ហ៊្វុនស៊ិនប៉ិចអើយ ឈប់ដើរបោកប្រាស់រាស្ត្រទៀតទៅ
មន្ត្រីជាន់ខ្ពស់គណបក្សហ្វ៊ុនស៊ិនប៉ិច បានឲ្យដឹងនៅថ្ងៃទី១០ ខែមេសា ឆ្នាំ២០១៣ ថា សមាជិក សមាជិកា និងក្រុមចលនាយុវជន រួមទាំងសកម្មជនគាំទ្រគណបក្សសង្គ្រោះជាតិ សរុប ១៨៩ នាក់ បាននាំគ្នាមកចូលរួមជាមួយគណបក្ស ហ្វ៊ុនស៊ិនប៉ិច នៅខេត្តកំពង់ឆ្នាំង កាលពីថ្ងៃទី៩ ខែមេសា ឆ្នាំ២០១៣។ មូលហេតុ ដោយសារតែពួកគេ អស់ជំនឿទៅលើថ្នាក់ដឹកនាំគណបក្សសង្គ្រោះជាតិ។
មន្ត្រីដដែលបានឲ្យដឹងទៀតថា សមាជិក សមាជិកពីគណបក្ស សង្គ្រោះជាតិ មកចូលរួមជាមួយគណបក្ស ហ្វ៊ុនស៊ិនប៉ិច សរុបទាំងអស់ មានចំនួន ១៨៩ នាក់ ដោយក្នុងនោះ មានមកពីស្រុកកំពង់លែងមានចំនួន ៥៤នាក់, ស្រុកកំពង់ត្រឡាចមានចំនួន ៦៤នាក់, ចលនាយុវជនសង្គ្រោះជាតិ មានចំនួន ២៩នាក់ និងស្រុកបរិបូរណ៍ មានចំនួន ៤២នាក់ សរុបមានចំនួន ១៨៩ នាក់។
មន្ត្រីដដែល លើកឡើងថា មូលហេតុដែលសមាជិក សមាជិកគណបក្សសង្គ្រោះជាតិ នៅខេត្តកំពង់ឆ្នាំង មកចូលរួមជាមួយគណបក្សហ្វ៊ុនស៊ិនប៉ិចវិញ គឺដោយសារគណបក្ស ហ្វ៊ុនស៊ិនប៉ិច មានការរួបរួមគ្នាឡើងវិញ មានគោលនយោបាយល្អ សំរាប់ការចូលរួមអភិវឌ្ឍន៍ប្រទេសជាតិ បង្កើតការងារឲ្យសំរាប់យុវជន និងប្រជាពលរដ្ឋទាំងអស់ ដើម្បីមានជីវភាពធូរធារ។
មន្ត្រីដដែល គណបក្ស ហ្វ៊ុនស៊ិនប៉ិច គឺដឹកនាំដោយសម្តេចរាជបុត្រី ព្រះអនុជ នរោត្តម អារុណរស្មី។ ជាមួយគ្នានោះ សមាជិកសមាជិកា ទាំងនោះ ក៏បានសុំអោយគណបក្ស ហ្វ៊ុនស៊ិនប៉ិច ត្រូវតែពង្រឹងសាមគ្គីគ្នា និងស្រឡាញ់គ្នាពិត។ សមាជិក សមាជិកាទាំង ១៨៩នាក់ មកពីគណបក្ស សង្គ្រោះជាតិ (អតីតគណបក្ស សិទ្ធិមនុស្ស) បានវិលត្រឡប់មកចូលរួមជាមួយគណបក្ស ហ្វ៊ុនស៊ិនប៉ិច ក្រោមការដឹកនាំរបស់សម្តេចរាជបុត្រី ព្រះអនុជ នរោត្តម អរុណរស្មី ប្រធានគណបក្សដែលជាបុត្រីពៅរបស់សម្តេចឪ សម្តេចតា នរោត្តម សីហនុ ព្រះបរមរតនកោដ្ឋ និងជាព្រះបិតាស្ថាបនិកគណបក្សហ្វ៊ុនស៊ិនប៉ិច។
មិនទាន់មានប្រតិកម្មបែបណា ពីថ្នាក់ដឹកនាំគណបក្សសង្គ្រោះជាតិ ជុំវិញដំណឹងនៃការផ្តាច់ខ្លួនរបស់សកម្មជនថ្នាក់ក្រោម ទៅចូលរួមជាមួយនឹងគណបក្សហ្វ៊ុនស៊ិនប៉ិច ដូចការអះអាងខាងលើ នៅឡើយទេ៕ - See more at: http://www.cen.com.kh/localnews/show_detail/19?token=MDljNzBiNz#sthash.KAJ3myUQ.dpuf
No comments:
Post a Comment
yes