អង្គការសមាគមខ្មែរកម្ពុជាក្រោម គ្រោងដង្ហែញត្តិម្តងទៀត ទៅស្ថានទូតវៀតណាម និងស្ថានទូតមួយចំនួនទៀត នៅថ្ងៃចន្ទនេះ រកកិច្ចអន្តរាគមន៍ ផ្តល់យុត្តិធម៌ ជូនព្រះសង្ឃ និងពលរដ្ឋ ខ្មែរកម្ពុជាក្រោម ដែលកំពុងជាប់ពន្ធនាគារ នៅប្រទេសវៀតណាម។
ប្រធានបណ្តាញយុវជនខ្មែរកម្ពុជាក្រោម លោក ស៊ឺន ជុំជួន ប្រាប់VODថា អង្គការសមាគមខ្មែរកម្ពុជាក្រោម នឹងដាក់ញត្តិទៅគ្រប់ស្ថានទូត រួមទាំងស្ថានទូតវៀតណាមផងនៅថ្ងៃចន្ទទី៣០ខែកញ្ញានេះ ក្នុងបំណងច្រានចោលសាលក្រមតុលាការវៀតណាម ដែលផ្តន្ទាទោសព្រះសង្ឃ និងប្រជាពលរដ្ឋ ខ្មែរកម្ពុជាក្រោមមួយចំនួន ដាក់ពន្ធនាគារពី៣ទៅ៥ឆ្នាំ ចោទពីបទ ផ្ដល់ព័ត៌មានទៅសហគមន៍ខ្មែរក្រោមក្រៅប្រទេស ដែលប្រទេកុម្មុយនីស្តមួយនេះមិនចូលចិត្ត។
កាលពីទី២៧ខែកញ្ញា អង្គការ សមាគមខ្មែរកម្ពុជាក្រោម បានយកញត្តិមកដាក់ជូនស្ថានទូតវៀតណាម ដើម្បីរកយុត្តិធម៌ករណីនេះ តែត្រូវបរាជ័យដោយគ្មានមន្ត្រីស្ថានទូតវៀតណាម ណាមួយអើពើចេញមកទទួលញត្តិនេះឡើយ ។
កម្ពុជាក្រោមត្រូវបានអាណានិគមនិយមបារាំង ប្រគល់ឲ្យប្រទេសវៀតណាមគ្រប់គ្រងដោយខុសច្បាប់ ជាង៦០ឆ្នាំមកហើយ ចាប់ពីឆ្នាំ១៩៤៩ ដែលមាន២១ខេត្ត និងមានទំហំដីជិត៧ម៉ឺនគីឡូម៉ែត្រក្រឡា(៦៨៩៦៥) និងមានប្រជាពលរដ្ឋជាង១២លាននាក់ (១២,៥៤៧,២៥០)។ ក្រោយមកមានការរើបម្រាស់ពីខ្មែរក្រោមញឹកញាប់ តែត្រូវបានបង្ក្រាបពីអាជ្ញាធរវៀតណាម៕
No comments:
Post a Comment
yes