ប្រជាកសិករ និងបណ្តាញសហគមន៍ដែលធ្វើការលើការងារកសិកម្ម បានប្រមូលផ្តុំគ្នានៅព្រឹកថ្ងៃសុក្រនេះ នៅមុខក្រសួងកសិកម្ម រុក្ខាប្រមាញ់ និងនេសាទ ដើម្បីធ្វើការតវ៉ាប្រឆាំងនឹងសេចក្តីព្រាងច្បាប់លើកទី១ ស្តីពីការគ្រប់គ្រង និងប្រើប្រាស់ដីកសិកម្ម ថាអាចបង្ករផលប៉ះពាល់អវិជ្ជមានយ៉ាងធ្ងន់ធ្ងរដល់ជីវិតរស់នៅពលរដ្ឋតាមមូលដ្ឋាន។
សេចក្តីព្រាងច្បាប់ថ្មីនេះ ត្រូវបានរៀបចំធ្វើឡើងដោយក្រសួងកសិកម្ម រុក្ខាប្រមាញ់ និងនេសាទ សហការជាមួយអង្គការស្បៀងអាហារ និងកសិកម្ម(FAO) គាំទ្រដោយធនាគារអភិវឌ្ឍន៍អាស៊ី (ADB) ។
នៅក្នុងញត្តិទាមទារដែលត្រូវដាក់ជូនក្រសួងកសិកម្មនៅព្រឹកនេះ បានទាមទារឲ្យមានការកែប្រែនិងលុបចោល ចំនួន៦ចំណុច នូវបទបញ្ញត្តិអំពីបទល្មើសព្រហ្មទណ្ឌ និងសូមបញ្ជាក់ឲ្យច្បាស់អំពីនិយមន័យ ពាក្យពេចន៍ និងខ្លឹមសារដែលមាននៅក្នុងសេចក្តីព្រាងច្បាប់នេះ...។ល។
ជាឧទាហរណ៍ មាត្រាមួយនៃសេចក្តីព្រាងច្បាប់ បានតម្រូវឲ្យគ្រប់បុគ្គលឯកជន ដែលជាម្ចាស់ដីត្រូវធ្វើសកម្មភាពក្នុងការការពារ ឬកែប្រែ ការខ្សោះជីវជាតិ ឬបាត់បង់គុណភាពដី។ ប្រសិនបើសកម្មភាពនោះ ធ្វើឡើងមិនទាន់ដល់កម្រិតដែលក្រសួងពេញចិត្ត ច្បាប់ក៏បានផ្តល់នូវអំណាចដល់ក្រសួងកសិកម្ម ដើម្បីធ្វើការដាក់ទោសមកលើម្ចាស់ដី។ លើសពីនេះទៅទៀតបញ្ជារបស់ក្រសួងកសិកម្ម អាចត្រូវបានចេញឲ្យធ្វើការបំផ្លាញដំណាំដោយគ្មានសំណងសមរម្យ ឬក៏អាចផ្តល់ដល់ក្រសួងកសិកម្មនូវ ការគ្រប់គ្រង ដែលគ្មានអ្នកកំណត់ ទៅលើដីដែលល្មើស។
ញ្ញត្តិទាមទារ បានតវ៉ាថា «ការខ្សោះជីវជាតិ ឬ បាត់បង់គុណភាពដី» និងទាំងសកម្មភាព ដែលតម្រូវឲ្យមានការការពារ ឬដោះស្រាយ មិនត្រូវបានគេផ្តល់និយមន័យ ឬកំណត់ទម្ងន់នៃការខូចខាតរបស់ម្ចាស់ដី។
No comments:
Post a Comment
yes