយើងយកច្បាប់ យើងលីច្បាប់
ត្រូវតតាំងជាមួយអាជ្ញាធរ បើសិនជាអាជ្ញាធរណាមួយ រំលោភលើច្បាប់។"
ការអះអាងនេះ
ធ្វើឡើងបន្ទាប់ពីមានអ្នកគាំទ្រជាង១០០០នាក់ បានធ្វើដំណើហែរហម
លោកចេញពីពន្ធនាគារព្រៃស
ទៅផ្ទះរបស់លោកដែលចម្ងាយប្រហែលជាង២០គីឡូម៉ែត្រ នៅព្រឹកថ្ងៃសុក្រ
ទី១៥ ខែមីនានេះ ។
ក្រុមអ្នកគាំទ្រ លើកលោក ម៉ម សូណង់ដូ
មានវ័យ៧១ឆ្នាំ ឲ្យអង្គុយលើគ្រែស្នែងបាំងខ្លោះពីលើ
សែងដើរជិតមួយគីឡូម៉ែត្រ ដោយមានសម្តែង ស្គឆាយ៉ាំ កំដរផង។
ក្រុមអ្នកគាំទ្របង្ហាញភាពរីករាយ ហើយបានហៅ លោក ម៉ម
សូណង់ដូ ថាជាមនុស្សស្លូតត្រង់
គ្មានគំនិតប្រឆាំងនឹងរាជរដ្ឋាភិបាលដូចការចោទប្រកាន់ទេ។
មន្ត្រីស៊ើបអង្កេតជាន់ខ្ពស់នៅអង្គការលីកាដូ លោក អំ
សំអាត ដែលតាមដានករណីនេះ ហៅការចាប់ខ្លួនលោក ម៉ម សូណង់ដូ
ដាក់ពន្ធនាគារនោះថា ជារឿងនយោបាយ។ លោកចាត់ទុកថា
ការដោះលែងសកម្មជនប្រជាធិបតេយ្យឲ្យមានសេរីភាព នៅពេលនេះ
ក៏ដោយសារតែមានសម្ពាធពីអ្នកគាំទ្រ ទាំងនៅក្នុងប្រទេស និងសហគមន៍អន្តរជាតិ ៖ "បើសិនជាគ្មានសម្ពាធពីអន្តរជាតិទេ លោក ម៉ម សូណង់ដូ
ក៏គ្មានការដោះលែងដូចថ្ងៃនេះដែរ។"
ការដោះលែង លោក ម៉ម សូណង់ដូ
ធ្វើឡើងតាមអំណាចសាលដីការបស់សាលាឧទ្ធរណ៍
ដែលរកមិនឃើញកំហុសពីបទបង្កើតតំបន់អបគន៍នៅខេត្តក្រចេះ
ប្រឆាំងរដ្ឋាភិបាល ដូចការចោទប្រកាន់របស់សាលាដំបូងរាជធានីភ្នំពេញនោះឡើយ ។
លោក ម៉ម សូណង់ដូ ត្រូវសាលាឧទ្ធរណ៍ប្តូរបទចោទ
មកជាបទល្មើសញុះញង់ឲ្យកាប់ព្រៃឈើវិញ និងឲ្យជាប់ពន្ធនាគារ៥ឆ្នាំ ប៉ុន្តែ
លោកជាប់ពន្ធនាគារបាន៨ខែ ហើយទោសនៅសល់ត្រូវព្យួរ។ យ៉ាងណាក៏ដោយ
សាលាឧទ្ធរណ៏ បានដាក់កំហិតឲ្យលោក ម៉ម សូណង់ដូ ត្រូវមានការអនុញ្ញាតពីតុលាការ
មុនធ្វើដំណើទៅក្រៅប្រទេស ឬផ្លាស់លំនៅឋាន។
លោក ម៉ម សូណង់ដូ អះអាងថា ករណីបន្តចោទប្រកាន់នេះ
លោកនឹងប្តឹងទាស់ទៅតុលាការកំពូលទៀត ដើម្បីរកយុត្តិធម៌៕
No comments:
Post a Comment
yes