ថ្នាក់ដឹកនាំគណបក្សសង្គ្រោះជាតិចុះជួបសំណេះសំណាលជាមួយប្រជាពលរដ្ឋនិងលើកស្លាកនៅតាមមូលដ្ឋាន

នៅថ្ងៃទី១១ ខែមិថុនា ឆ្នាំ២០១៣ ថ្នាក់ដឹកនាំរបស់គណបក្សសង្គ្រោះជាតិ ចំនួន៣ក្រុមបានចុះ ជួបសំណេះសំណាលជាមួយប្រជាពលរដ្ឋនៅតាមមូលដ្ឋាននានាក្នុងខេត្តបាត់ដំបង ដែលក្នុង នោះក្រុមទី១ ដឹកនាំដោយលោក អេង ឆៃអ៊ាង អមតំណើរដោយក្រុមការងារខេត្ត និងស្រុក ពេលព្រឹកបានចុះជួបសំណេះសំណាលជាមួយប្រជាពលរដ្ឋនៅឃុំអូរដំបង២ និងឃុំអន្លង់វិល ស្ថិតនៅក្នុងស្រុកសង្កែ ពេលរសៀលលោក អេង ឆៃអ៊ាង និងសហការី បានបន្តដំណើរចុះជួប សំណេះសំណាលជាមួយប្រជាពលរដ្ឋនៅឃុំខ្នាចរមាស ស្រុកសង្កែ ។

ក្រុមទី២ ដឹកនាំដោយលោក គីម សួរភីរិទ្ធិ អមតំណើរដោយក្រុមការងារខេត្ត និងស្រុក បាន​ចុះជួបជាមួយប្រជាពលរដ្ឋនៅឃុំឈើទាល និងឃុំបាយដំរាំ ស្រុកបាណន់ ពេលរសៀលនៅ​ឃុំសំរោង និងឃុំព្រៃខ្ពប ស្រុកឯកភ្នំ ។

ក្រុមទី៣ ដឹកនាំដោយលោក អ៊ូ ច័ន្ទឬទ្ធិ រួមជាមួយនិងក្រុមការងារខេត្ត ព្រមទាំងស្រុក បានចុះ​ជួបសំណេះសំណាល និងផ្សព្វផ្សាយគោលនយោបាយគណបក្សសង្គ្រោះជាតិ ដល់ប្រជា​ពល​រដ្ឋពេលព្រឹកនៅឃុំរូងជ្រៃ ស្រុកថ្មគោល និងពេលរសៀលនៅឃុំបន្សាយត្រែង ស្ថិតនៅ​ក្នុងស្រុកថ្មគោលដដែល ។

គួរជំរាបជូនថា កាលពីថ្ងៃទី១០ ខែមិថុនា ឆ្នាំ២០១៣ លោក សោ ចាន់ដេត សមាជិកព្រឹទ្ធ​សភា ក៏បានចុះជួបសំណេះសណាលជាមួយប្រជាពលរដ្ឋពេលព្រឹកនៅភូមិកំពង់ឆ្នាំង២ ឃុំបវិល ស្រុកបវេល និងពេលរសៀលនៅភូមិស្វាយស ឃុំខ្នាចរមាស ស្រុកបវិលផងដែរ ។

ក្នុងនោះនៅខេត្តពោធិ៍សាត់ កាលពីថ្ងៃទី១០ លោក អេង ឆៃអ៊ាង លោក អ៊ូ ច័ន្ទឬទ្ធិ អមតំណើរ​ដោយលោក ងឹម ញ៉េញ ប្រធានក្រុមការងារគណបក្សសង្គ្រោះជាតិខេត្ត ក៏បានចុះជួបជាមួយ​ប្រជាពលរដ្ឋពេលព្រឹកនៅឃុំអន្សាចំបក់ ស្រុកក្រគ ពេលរសៀលនៅឃុំផ្ទះព្រៃ ក្រុង ពោធិ៍​សាត់ រួចបន្តជួបពលរដ្ឋនៅឃុំស្រែស្តុក ស្រុកកណ្តៀង ។

រីឯ​នៅខេត្តសៀមរាប នៅថ្ងៃទី១១ ខែមិថុនា ឆ្នាំ២០១៣ លោកស្រី កែ សុវណ្ណរតន៏ ប្រធាន​ក្រុមការងារគណបក្សសង្គ្រោះជាតិខេត្ត បានប្រជុំដើម្បីរៀបចំរចនាសម្ព័ន្ធ​គណបក្សមួយថ្ងៃ​ពេញនៅស្រុក​វ៉ារិន និងស្រុកអង្គរជុំ ។

ដោយឡែកនៅខេត្តកំពង់ឆ្នាំង ក្រុមការងារខេត្ត និងស្រុក បានចុះលើកស្លាកគណបក្សនៅ​តាមបណ្តោយផ្លូវជាតិលេខ៥ ចំនួន៨ស្លាក លើចំនួនស្លាកជាច្រើនដែលបានលើកនាពេល កន្លងមកនៅតាមបណ្តោយផ្លូវជាតិលេខ៥នោះ ។

គណបក្សសង្គ្រោះជាតិ គឺជាក្តីសង្ឃឹមតែមួយគត់របស់ប្រជាពលរដ្ឋខ្មែរ បោះឆ្នោតជូនគណ បក្សសង្គ្រោះជាតិ ដែលមានលេខរៀងទី៧ គឺមានន័យថា បោះឆ្នោតឲ្យខ្លួនយើង ឪពុក​ម្តាយ​យើង ជីដូនជីតាយើង កូនចៅយើង និងប្រទេសជាតិរបស់យើង ព្រោះគណបក្សសង្គ្រោះជាតិ បានតំកល់ផលប្រយោជន៏របស់ពលរដ្ឋ និងជាតិជាធំ ៕