ព្រះសង្ឃកម្ពុជាក្រោម
ព្រះសង្ឃខ្មែរកម្ពុជាក្រោម គំរាមធ្វើបាតុកម្មនាពេលឆាប់ៗនេះ ដើម្បីរកយុតិ្តធម៌ជូនព្រះសង្ឃដែលកំពុងជាប់ពន្ធនាគារនៅប្រទេសវៀតណាម បន្ទាប់ពីស្ថានទូតវៀតណាមប្រចាំប្រទេសកម្ពុជា នៅថ្ងៃសុក្រនេះ បដិសេធយកញត្តិរបស់ព្រះអង្គ ដែលទាមទារឲ្យដោះលែងព្រះសង្ឃពីរអង្គ និងពលរដ្ឋកម្ពុជាក្រោមផ្សេងទៀត។
ព្រះតេជគុណ ថាច់ ថាវរី មានសង្ឃដីកាទៅកាន់អ្នកសារព័ត៌មាន នៅមុខស្ថានទូតវៀតណាម ថា ញត្តិរបស់ព្រះសង្ឃកម្ពុជាក្រោម ដាក់ជូនលោកនាយករដ្ឋមន្ត្រីវៀតណាម ទាមទារឲ្យអាជ្ញាធរវៀតណាម ដោះលែងព្រះតេជគុណ លីវ នី ព្រះតេជគុណ ថាច់ ធឿន និងប្រជាពលរដ្ឋកម្ពុជាក្រោមឲ្យមានសេរីភាពឡើងវិញដោយឥតលក្ខខណ្ឌ។ ញត្តិក៏ទាមទារឲ្យរដ្ឋាភិបាលវៀតណាមបញ្ឈប់ជាបន្ទាន់ នូវការជ្រៀតជ្រែកចូលកិច្ចការផ្ទៃក្នុងព្រះពុទ្ធសាសនាតាមវត្តអារាមនានា បញ្ឈប់ការគំរាមកំហែងតាមគ្រប់រូបភាព និងការបិទសិទ្ធិសេរីភាពមកលើព្រះសង្ឃ និងប្រជាពលរដ្ឋកម្ពុជាក្រោម។
គួររំលឹកថា ព្រះសង្ឃកម្ពុជាក្រោមទាំងពីរអង្គ ដែលអាជ្ញាធរវៀតណាមចាប់ខ្លួន កាលពីថ្ងៃទី១៦ ខែឧសភា ឆ្នាំ២០១៣ ត្រូវបានព្រះសង្ឃ និងសមាគមខ្មែរកម្ពុជាក្រោម លើកឡើងថា ដោយសារព្រះអង្គ មានទំនាក់ទំនងជាមួយប្រជាពលរដ្ឋខ្មែរកម្ពុជាក្រោម នៅក្រៅប្រទេស៕
No comments:
Post a Comment
yes